પીએમઇન્ડિયા

પ્રધાનમંત્રી શ્રી નરેન્દ્ર મોદીએ પ્રખ્યાત કૃષિ વૈજ્ઞાનિક ડૉ. એમ.એસ. સ્વામીનાથનના નિધન પર ઘેરો શોક વ્યક્ત કર્યો છે જેમના “કૃષિ ક્ષેત્રે અભૂતપૂર્વ કાર્યથી લાખો લોકોના જીવનમાં પરિવર્તન આવ્યું અને આપણા રાષ્ટ્ર માટે ખાદ્ય સુરક્ષા સુનિશ્ચિત થઈ.”

પ્રધાનમંત્રીએ X પર એક થ્રેડ પોસ્ટ કર્યું:

“ડૉ. એમ.એસ. સ્વામીનાથનજીના નિધનથી ખૂબ જ દુઃખ થયું. આપણા રાષ્ટ્રના ઈતિહાસના અત્યંત નિર્ણાયક સમયગાળામાં, કૃષિ ક્ષેત્રે તેમના અભૂતપૂર્વ કાર્યથી લાખો લોકોના જીવનમાં પરિવર્તન આવ્યું અને આપણા રાષ્ટ્ર માટે ખાદ્ય સુરક્ષા સુનિશ્ચિત થઈ.

કૃષિમાં તેમના ક્રાંતિકારી યોગદાન ઉપરાંત, ડૉ. સ્વામીનાથન નવીનતાના પાવરહાઉસ અને ઘણા લોકો માટે પોષક માર્ગદર્શક હતા. સંશોધન અને માર્ગદર્શન માટે તેમની અતૂટ પ્રતિબદ્ધતાએ અસંખ્ય વૈજ્ઞાનિકો અને સંશોધકો પર અમીટ છાપ છોડી છે.

હું ડૉ. સ્વામીનાથન સાથેની મારી વાતચીતને હંમેશા યાદ રાખીશ. ભારતની પ્રગતિ જોવાનો તેમનો જુસ્સો અનુકરણીય હતો.

તેમનું જીવન અને કાર્ય આવનારી પેઢીઓને પ્રેરણા આપશે. તેમના પરિવાર અને પ્રશંસકો પ્રત્યે સંવેદના. ઓમ શાંતિ.”

Deeply saddened by the demise of Dr. MS Swaminathan Ji. At a very critical period in our nation’s history, his groundbreaking work in agriculture transformed the lives of millions and ensured food security for our nation. pic.twitter.com/BjLxHtAjC4

— Narendra Modi (@narendramodi) September 28, 2023

CB/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com