મુખ્ય વિષયવસ્તુ પર જાઓ
Search
મેનુ
મેનુ બંધ કરો
મુખ્ય પૃષ્ઠ

પીએમઇન્ડિયાપીએમઇન્ડિયા

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ અમદાવાદમાં સાબરમતી આશ્રમની સ્થાપનાનાં શતાબ્દી સમારંભમાં ભાગ લીધો

પ્રધાનમંત્રીએ અમદાવાદમાં સાબરમતી આશ્રમની સ્થાપનાનાં શતાબ્દી સમારંભમાં ભાગ લીધો

પ્રધાનમંત્રીએ અમદાવાદમાં સાબરમતી આશ્રમની સ્થાપનાનાં શતાબ્દી સમારંભમાં ભાગ લીધો


પ્રધાનમંત્રી શ્રી નરેન્દ્ર મોદી આજે ગુજરાતમાં સાબરમતી આશ્રમની સ્થાપનાનાં શતાબ્દી સમારંભમાં સામેલ થયાં હતાં. આ કાર્યક્રમમાં બોલતાં તેમણે જણાવ્યું હતું કે, મહાત્મા ગાંધીનાં વિચારો દુનિયા હાલ જે પડકારોનો સામનો કરી રહી છે તેનું સમાધાન કરવાની તાકાત ધરાવે છે.

 

તેમણે કહ્યું હતું કે, એક સમાજ તરીકે આપણાં ઇતિહાસ સાથે નાતો જાળવી રાખવો આવશ્યક છે. મહાત્મા ગાંધીનાં આધ્યાત્મિક માર્ગદર્શક શ્રીમદ્ રાજચંદ્રજીની 150મી જન્મજયંતિ પર તેમનાં પ્રદાનને યાદ કરતાં પ્રધાનમંત્રીએ શ્રીમદ્ રાજચંદ્રજીનાં જીવન અને વિચારો પર વધારે અભ્યાસ અને સંશોધન કરવાની અપીલ કરી હતી.

 

સ્વચ્છતા પર બોલતાં શ્રી મોદીએ કહ્યું હતું કે, સ્વચ્છતા આદત બનવી જોઈએ. તેમણે કહ્યું હતું કે, વર્ષ 2019માં સ્વચ્છ ભારત મહાત્મા ગાંધીની 150મી જન્મજયંતિની ઉજવણી પર તેમને ઉચિત શ્રદ્ધાંજલિ બનશે.

 

તેમણે સમગ્ર દુનિયાનાં લોકોને સાબરમતી આશ્રમની મુલાકાત લેવા અપીલ કરી હતી.

 

ગાય અંગે સમાજમાં જાગૃતિ લાવવા પ્રધાનમંત્રીએ ભારપૂર્વક કહ્યું હતું કે, “આપણી ભૂમિ અહિંસાની ભૂમિ છે. ભારત મહાત્મા ગાંધીની ભૂમિ છે. મહાત્મા ગાંધી અને આચાર્ય વિનોબા ભાવેથી વધારે અસરકારક રીતે ગાયનું રક્ષણ કરવાની વાત કોઈએ કરી નથી. તેમાં શંકાને કોઈ સ્થાન નથી. ગાયનું રક્ષણ થવું જોઈએ.”

 

જોકે તેમણે આગ્રહપૂર્વક જણાવ્યું હતું કે, ગૌભક્તિનાં નામે લોકોની હત્યા સ્વીકાર્ય નથી. મહાત્મા ગાંધીને આ મંજૂર નહોતું તેવું તેમણે કહ્યું હતું. એક સમાજ તરીકે હિંસાને કોઈ સ્થાન નથી. આ દેશમાં કોઈ વ્યક્તિને કાયદો પોતાનાં હાથમાં લેવાનો અધિકાર નથી તેવું તેમણે ઉમેર્યું હતું.

 

પ્રધાનમંત્રીએ લોકોને ખભેખભો મિલાવીને કામ કરવા અને મહાત્મા ગાંધીનાં સ્વપ્નોનાં ભારતનું નિર્માણ કરવા અપીલ કરી હતી, જેનાં પર આપણાં સ્વાતંત્ર્ય સેનાનીઓને ગર્વ થાય.

 

AP/J.Khunt

લોકપ્રિય સમાચાર

પ્રધાનમંત્રીએ 2025ના તમામ પદ્મ પુરસ્કાર વિજેતાઓને અભિનંદન પાઠવ્યા 25 Jan, 2025
સ્વામિત્વ યોજના હેઠળ પ્રોપર્ટી કાર્ડના વિતરણ દરમિયાન પ્રધાનમંત્રીના લાભાર્થીઓ સાથેના વાર્તાલાપ અને સંબોધનનો મૂળપાઠ 18 Jan, 2025
પ્રધાનમંત્રીએ સુપ્રસિદ્ધ ગાયક મોહમ્મદ રફીને તેમની 100મી જન્મજયંતી પર યાદ કર્યા 24 Dec, 2024
પ્રયાગરાજમાં બહુવિધ વિકાસ પરિયોજનાઓના ઉદ્ઘાટન અને લોકાર્પણ સમયે પીએમના સંબોધનનો મૂળપાઠ 13 Dec, 2024
નવી દિલ્હીમાં અષ્ટલક્ષ્મી મહોત્સવના ઉદ્ઘાટન સમયે પ્રધાનમંત્રીના સંબોધનનો મૂળપાઠ 06 Dec, 2024

તાજા સમાચાર

પ્રધાનમંત્રીએ ગાંધી સ્મૃતિ ખાતે પ્રાર્થના સભામાં હાજરી આપી 30 Jan, 2025
જ્યારે અવકાશ ક્ષેત્રની વાત આવે, ત્યારે ભારત પર દાવ લગાવો: પ્રધાનમંત્રી 30 Jan, 2025
બીટિંગ રીટ્રીટ સમારોહની ખાસ ક્ષણો, જેમાં સશસ્ત્ર દળોએ આપણા સ્વાતંત્ર્ય સેનાનીઓનું અનોખી રીતે સન્માન કર્યું: પ્રધાનમંત્રી 30 Jan, 2025
વિકાસ ભારત તરફની યાત્રા પૂર્ણ જોશ સાથે આગળ વધી રહી છે: પ્રધાનમંત્રી 30 Jan, 2025
પ્રધાનમંત્રીએ રાજઘાટ ખાતે મહાત્મા ગાંધીને શ્રદ્ધાંજલિ અર્પણ કરી 30 Jan, 2025