পি এম ইণ্ডিয়া
প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটক ৰাছিয়াৰ সৈতে ৫ অক্টোবৰ ২০১৮ তাৰিখে হস্তাক্ষৰ কৰা বুজাবুজিৰ চুক্তিপত্ৰ তথা আন এক সহযোগিতাৰ চুক্তিপত্ৰৰ বিষয়ে অৱগত কৰা হয়৷
১. পৰিবহণ শিক্ষাত সহযোগিতা বিকাশৰ বাবে ৰাছিয়ান সংঘৰ পৰিবহণ মন্ত্ৰালয়ৰ সৈতে বুজাবুজিৰ চুক্তি৷
২. ৰে’ল খণ্ডত প্ৰযুক্তিগত সহযোগিতাৰ বাবে সংযুক্ত ষ্ট’ক কোম্পানী ‘ৰাছিয়ান ৰে’লৱে (আৰজেডডি)ৰ সৈতে বুজাবুজিৰ চুক্তি৷
এমঅ’ইউ/এমঅ’চিয়ে ভাৰতীয় ৰে’লক ৰে’লৱে ক্ষেত্ৰত নবীনতম বিকাশ আৰু জ্ঞানৰ সহযোগিতা বিনিময়ৰ মঞ্চ প্ৰদান কৰে৷ এমঅ’ইউ/এমঅ’চিয়ে বিশেষ প্ৰযুক্তিগত ক্ষেত্ৰত লক্ষ্য নিৰ্ধাৰণ কৰা প্ৰযুক্তিগত বিশেষজ্ঞ, প্ৰতিবেদন তথা প্ৰযুক্তিগত দস্তাবেজ, প্ৰশিক্ষণ আৰু ছেমিনাৰ/কৰ্মশালাৰ আদান–প্ৰদান কৰাত তথা জ্ঞান বিনিময় কৰাত সহায় কৰে৷
এমঅ’ইউত পৰিবহণ শিক্ষাৰ বিকাশৰ বাবে প্ৰাথমিক ক্ষেত্ৰসমূহৰ সহযোগিতাৰ ব্যৱস্থা আছে৷ বুজাবুজিৰ চুক্তিৰ দ্বাৰা ব্যৱসায়–আৰ্থিক, বৈজ্ঞানিক–প্ৰযুক্তিগত তথা সাংস্কৃতিক সহযোগিতাৰ ওপৰত আন্তঃচৰকাৰী ৰাছিয়ান–ভাৰতীয় আয়োগৰ পৰিকাঠামোত প্ৰণয়নসহিতে বিশেষ প্ৰস্তাৱসমূহৰ প্ৰস্তুতিত সহায় লাভ হ’ব৷
এমঅ’চিয়ে নিম্নোল্লিখিত ক্ষেত্ৰত প্ৰযুক্তিগত দিশত সহায় প্ৰদান কৰিব৷
ক) যাত্ৰীবাহী গাড়ীৰ গতি প্ৰতি ঘণ্টাত ২০০ কিলোমিটাৰ (ছেমি হাইস্পীড)কৈ বৃদ্ধি কৰাৰ বাবে নাগপুৰ–ছেকেন্দ্ৰাবাদ ছেকচনৰ উন্নয়নৰ বাবে আঁচনি প্ৰণয়ন৷ ইয়াত ভাৰতীয় ৰে’ল নেটৱৰ্কৰ অন্য নিৰ্দেশসহিতে ছেকচনৰ সম্ভাৱিত বিস্তাৰণ অন্তৰ্ভুক্ত আছে৷
খ) ক্ষেত্ৰীয় স্তৰ, মণ্ডলীয় ৰে’ল তথা/অথবা মাণ্ডলিক ৰে’লৱেক সংযোগ কৰা উপৰোক্ত নেটৱৰ্ক স্তৰত ৰজিতা খোৱা যাতায়াতৰ ব্যৱস্থাপনাৰ বাবে একক ট্ৰেফিক নিয়ন্ত্ৰণৰ কেন্দ্ৰ প্ৰণয়ন৷
গ) বিশিষ্ট নিৰ্মাণ, সংযুক্ত নিৰ্মাণৰ সংগঠন তথা প্ৰতিদ্বন্ধী চিগনেলিং আৰু ইণ্টাৰ–ল’কিং প্ৰণালীৰ প্ৰণয়ন৷
ঘ) ছেমি হাইস্পীড তথা ইয়াৰ ওপৰৰ গতিৰ বাবে টাৰ্ণ আউট ছুইচৰ যোগান আৰু স্থানীয়কৰণ৷
ঙ) ৰাছিয়ান ৰে’লৱেৰ সৈতে জড়িত উচ্চ শিক্ষা প্ৰতিষ্ঠানৰ সহযোগিতাৰ সৈতে ভাৰতীয় ৰে’লৰ কৰ্মচাৰীৰ প্ৰশিক্ষণ তথা উন্নত যোগাযোগৰ সংশোধন৷
চ) মালবাহী কাৰ্গ’ ব্যৱস্থাপনাৰ শ্ৰেষ্ঠতম উপযোগিতা তথা
ছ) ভাৰতত মাল্টি মডেল টাৰ্মিনেলৰ সংযুক্ত বিকাশ৷
পৃষ্ঠভূমিঃ
ভাৰতীয় ৰে’লে বিভিন্ন বিদেশী চৰকাৰ তথা ৰাষ্ট্ৰীয় ৰে’লৱেৰ সৈতে ৰে’ল ক্ষেত্ৰত প্ৰযুক্তিগত সহযোগিতাৰ বাবে এমঅ’ইউ/এমঅ’চিত স্বাক্ষৰিত কৰিছে৷ সহযোগিতাৰ চিহ্নিত ক্ষেত্ৰত উচ্চ গতিৰ ৰে’লগাড়ী, বৰ্তমানৰ গাড়ীসমূহৰ গতি বৃদ্ধি, বিশ্বমানৰ ষ্টেচনৰ বিকাশ, গধূৰ পৰিবহণ সঞ্চালন ৰে’ল পৰিকাঠামোৰ আধুনিকীকৰণ অন্তৰ্ভুক্ত কৰা হৈছে৷ এই সহযোগিতা ৰে’লৱে প্ৰযুক্তি তথা সঞ্চালনৰ জ্ঞানৰ আদান–প্ৰদান, প্ৰযুক্তিগত যাত্ৰা, প্ৰশিক্ষণ তথা ছেমিনাৰ আৰু কৰ্মশালাসমূহৰ জৰিয়তে পাৰস্পৰিক হিতৰ বাবে সম্পন্ন হ’ব৷
*****
NW/AKT/SH/MANN
