পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেট বৈঠকত প্ৰধানমন্ত্ৰী স্বাস্থ্য সুৰক্ষা যোজনা(PMSSY)ৰ অধীনত বিলাসপুৰ(হিমাচলপ্ৰদেশ) নতুন এইম্‌ছ স্থাপনত কেবিনেটে অনুমোদন জনায়। এই প্ৰকল্পৰ বাবে সৰ্বমুঠ ১,৩৫১ কোটি টকা ব্যয় ধাৰ্য কৰা হৈছে।

 মুল বৈশিষ্ট্যসমূহঃ

• ১২ মাহ প্রাক্‌-নির্মাণ পর্যায়ৰ কাম, ৩০ মাহ নির্মাণ কাৰ্য আৰু শুভাৰম্ভৰ বাবে ৬ মাহ সময়কে ধৰি মুঠ ৪৮ মাহৰ ভিতৰত এইম্‌ছ নিৰ্মাণৰ কাম সম্পূর্ণ কৰা হ’ব।
• এই প্ৰতিষ্ঠানত ৭৫০খন বিছনাযুক্ত এখন হস্পিটেল আৰু ট্ৰ’মা কেন্দ্ৰৰ সুবিধা থাকিব।
• ইয়াত প্রতি বছৰে ১০০ গৰাকী এমবিবিএছ ছাত্র-ছাত্রীয়ে অধ্যয়ণ কৰিব পৰা এখন মেডিকেল কলেজো থাকিব।
• ইয়াত প্রতি বছৰে ৬০ গৰাকী বি.এছচি(নাৰ্চিং) ছাত্ৰ-ছাত্ৰীয়ে অধ্যয়ণ কৰিব পৰা এখন নাৰ্চিং কলেজো থাকিব।
• নতুন দিল্লীৰ এইম্‌চৰ দৰে এই প্রতিষ্ঠানতো শিক্ষক, চিকিৎসক আৰু ছাত্র-ছাত্রীসকলৰ বাবে থকাৰ ব্যৱস্থা থাকিব, যাৰ বাবে এটি আবাসিক চৌহদৰ লগতে অন্যান্য সুযোগ-সুবিধাও থাকিব।
• এই হস্পিটেলত ১৫টা অপাৰেশন থিয়েটাৰসহ ২০টাকৈ স্পেছিয়েলিটি আৰু ছুপাৰ স্পেছিয়েলিটি বিভাগ থাকিব।
• পৰম্পৰাগত পদ্ধতিৰ ঔষধেৰে চিকিৎসাৰ সুবিধাৰ্থে ইয়াত ৩০খন বিছনাযুক্ত এটা আয়ুস বিভাগো থাকিব।

প্ৰভাৱঃ

নতুনকৈ স্থাপন হ’বলগীয়া এই এইম্‌চৰ জৰিয়তে জনসাধাৰণক ছুপাৰস্পেচিয়েলিটি স্বাস্থ্য সেৱা আগবঢ়োৱাৰ লগতে ৰাষ্ট্ৰীয় স্বাস্থ্য অভিযান(NHM)ৰ অধীনত অঞ্চলটোৰ প্ৰাথমিক আৰু উচ্চ পৰ্যায়ৰ প্ৰতিষ্ঠানত সেৱা আগবঢ়াব পৰাকৈ চিকিৎসক তথা স্বাস্থ্য কৰ্মী গঢ় দিয়াৰ দৰে দুটা কাম সমাধা হ’ব।

পটভূমিঃ

প্রধানমন্ত্রী স্বাস্থ্য সুৰক্ষা যোজনাৰ অধীনত ইতিমধ্যে ভুৱনেশ্বৰ, ভূপাল, ৰায়পুৰ, যোধপুৰ, ঋষিকেশ আৰু পাটনাত এইম্‌চ নিৰ্মাণ কাম চলি থকাৰ লগতে ৰায়বেৰেইলীত এইম্‌চ নির্মাণৰো অগ্ৰগতি লাভ কৰিছে। তদুপৰি, ২০১৫ চনত মহাৰাষ্ট্রৰ নাগপুৰ, পশ্চিমবংগৰ কল্যাণী আৰু অন্ধ্রপ্রদেশৰ গুন্টুৰৰ মংগলাগিৰিত এখনকৈ এইম্‌চ স্থাপনত অনুমোদন কৰা হৈছে। ২০১৬ত ভাটিণ্ডা আৰু গোৰখপুৰত দুখন আৰু অসমৰ কামৰূপত এখন এইম্‌চ স্থাপনৰ প্রস্তাৱত অনুমোদন দিয়া হৈছে।

******

AKT/VBA/SH/DB