પીએમઇન્ડિયા

પ્રધાનમંત્રી નરેન્દ્ર મોદીએ UAE ના પ્રમુખ શેખ મોહમ્મદ બિન ઝાયેદ અલ નાહયાન સાથે મળીને દુબઈમાં 1 ડિસેમ્બર 2023 ના રોજ COP-28 ખાતે ‘ગ્રીન ક્રેડિટ્સ પ્રોગ્રામ‘ પર ઉચ્ચ-સ્તરીય કાર્યક્રમનાં સહ-યજમાન બન્યા હતા. આ કાર્યક્રમમાં સ્વીડનના પ્રધાનમંત્રી મહામહિમ શ્રી ઉલ્ફ ક્રિસ્ટરસન, મોઝામ્બિકના પ્રમુખ મહામહિમ શ્રી ફિલિપ ન્યુસી અને યુરોપિયન કાઉન્સિલના પ્રમુખ મહામહિમ શ્રી ચાર્લ્સ મિશેલની ભાગીદારી જોવા મળી હતી.

પ્રધાનમંત્રીએ તમામ રાષ્ટ્રોને આ પહેલમાં જોડાવા આમંત્રણ આપ્યું હતું.

આબોહવા પરિવર્તનના પડકાર સામે અસરકારક પ્રતિભાવ તરીકે, સ્વૈચ્છિક પૃથ્વી તરફી ક્રિયાઓને પ્રોત્સાહિત કરવાની પદ્ધતિ તરીકે ગ્રીન ક્રેડિટ પહેલની કલ્પના કરવામાં આવી છે. તે કુદરતી ઇકો-સિસ્ટમનો કાયકલ્પ કરવા અને પુનર્જીવિત કરવા, નકામી/અધોગતિ પામેલી જમીનો અને નદીના ગ્રહણ વિસ્તારો પર વાવેતર માટે ગ્રીન ક્રેડિટના મુદ્દાની કલ્પના કરે છે.

ઇવેન્ટ દરમિયાન એક વેબ પ્લેટફોર્મ, જે નીતિઓ અને શ્રેષ્ઠ પ્રથાઓના ભંડાર તરીકે સેવા આપશે જે પર્યાવરણને અનુકૂળ ક્રિયાઓને પ્રોત્સાહન આપે છે, તે પણ લોન્ચ કરવામાં આવ્યું હતું (https://ggci-world.in/).

આ વૈશ્વિક પહેલનો ઉદ્દેશ્ય ગ્રીન ક્રેડિટ્સ જેવા પ્રોગ્રામ્સ/મિકેનિઝમ્સ દ્વારા પર્યાવરણની સકારાત્મક ક્રિયાઓના આયોજન, અમલીકરણ અને દેખરેખમાં જ્ઞાન, અનુભવો અને શ્રેષ્ઠ પદ્ધતિઓના આદાન-પ્રદાન દ્વારા વૈશ્વિક સહયોગ, સહકાર અને ભાગીદારીને સરળ બનાવવાનો છે.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com