পি এম ইণ্ডিয়া

ৰাজ্যসভাৰ সাংসদ থিৰু ইলাইয়াৰাজাই আজি নতুন দিল্লীত প্ৰধানমন্ত্ৰী শ্ৰী নৰেন্দ্ৰ মোদীক সাক্ষাৎ কৰে।

শ্ৰী মোদীয়ে ইলাইয়াৰাজাৰ প্ৰথমখন ৱেষ্টাৰ্ণ ক্লাছিকেল চিম্ফনী ভেলিয়েণ্টৰ শলাগ লয় যাক শেহতীয়াকৈ প্ৰতিষ্ঠিত ৰয়েল ফিলহাৰমনিক অৰ্কেষ্ট্ৰাৰ সৈতে লণ্ডনত পৰিবেশন কৰা হৈছিল। ভাৰতীয় আৰু বিশ্ব সংগীতৰ ওপৰত এই মহান শিল্পীৰ প্ৰভাৱক মান্যতা প্ৰদান কৰি, প্ৰধানমন্ত্ৰী শ্ৰী নৰেন্দ্ৰ মোদীয়ে শ্ৰী ইলাইয়াৰাজাক “সংগীত জগতৰ নক্ষত্ৰ আৰু পথপ্ৰদৰ্শক” বুলি আখ্যা দি তেওঁৰ প্ৰশংসা কৰে, যাৰ কামে বিশ্ব পৰ্যায়ত উৎকৃষ্টতাক এক নতুন পৰিভাষা প্ৰদান কৰি আছে।

শ্ৰী মোদীয়ে এক্স পোষ্টত কয়:

“ৰাজ্যসভাৰ সাংসদ থিৰু ইলাইয়াৰাজাজীক লগ পাই আনন্দিত হ’লোঁ, তেওঁ সংগীতৰ নক্ষত্ৰ, যাৰ প্ৰতিভাৰ আমাৰ সংগীত আৰু সংস্কৃতিত অম্লান প্ৰভাৱ আছে।

তেওঁ প্ৰতিটো দৃষ্টিৰে অগ্ৰণী আৰু তেওঁ কিছুদিন পূৰ্বে লণ্ডনত নিজৰ প্ৰথম ৱেষ্টাৰ্ণ ক্লাছিকেল চিম্ফনী ভেলিয়েণ্ট উপস্থাপন কৰি পুনৰবাৰ ইতিহাসৰ সৃষ্টি কৰিলে। এই প্ৰদৰ্শন বিশ্ব বিখ্যাত ৰয়েল ফিলহাৰমনিক অৰ্কেষ্ট্ৰাৰ সৈতে কৰা হৈছিল। এই উল্লেখযোগ্য কৃতিত্বই তেওঁৰ অতুলনীয় সংগীত যাত্ৰাত আন এটা অধ্যায় যোগ কৰিছে – যি বিশ্ব স্তৰত উৎকৃষ্টতা লাভ কৰাটো অব্যাহত ৰাখিছে।”

@ilaiyaraaja”

**********

MJPS/ST