পি এম ইণ্ডিয়া
প্ৰধানমন্ত্ৰী শ্ৰী নৰেন্দ্ৰ মোদীয়ে বাংলাদেশৰ প্ৰধানমন্ত্ৰী মহামহিম শ্বেখ হাছিনাৰ সৈতে এক দ্বিপাক্ষিক বৈঠকত মিলিত হয়। ৯-১০ ছেপ্টেম্বৰ, ২০২৩ত অনুষ্ঠিত হ’বলগীয়া জি-২০ নেতা সন্মিলনত অংশগ্ৰহণৰ বাবে অতিথি দেশ হিচাপে ভাৰত ভ্ৰমণ কৰিছে প্ৰধানমন্ত্ৰী হাছিনাই।
দুয়োগৰাকী নেতাই ৰাজনৈতিক আৰু নিৰাপত্তা সহযোগিতা, সীমান্ত ব্যৱস্থাপনা, বাণিজ্য আৰু যোগাযোগ ব্যৱস্থা, জলসম্পদ, বিদ্যুৎ আৰু শক্তি, উন্নয়ন সহযোগিতা, সাংস্কৃতিক আৰু জনসাধাৰণৰ মাজৰ সম্পৰ্ককে প্ৰমুখ্য কৰি দ্বিপাক্ষিক সহযোগিতাৰ সমগ্ৰ দিশ সন্দৰ্ভত আলোচনা কৰে। অঞ্চলটোৰ সাম্প্ৰতিক পৰিস্থিতি আৰু বহুপক্ষীয় মঞ্চসমূহত সহযোগিতা সম্পৰ্কেও আলোচনা কৰা হয়।
নেতাদ্বয়ে চট্টগ্ৰাম আৰু মংলা বন্দৰ ব্যৱহাৰৰ চুক্তিখন কাৰ্য্যকৰীকৰণেৰে ভাৰত-বাংলাদেশ মৈত্ৰী পাইপলাইন কাৰ্য্যকৰীকৰণক আদৰণি জনায়। ভাৰতীয় টকাত দ্বিপাক্ষিক বাণিজ্য নিষ্পত্তি কাৰ্য্যকৰীকৰণকো তেওঁলোকে শলাগ লয় আৰু দুয়োপক্ষৰ ব্যৱসায়ী সমাজক এই ব্যৱস্থাটো ব্যৱহাৰ কৰিবলৈ উৎসাহিত কৰে।
তেওঁলোকে সামগ্ৰী, সেৱাৰ বাণিজ্য আৰু বিনিয়োগক সুৰক্ষা আৰু প্ৰসাৰক সামৰি লোৱা বিস্তৃত অৰ্থনৈতিক অংশীদাৰিত্ব চুক্তি (CEPA) সন্দৰ্ভত আলোচনা আৰম্ভৰ বাবে আগ্ৰহ প্ৰকাশ কৰে।
উন্নয়ন সহযোগিতা প্ৰকল্পসমূহ ৰূপায়ণত সন্তুষ্টি প্ৰকাশেৰে তেওঁলোকে পৰৱৰ্তী সময়ত সুবিধাজনক দিনত তলত উল্লেখ কৰা প্ৰকল্পসমূহ যৌথভাৱে উদ্বোধনৰ আগ্ৰহ প্ৰকাশ কৰেঃ
দ্বিপাক্ষিক সহযোগিতা সুদৃঢ়কৰণৰ বাবে তলত উল্লেখ কৰা বুজাবুজিৰ চুক্তিৰ আদান-প্ৰদানক তেওঁলোকে আদৰণি জনায়ঃ
আঞ্চলিক পৰিস্থিতি সন্দৰ্ভত প্ৰধানমন্ত্ৰী মোদীয়ে ম্যানমাৰৰ ৰাখাইন প্ৰদেশৰপৰা স্থানচ্যুত এক লাখৰো অধিক লোকক আশ্ৰয় প্ৰদানৰ ক্ষেত্ৰত বাংলাদেশে লোৱা দায়িত্বক প্ৰশংসা কৰে আৰু শৰণাৰ্থীসকলৰ নিৰাপদ তথা বহনক্ষম প্ৰত্যাৱৰ্তনৰ ক্ষেত্ৰত ভাৰতৰ গঠনমূলক আৰু ইতিবাচক পন্থা প্ৰকাশ কৰে।
শেহতীয়াকৈ বাংলাদেশে ঘোষণা কৰা ভাৰত-প্ৰশান্ত মহাসাগৰীয় দৃষ্টিভংগীক ভাৰতে আদৰণি জনাইছে। নেতাসকলে তেওঁলোকৰ ব্যাপক সংযোগ তীব্ৰতৰকৰণৰ বাবে একেলগে কাম কৰি যাবলৈ সন্মতি প্ৰকাশ কৰে।
প্ৰধানমন্ত্ৰী হাছিনাই ভাৰত চৰকাৰ আৰু জনসাধাৰণৰ আতিথ্যৰ বাবে প্ৰধানমন্ত্ৰী মোদীক ধন্যবাদ জনায়। দুয়োগৰাকী নেতাই সকলো স্তৰতে পাৰস্পৰিক ক্ৰিয়া-কলাপ অব্যাহত ৰখাৰ বাবে আগ্ৰহ প্ৰকাশ কৰে।
***
Had productive deliberations with PM Sheikh Hasina. The progress in India-Bangladesh relations in the last 9 years has been very gladdening. Our talks covered areas like connectivity, commercial linkage and more. pic.twitter.com/IIuAK0GkoQ
— Narendra Modi (@narendramodi) September 8, 2023
প্রধানমন্ত্রী শেখ হাসিনার সঙ্গে ফলপ্রসূ আলোচনা হয়েছে। গত ৯ বছরে ভারত-বাংলাদেশ সম্পর্কের অগ্রগতি খুবই সন্তোষজনক। আমাদের আলোচনায় কানেক্টিভিটি, বাণিজ্যিক সংযুক্তি এবং আরও অনেক বিষয় অন্তর্ভুক্ত ছিল। pic.twitter.com/F4wYct4X8V
— Narendra Modi (@narendramodi) September 8, 2023
PM @narendramodi had productive talks with PM Sheikh Hasina on diversifying the India-Bangladesh bilateral cooperation. They agreed to strengthen ties in host of sectors including connectivity, culture as well as people-to-people ties. pic.twitter.com/l7YqQYMIuJ
— PMO India (@PMOIndia) September 8, 2023
