পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেট বৈঠকত ২০২১ৰ ভাৰতৰ লোকপ্ৰিয়ল আৰম্ভ কৰাৰ বাবে ৮,৭৫৪.২৩ কোটি আৰু ৰাষ্ট্ৰীয় জনসংখ্যা পঞ্জীৰ উন্নীতকৰণ(এনপিআৰ)ৰ বাবে ৩,৯৪১.৩৫ কোটি টকা ব্যয়ত অনুমোদন জনাইছে৷

হিতাধিকাৰীসকলঃ

ভাৰতৰ লোকপ্ৰিয়লে সমগ্ৰ দেশৰ জনসংখ্যাক সামৰি লোৱাৰ বিপৰীতে এনপিআৰে অসমক বাদ দি বাকী ৰাজ্যসমূহক সামৰি ল’ব৷

সবিশেষঃ

• ভাৰতৰ লোকপ্ৰিয়লৰ কাম বিশ্বৰ ভিতৰত বৃহত্তম প্ৰশাসনিক আৰু পৰিসাংখ্যিক কাম৷ প্ৰতি দহ বছৰৰ মুৰে মুৰে হোৱা লোকপ্ৰিয়লৰ কাম ২০২১ চনত পৰিচালিত হ’ব৷ লোকপ্ৰিয়লৰ কাম দুটা পর্যায়ত চলিবঃ

1. গৃহৰ তালিকাভুক্তি আৰু গণনা সংক্রান্তীয় কাম  ২০২০ৰ এপ্রিলৰ পৰা ছেপ্টেম্বৰ মাহলৈকে চলিব, আৰু
2. লোকপ্ৰিয়লৰ কাম ২০২১ চনৰ ৯ ফেব্রুয়াৰীৰ পৰা ২৮ ফেব্রুৱাৰীলৈকে চলিব৷

অমসক বাদ দি দেশৰ বাকী অংশত গৃহৰ তালিকাভুক্তি আৰু গণনা সংক্রান্তীয় কাম চলাৰ লগতে ৰাষ্ট্ৰীয় নাগৰিক পঞ্জীত প্ৰয়োজনীয় সংশোধনৰ কামো চলিব৷

• এই বৃহত্তম লোকপ্ৰিয়ল প্ৰক্রিয়াত ২০১১ৰ ২৮ লাখৰ বিপৰীতে এইবাৰ ৩০ লাখ কর্মী নিযুক্ত কৰা হ’ব৷
• লোকপ্ৰিয়লৰ কামত তথ্য সংগ্ৰহৰ বাবে ম’বাইল এপ আৰু সমগ্ৰ প্ৰক্রিয়াত নিৰীক্ষণ কৰাৰ বাবে কেন্দ্রীয় পৰ্যায়ত এটা পোর্টেল কামত লগোৱা হ’ব৷
• জনসংখ্যা সম্পর্কীয় তথ্য প্ৰচাৰৰ কাম এনে ব্যৱহাৰ উপযোগী পদ্ধতিত কৰা হ’ব, যাতে সিদ্ধান্ত প্ৰস্তুত কৰাৰ ক্ষেত্রত প্ৰয়োজনীয় মাপকাঠি অনুসৰি যাৱতীয় তথ্য এটা বুটাম টিপিলেই পোৱা যাব বা আঁতৰ কৰিব পৰা যায়।
• সেৱা হিচাপে লোকপ্ৰিয়ল বিভিন্ন মন্ত্ৰালয়ে তেওঁলোকৰ চাহিদা অনুসৰি সুস্পষ্ট তথা সহজলভ্য বিভিন্ন তথ্য যোগান ধৰিব৷

সংস্থাপন সৃষ্টিৰ সম্ভাৱনীয়তাকে ধৰি মুখ্য প্ৰভাৱঃ

• লোকপ্ৰিয়ল কেৱল পৰিসংখ্যা সংগ্ৰহতে সীমাবদ্ধ নহয়৷
• লোকপ্ৰিয়লৰ সকলো ফলাফল পৰিৱেশ অনুকূল উপায়েৰে ৰাইজক অৱগত কৰা হ’ব৷
• এই সম্পর্কীয় সকলো তথ্য সংশ্লিষ্ট সকলো পক্ষৰ ব্যৱহাৰৰ বাবে ৰখা হ’ব, যাতে প্ৰয়োজনত সিদ্ধান্ত গ্ৰহণত সহায় হয়।
• জনসংখ্যা সম্পর্কীয় তথ্য  তথা চৰকাৰী নীতি প্ৰণয়নৰ ক্ষেত্রত এক শক্তিশালী হাথিয়াৰ৷
• অৱশ্যে, অন্যান্য প্ৰশাসনিক আৰু সমীক্ষামুলক তথ্যৰ ভূমিকাও এই ক্ষেত্ৰত সমানেই প্রাসংগিক৷

