পি এম ইণ্ডিয়া

ছুৰাটত অনুষ্ঠিত নিউ ইণ্ডিয়া ইয়ুথ সমাৰোহত প্ৰধানমন্ত্ৰী নৰেন্দ্ৰ মোদীয়ে যুৱ পেছাদাৰীসকলৰ সৈতে বাৰ্তালাপত মিলিত হয়৷ এই নিউ ইণ্ডিয়া ইয়ুথ সমাৰোহত প্ৰধানমন্ত্ৰীক চমকপ্ৰদ স্বাগতম জনোৱা হয়৷

প্ৰধানমন্ত্ৰী নৰেন্দ্ৰ মোদীয়ে কয় যে ৰাষ্ট্ৰ পৰিৱৰ্তন হোৱাৰ দিশত আগবাঢ়িছে কিয়নো দেশৰ জনতাই উন্নত ভাৰতৰ বাবে পৰিৱৰ্তিত হোৱাৰ সিদ্ধান্ত গ্ৰহণ কৰিছে৷ ছুৰাটৰ নিউ ইণ্ডিয়া ইয়ুথ সমাৰোহত ভাষণ প্ৰদান কৰি প্ৰধানমন্ত্ৰীয়ে কয় যে পূৰ্বৰ ধাৰণা আছিল এনেধৰণৰ যে একো নহ’ব অথবা একো পৰিৱৰ্তন নহ’ব৷ কিন্তু এতিয়া মানসিক স্থিতি পৰিৱৰ্তন হৈছে আৰু এয়া পৰিলক্ষিত হৈছে৷ তেওঁ কয়, ‘‘প্ৰাৰম্ভিক পৰ্যায়ত মানুহৰ মাজত একো পৰিৱৰ্তন নহ’ব জাতীয় ধাৰণা আছিল৷ আমি প্ৰথমে সকলোৰে মানসিক স্থিতি পৰিৱৰ্তন কৰিলো- এতিয়া সকলো পৰিৱৰ্তন হ’ব পাৰে৷ ভাৰতৰ পৰিৱৰ্তন হৈছে কিয়নো ভাৰতীয়সকলে পৰিৱৰ্তন হ’বলৈ সিদ্ধান্ত গ্ৰহণ কৰিছে৷’’

ভাৰতৰ শক্তিৰ বিষয়ে আলোকপাত কৰি প্ৰধানমন্ত্ৰীয়ে কয়, ‘‘মুম্বাইত সন্ত্ৰাসবাদীৰ আক্ৰমণ হোৱাৰ পিছত কি হ’ল? আমাৰ চৰকাৰৰ সময়ত উৰিৰ ঘটনাৰ পিছত কি হ’ল? এয়াই পৰিৱৰ্তন৷ আমাৰ জোৱানসকলৰ হৃদয়ত জ্বলি থকা জুই প্ৰধানমন্ত্ৰীৰ হৃদয়তো জ্বলি আছিল৷ ছাৰ্জিকেল ষ্ট্ৰাইক তাৰেই প্ৰতিফলন৷ উৰিৰ সন্ত্ৰাসবাদীৰ আক্ৰমণে মোক শুবলৈ দিয়া নাছিল আৰু ইয়াৰ পিছত কি হ’ব আপোনালোক সকলোৱেই জানে৷ এয়াই পৰিৱৰ্তন৷’’

প্ৰধানমন্ত্ৰীয়ে কয় যে ক’লা ধনৰ বিৰুদ্ধে চৰকাৰে গ্ৰহণ কৰা পদক্ষেপ অতি সাহসিক আৰু নিৰ্ণায়ক আছিল৷
বিমুদ্ৰাকৰণৰ পিছত তিনি লাখ উদ্যোগ বন্ধ হৈছিল আৰু কোনেও ভাবিব পৰা নাছিল যে ক’লা ধন নিয়ন্ত্ৰিত হ’ব, প্ৰধানমন্ত্ৰীয়ে এইদৰে কয়৷

তেওঁ কয়, ‘‘ভাৰতৰ জনসাধাৰণ মানসিকতা বৰ্তমানে পৰিৱৰ্তন হৈছে আৰু ই দেশকো পৰিৱৰ্তিত কৰিব৷ এয়া মোৰ বিশ্বাস৷ দেশ আমাৰ প্ৰত্যেকতকৈ ডাঙৰ৷’’

এক লঘূ পৰিবেশত প্ৰধানমন্ত্ৰীয়ে কয় যে এয়া তেওঁৰ দিনটোৰ চতুৰ্থটো জন সন্মিলনত অংশগ্ৰহণ৷ কিন্তু তেওঁ ভাগৰি পৰা নাই আৰু জনতাহে ভাগৰি পৰিছে নেকি সোধাত জনসাধাৰণৰ বৃহদাংশই নহয় বুলি উত্তৰ প্ৰদান কৰে৷

প্ৰধানমন্ত্ৰীয়ে সমগ্ৰ দিনটো গুজৰাট পৰিভ্ৰমণ কৰে৷ দিনটোৰ আৰম্ভণিতে প্ৰধানমন্ত্ৰীয়ে ছুৰাট বিমানন্দৰৰ টাৰ্মিনেল বিল্ডিঙৰ প্ৰসাৰণ অংশৰ আধাৰশিলা স্থাপন কৰাৰ লগতে বিভিন্ন উন্নয়নমূলক প্ৰকল্প মুকলি কৰে৷ ইয়াৰোপৰি তেওঁ ছুৰাটৰ ষ্টেট-অব্-দা-আৰ্ট ৰচিলাবেন সেৱন্তীলাল ভেনাছ চিকিৎসালয়ো ৰাষ্ট্ৰলৈ বুলি উচৰ্গা কৰে৷ প্ৰধানমন্ত্ৰীয়ে দাণ্ডীত ৰাষ্ট্ৰীয় লোণ সত্যাগ্ৰহ স্মাৰকো ৰাষ্ট্ৰলৈ বুলি উচৰ্গা কৰে৷

***

AKT/VJ/MANN