পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে ভূপালত ৰাষ্ট্ৰীয় মানসিক স্বাস্থ্য পুনৰ্বাসন প্ৰতিষ্ঠান (এনআইএমএইচআৰ) স্থাপন কৰাৰ বাবে অনুমোদন প্ৰদান কৰিছে৷ এই প্ৰতিষ্ঠান অন্য ধৰণে সক্ষম ব্যক্তিৰ সৱলীকৰণ বিভাগৰ অন্তৰ্গত এক ছ’চাইটীৰ ৰূপত ছ’চাইটীজ ৰেজিষ্ট্ৰেছন আইন ১৮৬০ ৰ অধীনত স্থাপন কৰা হ’ব৷ প্ৰথম তিনিটা বৰ্ষত এই যোজনাত ১৭৯.৫ কোটি টকাৰ ব্যয় হোৱাৰ সম্ভাৱনা আছে৷ ইয়াত ১২৮.৫৪ কোটি টকাৰ নন ৰেকাৰিং ব্যয় আৰু ৫১ কোটি টকাৰ ৰেকাৰিং ব্যয় অন্তৰ্ভুক্ত আছে৷

কেবিনেটে এই প্ৰতিষ্ঠানৰ বাবে সংযুক্ত সচিব পৰ্যায়ৰ তিনিটা পদ য’ত এটা সঞ্চালকৰ পদো অন্তৰ্ভুক্ত আছে, ইয়াৰোপৰি অধ্যাপকৰ দুটা পদৰো অনুমোদন জনাইছে৷ এনআইএমএইচআৰৰ মুখ্য উদ্দেশ্য মানসিক ৰোগীৰ পুনৰ্বাসনৰ ব্যৱস্থাপনা তথা এই ক্ষেত্ৰত বিকাশ আৰু মানসিক স্বাস্থ্যৰ পুনৰ্বাসৰ বাবে নীতি প্ৰণয়নৰ অনুসন্ধান আদিক উৎসাহ প্ৰদান কৰে৷

প্ৰতিষ্ঠানটোত ৯ টা বিভাগ আৰু কেন্দ্ৰ থাকিব৷ ইয়াত মানসিক স্বাস্থ্যৰ পুনৰ্বাসৰ ক্ষেত্ৰত ১২টা বিষয়ত ডিপ্ল’মা, ছাৰ্টিফিকেট, স্নাতক, স্নাতকোত্তৰ আৰু এম.ফিল ডিগ্ৰী সহিতে ১২ প্ৰকাৰৰ পাঠ্যক্ৰম থাকিব৷ অনাগত পাঁচটা বৰ্ষৰ ভিতৰত এই প্ৰতিষ্ঠানত বিভিন্ন বিষয়ত ভৰ্তি হ’বলগীয়া শিক্ষাৰ্থীৰ সংখ্যা ৪০০ত কৈ অধিক হোৱাৰ সম্ভাৱনা আছে৷

মধ্য প্ৰদেশ চৰকাৰে প্ৰতিষ্ঠানটোৰ বাবে ভূপালত পাঁচ একৰ ভূমি প্ৰদান কৰিছে৷ এই প্ৰতিষ্ঠান দুটা পৰ্যায়ত তিনিটা বৰ্ষৰ ভিতৰত নিৰ্মাণ হ’ব বৈদ্যুতিকীকৰণৰ কাম সম্পূৰ্ণ হ’ব৷ ভৱন নিৰ্মাণৰ কাম সম্পুৰ্ণ নোহোৱা পৰ্যন্ত সেই সময়লৈ প্ৰতিষ্ঠান ছাৰ্টিফিকেট আৰু ডিপ্ল’মা পাঠ্যক্ৰম তথা অ’পিডি সেৱা প্ৰদান কৰিবলৈ ভূপালত এটা ভৱন ভাৰালৈ লোৱা হ’ব৷ প্ৰতিষ্ঠানে মানসিক ৰোগীৰ সকলোধৰণৰ পুনৰ্বাস সেৱা উপলব্ধ কৰোৱাৰ লগতে স্নাতকোত্তৰ তথা এম.ফিল ডিগ্ৰীৰ শিক্ষা প্ৰদানৰ ব্যৱস্থা কৰিব৷

এনআইএমএইচআৰ দেশত মানসিক স্বাস্থ্যৰ ক্ষেত্ৰত প্ৰথম প্ৰতিষ্ঠান হিচাপে পৰিচিত হ’ব৷ মানসিক স্বাস্থ্যৰ ক্ষেত্ৰত ক্ষমতা বিকাশ আৰু পুনৰ্বাসৰ ক্ষেত্ৰত দক্ষ প্ৰতিষ্ঠান হিচাপে কাম কৰিব আৰু কেন্দ্ৰ চৰকাৰক মানসিক ৰোগীৰ পুনৰ্বাসৰ প্ৰভাৱী ব্যৱস্থাৰ মণ্ডল হিচাপে বিকশিত কৰাত সহায় কৰিব৷

***

AKT/VBA/SH/MANN