মূল মেনুলৈ যাওক
Search
মেনু
সূচী বন্ধ কৰক
হ'ম

পি এম ইণ্ডিয়াপি এম ইণ্ডিয়া

বাতৰি সংযোজন

বিষয়বস্তু পি আই বিৰ পৰা স্বয়ংক্ৰিয় ভাৱে সংগৃহীত

নয়দা আৰু দিল্লীৰ মাজত নতুন মেট্ৰ’ লাইন মুকলি প্ৰধানমন্ত্ৰীৰ


প্ৰধানমন্ত্ৰী শ্ৰী নৰেন্দ্ৰ মোদীয়ে আজি নয়দা আৰু দিল্লীৰ মাজত নতুন মেট্ৰ’ লাইন মুকলি কৰে৷ ব’টানিকেল গাৰ্ডেন মেট্ৰ’ ষ্টেচনত এখন ফলক মুকলি কৰি তেওঁ দিল্লী মেট্ৰ’ৰ মেজেণ্টা লাইনৰ এটি অংশ আনুষ্ঠানিকভাৱে উদ্বোধন কৰে৷ এই লাইনে নয়দাৰ ব’টানিকেল গাৰ্ডেনক দক্ষিণ দিল্লীৰ কালকাজি মন্দিৰৰ সৈতে সংযোগ কৰিব৷ ৰাজহুৱা সভা সম্বোধন কৰাৰ পূৰ্বে প্ৰধানমন্ত্ৰীয়ে ক্ষন্তেক সময় মেট্ৰ’ ৰেলেৰে ভ্ৰমণ কৰে৷

অনুষ্ঠানত প্ৰধানমন্ত্ৰীয়ে সকলোকে বৰদিনৰ শুভেচ্ছা জ্ঞাপন কৰে৷ তেওঁ কয় যে এই দিনটোতে দুগৰাকীকৈ ভাৰত ৰত্ন ক্ৰমে পণ্ডিত মদন মোহন মালব্য আৰু প্ৰাক্তন প্ৰধানমন্ত্ৰী শ্ৰী অটল বিহাৰী বাজপেয়ীৰ জন্ম হৈছিল৷

তেওঁ লগতে উল্লেখ কৰে যে উত্তৰ প্ৰদেশৰ জনতাৰ বাবেই দেশে এখন শক্তিশালী আৰু সু্স্থিৰ চৰকাৰ লাভ কৰিছে৷ অফুৰন্ত মৰম-চেনেহৰ বাবে উত্তৰ-প্ৰদেশৰ জনতাৰ ওচৰত তেওঁ সদায় কৃতজ্ঞ হৈ থাকিব বুলিও প্ৰধানমন্ত্ৰীয়ে প্ৰকাশ কৰে৷

‘আমি এনেকুৱা এটা যুগত বাস কৰিছো, য’ত ‘সংযোগ’ হৈছে সবাতোকৈ গুৰুত্বপূৰ্ণ দিশ৷ মেট্ৰ’ লাইন মুকলিয়ে কেৱল বৰ্তমানৰ প্ৰজন্মকে নহয় ভৱিষ্যত প্ৰজন্মকো সেৱা আগবঢ়াব৷’—প্ৰধানমন্ত্ৰীয়ে কয়৷ তেওঁ পুনৰ উল্লেখ কৰে যে ২০২২ত স্বাধীনতাৰ ৭৫বছৰ পূৰ্ণ হোৱাৰ সময়ত আমি এনেকুৱা এখন দেশত বাস কৰিব বিচাৰো, য’ত আমাৰ পেট্ৰ’লৰ আমদানি হ্ৰাস পায়৷ এই সপোন সাৰ্থক কৰিবলৈ আমাক প্ৰয়োজন হ’ব সৰ্বাংগসুন্দৰ জন পৰিবহণ প্ৰণালী৷ প্ৰাক্তন প্ৰধানমন্ত্ৰী অটল বিহাৰী বাজপেয়ীয়ে ২০০২ৰ ডিচেম্বৰত দিল্লী মেট্ৰ’ৰ শুভাৰম্ভ কৰিছিল বুলি উল্লেখ কৰি প্ৰধানমন্ত্ৰীয়ে কয় যে তেতিয়াৰ পৰা ৰাষ্ট্ৰীয় ৰাজধানী অঞ্চলত মেট্ৰ’ সেৱা সম্প্ৰসাৰিত হৈ আহিছে৷

প্ৰধানমন্ত্ৰীয়ে কয় যে পূৰ্বৰ চৰকাৰে নতুন আইন প্ৰণয়ন কৰাতো গৌৰৱৰ বিষয় বুলি গণ্য কৰিছিল৷ কিন্তু বৰ্তমানৰ চৰকাৰে অপ্ৰচলিত আইন আঁতৰ কৰি গৌৰৱবোধ কৰে৷ অপ্ৰচলিত আইনে সিদ্ধান্ত গ্ৰহণত হেঙাৰ সৃষ্টি কৰি থাকিলে সু-প্ৰশাসন কেতিয়াও সম্ভৱ নহয়৷