দুমাহ ধৰি চলিবলগীয়া এই বৃহৎ কামৰ আন এটা সুফল হ’ল লোকপ্ৰিয়ল প্ৰক্রিয়াত সমগ্ৰ দেশত আনকি, অতি পিছপৰা অঞ্চলসমূহতো পৰোক্ষ কর্মসংস্থাপনৰ সূযোগ সৃষ্টি কৰিব৷ এই প্ৰক্রিয়াত প্ৰতিটো পৰিয়াললৈ লোকপ্ৰিয়লত নিযুক্ত কর্মীসকল যাব আৰু পৃথকে প্ৰশ্নসূচী লৈ তেওঁলোকে সাধাৰণ লোকসকলৰ উত্তৰ জনাৰ চেষ্টা কৰিব৷

২০২১ চনৰ লোকপ্ৰিয়লত গ্ৰহণ কৰিবলগীয়া নতুন প্ৰচেষ্টাৱলীৰ ব্যৱহাৰ কৰা হৈছে৷ সেইবোৰ ভিতৰত

• তথ্য সংগ্ৰহৰ বাবে প্ৰথমবাৰলৈ ম’বাইল এপৰ ব্যৱহাৰ৷
• সমগ্ৰ প্ৰক্রিয়া সুস্থভাৱে পৰিচালনা আৰু নিৰীক্ষণ কৰাৰ বাবে কেন্দ্রীয় পৰ্যায় পোর্টেল।
• লোকপ্ৰিয়ল প্ৰক্রিয়াৰ সময়ত সাধাৰণ লোকৰ স্বার্থত নিজৰ নাম নিজেই অনলাইনত অন্তর্ভুক্ত কৰিব পাৰিব৷
• ৰাজহুৱা বিত্তীয় ব্যৱস্থাপনা পদ্ধতি(পিএফএমএছ) আৰু প্ৰত্যক্ষ সুবিধা হস্তান্তৰ(ডিবিটি) ব্যৱস্থাৰ জৰিয়তে লোকপ্ৰিয়ল প্ৰক্রিয়াৰ সৈতে জড়িত প্ৰতিগৰাকী কর্মীৰ বেংক একাউণ্টত তেওঁলোকৰ পাৰিতোষিক বা ভাট্টা প্ৰদান কৰা৷
• লোকপ্ৰিয়ল প্ৰক্রিয়া সুস্থভাৱে পৰিচালনা কৰাৰ বাবে তৃণমূল পৰ্যায়ত ৩০ লাখ কর্মীক প্ৰয়োজনীয় প্ৰশিক্ষণ প্ৰদান কৰা হ’ব৷

পটভূমিঃ

উল্লেখ্য যে ১৮৭২ চনৰ পৰা নিয়মীয়াকৈ দহ বছৰৰ মুৰে মুৰে ভাৰতত লোকপ্ৰিয়ল অনুষ্ঠিত হৈ আহিছে৷ ২০২১ চনৰ লোকপ্ৰিয়ল হৈছে ভাৰতৰ ষষ্ঠদশ তথা স্বাধীনতাৰ পাছত অষ্টম লোকপ্ৰিয়ল৷ লোকপ্ৰিয়ল হ’ল এনে এক প্ৰক্রিয়া, যাৰ জৰিয়তে গাঁও, চহৰ, ব্লক আনকি ৱার্ড পৰ্যায়ত গৃহ, মৌলিক সা–সুবিধা, জনসাংখ্যিক বৈশিষ্ট্য, ভাষা, সাহিত্য আৰু শিক্ষা, অর্থনৈতিক কাম–কাজ সম্পর্কীয় বিভিন্ন তথ্য পোৱা যায়৷

১৯৫৫ চনৰ নাগৰিকত্ব আইন আৰু ২০০৩ চনৰ নাগৰিকত্ব অধিনিয়মৰ বিভিন্ন ধাৰাৰ অধীনত ২০১০ চনত ৰাষ্ট্ৰীয় জনসংখ্যা পঞ্জী প্ৰস্তুত কৰা হৈছিল৷ ২০১৫ চনত আধাৰ সংযুক্তিকৰণ প্ৰক্রিয়াৰ জৰিয়তে জনসংখ্যা পঞ্জীত নতুন তথ্য সংযোজন কৰা হয়৷

*****

VRRK/SC/SH/DB