પીએમઇન્ડિયા

પ્રધાનમંત્રી શ્રી નરેન્દ્ર મોદીની અધ્યક્ષતામાં મંત્રીમંડળની સમિતિએ નીચેનાં પ્રસ્તાવોને મંજૂરી આપી હતી –

• હિંદુસ્તાન ઉર્વરક એન્ડ રસાયણ લિમિટેડ (એચયુઆરએલ)ને ભાડાપટ્ટે જમીન ઉપલબ્ધ કરાવવી.
• હિંદુસ્તાન ઉર્વરક એન્ડ રસાયણ લિમિટેડ (એચયુઆરએલ) દ્વારા ભારતીય ઉર્વરક નિગમનાં ગોરખપુર અને સિંદરી એકમો તથા  હિંદુસ્તાન ઉર્વરક લિમિટેડ (એચએલસીએલ)નાં બરૌની એકમનાં પુનર્ગઠન માટે કન્સેશન સમજૂતી અને ભાડાપટ્ટાની સમજૂતી કરાવી.
• ગોરખપુર, સિંદરી અને બરૌનીની ત્રણ યોજના માટે એચયુઆરએલ અને એફસીઆઈએલ/એચએફસીએલ વચ્ચે સમજૂતીને ધ્યાનમાં રાખીને વૈકલ્પિક સમજૂતીઓ અને અન્ય સમજૂતીઓને મંજૂરી આપવા માટે આંતર-મંત્રાલય સમિતિને અધિકૃત કરવી.

અસરઃ

એફસીઆઈએલ/એચએફસીએલનાં ગોરખપુર, સિંદરી અને બરૌની એકમોનાં પુનર્ગઠનથી ખાતર ક્ષેત્રમાં પર્યાપ્ત રોકાણ સુનિશ્ચિત થશે. આ એકમો જગદીશપુર-હલ્દિયા પાઇપલાઇન (જેએચપીએલ) ગેસ પાઇપલાઇનનાં મુખ્ય ગ્રાહક સ્વરૂપે કામ કરશે, જેને પૂર્વ ભારતમાં મહત્ત્વપૂર્ણ માળખાગત વિકાસ માટે પાથરવામાં આવે છે. જેનાથી વિસ્તારમાં રોજગારીની તકો પેદા થશે અને પૂર્વ ભારત/રાજ્યનાં અર્થતંત્રમાં વૃદ્ધિ થશે. ખાતર એકમોનાં પુનર્ગઠનથી યૂરિયાનું સ્થાનિક ઉત્પાદન વધશે અને પરિણામસ્વરૂપે યૂરિયામાં સ્વનિર્ભરતા આવશે. 

વિગત:

• એનટીપીસી, આઇઓસીએલ, સીઆઇએલ અને એફસીઆઈએલ/એચએફસીએલની સંયુક્ત સાહસની કંપની એચયુઆરએલની રચના જૂન, 2016માં કરવામાં આવી હતી, જેથી ગોરખપુર, સિંદરી અને બરૌનીમાં ખાતર પુનર્ગઠન યોજનાઓનો અમલ થઈ શકે.
• આ ત્રણ સ્થળો પર ખાતર યોજનાની સ્થાપનામાં એચયુઆરએલની સહાયતા માટે એફસીઆઈએલ/એચએફસીએલ દ્વારા એચયુઆરએલની સાથે ભાડાપટ્ટાની સમજૂતી પર હસ્તાક્ષર થવાનાં છે. જમીનને 55 વર્ષ માટે ભાડાપટ્ટે આપવામાં આવશે.
• ભાડાપટ્ટાનાં ધારક (એચયુઆરએલ) દર વર્ષે ભાડાપટ્ટાદાતા (એફસીઆઈએલ/એચએફસીએલ)ને એક લાખ રૂપિયાનો આંશિક પટ્ટો ભાડે આપશે.
• એફસીઆઈએલની સિંદરી અને ગોરખપુર એકમો તથા એચએફસીએલની બરૌની એકમ માટે કન્સેશન સમજૂતીને ધ્યાનમાં રાખીને એફસીઆઈએલ/એચએફસીએલ તથા એચયુઆરએલ (કન્સેશન સાથે) વચ્ચે સમજૂતી થવાની છે. જે અંતર્ગત એચયુઆરએલને ડિઝાઇન, એન્જિનીયરિંગ, નિર્માણ, ખરીદ, પરીક્ષણ, તપાસ, સંચાલન, ખનીજ મશીનરીની દેખરેખ અને એનાં ઉત્પાદનનું માર્કેટિંગ કરવાનો અધિકાર થઈ શકે.
• એચયુઆરએલને ભંડોળ મેળવવા માટે જમીન ફાળવણીનાં ઉદ્દેશને ધ્યાનમાં રાખીને એફસીઆઈએલ/એચએફસીએલ, વિશેષ યોજના માટે ઋણદાતા પ્રતિનિધિ અને એચયુઆરએલ વચ્ચે થનારી વૈકલ્પિક સમજૂતી, જે એક ત્રિપક્ષીય સમજૂતી છે, આ માટે દરેક યોજનાઓનાં સંબંધમાં ઋણદાતા સમૂહ દ્વારા હસ્તાક્ષર કર્યા પછી આ સમજૂતી પર હસ્તાક્ષર કરવાની જરૂર પડશે.

RP