প্ৰধানমন্ত্ৰীয়ে উত্তৰ প্ৰদেশৰ মুখ্যমন্ত্ৰী যোগী আদিত্যনাথক অভিনন্দন জ্ঞাপন কৰি কয় যে সু-প্ৰশাসনৰ প্ৰতি তেওঁৰ গুৰুত্বই ৰাজ্যখনক এক নতুন গতি প্ৰদান কৰিছে৷ ইয়ালৈ আহি নয়দাৰ সৈতে জড়িত কু-সংস্কাৰৰ পৰিসমাপ্তি ঘটোৱাৰ বাবে আদিত্যনাথক তেওঁ প্ৰশংসা কৰে৷ প্ৰধানমন্ত্ৰীয়ে কয় যে কোনো স্থানলৈ নগ’লে তেওঁৰ মুখ্যমন্ত্ৰীৰ কাৰ্যকাল বৃদ্ধি পাব, অথবা কোনো স্থান ভ্ৰমণ কৰিলে তেওঁৰ কাৰ্যকাল হ্ৰাস পাব বুলি চিন্তা কৰা ব্যক্তি মুখ্যমন্ত্ৰী হোৱাৰ যোগ্য নহয়৷

ৰে’লৱে আন্তঃগাথনি, পথ পৰিবহন সম্প্ৰসাৰণ আৰু পুনৰ নৱীকৰণ খণ্ডৰ প্ৰগতিৰ ক্ষেত্ৰত চলি থকা কামৰ কথাও প্ৰধানমন্ত্ৰীয়ে উনুকিয়ায়৷ তেওঁ শ্ৰী অটল বিহাৰী বাজপেয়ীক ‘ভাৰত মাৰ্গ বিধাতা’ হিচাপে আখ্যা দি কয় যে তেওঁ আমাক উন্নয়নৰ পথ প্ৰদৰ্শন কৰিছিল৷

ইয়াৰ পূৰ্বে, উত্তৰ প্ৰদেশৰ মুখ্যমন্ত্ৰী যোগী আদিত্যনাথে তেওঁৰ ভাষণত প্ৰধানমন্ত্ৰী নৰেন্দ্ৰ মোদীক প্ৰশংসা কৰে আৰু কয় যে প্ৰধানমন্ত্ৰীয়ে দেশৰ ৰাজনীতিক এক নতুন অৰ্থ প্ৰদান কৰিছে৷ তেওঁ লগতে উল্লেখ কৰে যে, আমি উন্নয়নৰ পথত আগুৱাব লাগে বুলি প্ৰধানমন্ত্ৰীয়ে তেওঁলোকক সদায় সোঁৱৰাই দি থাকে৷

***

AKT/SH/MS

জনপ্ৰিয় বাতৰি

২০২৫ চনৰ পদ্ম বঁটা বিজয়ী সকলোকে প্ৰধানমন্ত্ৰীৰ অভিনন্দন 25 Jan, 2025
PM’s interaction with beneficiaries and speech while distribution of property cards under SVAMITVA Scheme 18 Jan, 2025
১০০ বছৰীয়া জন্ম জয়ন্তীত কিংবদন্তী কণ্ঠশিল্পী মহম্মদ ৰফীক স্মৰণ প্ৰধানমন্ত্ৰীৰ 24 Dec, 2024
PM’s address at the inauguration and launch of multiple development projects in Prayagraj 13 Dec, 2024
নতুন দিল্লীত অষ্টলক্ষ্মী মহোৎসৱৰ উদ্বোধনী অনুষ্ঠানত প্ৰধানমন্ত্ৰীয়ে দিয়া ভাষণৰ অসমীয়া অনুবাদ 06 Dec, 2024

শেহতীয়া বাতৰি

মহাকাশ খণ্ডৰ কথা আহিলে বিনাদ্বিধাই আস্থা ৰাখিব পাৰে ভাৰতৰ ওপৰত প্ৰধানমন্ত্ৰী 30 Jan, 2025
বিটিং ৰিট্ৰিট অনুষ্ঠানৰ বিশেষ মুহূৰ্ত, য’ত সশস্ত্ৰ বাহিনীয়ে আমাৰ স্বাধীনতা সংগ্ৰামীসকলক এক অনন্য ৰূপত সন্মান জনায়ঃ প্ৰধানমন্ত্ৰী 30 Jan, 2025
বিকশিত ভাৰতৰ দিশে যাত্ৰা পূৰ্ণোদ্যমে অগ্ৰসৰ হৈ আছে: প্ৰধানমন্ত্ৰী 30 Jan, 2025
ৰাজঘাটত মহাত্মা গান্ধীলৈ প্ৰধানমন্ত্ৰীৰ শ্ৰদ্ধাঞ্জলি 30 Jan, 2025
ৰাষ্ট্ৰীয় গুৰুত্বপূৰ্ণ খনিজ অভিযানৰ লক্ষ্য হৈছে আমদানিৰ ওপৰত নিৰ্ভৰশীলতা হ্ৰাস, ঘৰুৱা মূল্য শৃংখলক সুদৃঢ়কৰণ আৰু ভাৰতৰ ‘২০৭০ৰ ভিতৰত নেট শূন্য’ লক্ষ্যক সমৰ্থন কৰাঃ প্ৰধানমন্ত্ৰী 30 Jan, 2025