પીએમઇન્ડિયા

પ્રધાનમંત્રી શ્રી નરેન્દ્ર મોદીએ મહામહિમ શ્રી ફામ મિન્હ ચિન્હ, વિયેતનામના પ્રધાનમંત્રી સાથે 20 મે 2023 ના રોજ હિરોશિમામાં G-7 સમિટની બાજુમાં મુલાકાત કરી.

બંને નેતાઓએ દ્વિપક્ષીય વ્યાપક વ્યૂહાત્મક ભાગીદારીમાં પ્રાપ્ત થયેલી સતત પ્રગતિની નોંધ લીધી. તેઓ ઉચ્ચ સ્તરીય વિનિમય વધારવા અને દ્વિપક્ષીય વેપાર અને રોકાણ સંબંધોને વધુ ગાઢ બનાવવા સંમત થયા હતા.

તેઓએ સંરક્ષણ, સ્થિતિસ્થાપક પુરવઠા શૃંખલાઓના નિર્માણ, ઊર્જા, વિજ્ઞાન અને ટેકનોલોજી, માનવ સંસાધન વિકાસ, સંસ્કૃતિ અને લોકો વચ્ચેના સંબંધોના ક્ષેત્રોમાં તકોની પણ ચર્ચા કરી.

નેતાઓએ પ્રાદેશિક વિકાસ પર સકારાત્મક વિચારોનું આદાન પ્રદાન કર્યું હતું. તેઓએ આસિયાન અને ઈન્ડો-પેસિફિકમાં સહયોગ અંગે પણ ચર્ચા કરી હતી.

પ્રધાનમંત્રીએ પ્રધાનમંત્રી ચિન્હને ભારતના G-20 પ્રેસિડેન્સી અને વૈશ્વિક દક્ષિણના પરિપ્રેક્ષ્યો અને ચિંતાઓને પ્રકાશિત કરવા માટે ભારત દ્વારા આપવામાં આવેલી પ્રાધાન્યતા વિશે માહિતી આપી હતી.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com