પીએમઇન્ડિયા

પ્રધાનમંત્રી શ્રી નરેન્દ્ર મોદી આવતીકાલે છત્તીસગઢમાં નયા રાયપુર ખાતે પ્રધાનમંત્રી આવાસ યોજના હેઠળ નિર્માણ પામનારાં ઘરો માટે શિલાન્યાસ કરશે.

પ્રધાનમંત્રી છત્તીસગઢના રાજનંદગાંવ જિલ્લામાં કુરુભાત ખાતે શ્યામા પ્રસાદ મુખરજી નેશનલ રુર્બન મિશન લૉન્ચ કરશે. આ રુર્બન મિશનનું ધ્યેય તમામ રાજ્યો અને કેન્દ્ર શાસિત પ્રદેશોમાં ગ્રામીણ વિકાસનાં ક્લસ્ટર્સ વિકસાવવાનો છે, જેનાથી પ્રદેશના એકંદર વિકાસને વેગ મળશે. આ ક્લસ્ટર્સ આર્થિક પ્રવૃત્તિઓ વધારીને, કૌશલ્ય અને સ્થાનિક ઉદ્યોગસાહસિકતાના વિકાસ દ્વારા તેમજ માળખાકીય સુવિધાઓ પૂરી પાડીને વિકસાવવામાં આવશે.

શ્રી નરેન્દ્ર મોદી ઓડિશામાં બારગઢ ખાતે જાહેર સભાને સંબોધન કરશે.

પ્રધાનમંત્રી આવતીકાલે સાંજે કોલકતામાં ગૌડિયા મિશન અને મઠના શતાબ્દિ સમારંભના ઉદ્ઘાટનમાં હાજરી આપશે.

UM/J.Khunt