পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত আজি অনুষ্ঠিত কেন্দ্ৰীয় কেবিনেট বৈঠকত জলবায়ু পৰিৱৰ্তনক লৈ ৰাষ্ট্ৰসংঘৰ পৰিকাঠামো সন্মিলন(ইউএনএফচিচিচি)ত সন্মিলনৰ আধাৰত গ্ৰহণ কৰা দিশসমূহৰ পুৰণ সন্দৰ্ভত ভাৰতৰ দ্বিতীয় দ্বি-বাৰ্ষিক প্ৰতিবেদন দাখিলৰ বাবে অনুমোদন জনাইছে৷

জলবায়ু পৰিৱর্তন সম্পৰ্কীয় এই দ্বি-বার্ষিক প্ৰতিবেদনৰ বৈশিষ্ট্যবোৰৰ ভিতৰত

1. ৰাষ্ট্ৰীয় পৰিস্থিতি, ৰাষ্ট্ৰীয় গ্রীন হাউচ গেছ সম্পৰ্কীয় তথ্যৰ তালিকা, কার্বন নিৰ্গমনজনিত তথ্য, আর্থিক, প্ৰযুক্তিগত তথা সক্ষমতা বৃদ্ধিৰ প্ৰয়োজনীয়তা আৰু আভ্যন্তৰীণ ক্ষেত্রত তদাৰকী কৰা ইত্যাদি উল্লেখযোগ্য৷
2. ৰাষ্ট্ৰীয় পর্যায়ত বিভিন্ন সমীক্ষা আৰু পর্যালোচনাৰ ভিত্তিত এই প্ৰতিবেদন প্ৰস্তুত কৰা হৈছে।

• জলবায়ু পৰিৱর্তন সৈতে জড়িত বিশেষজ্ঞসকলৰ কাৰিকৰী পৰামৰ্শদাতা কমিটী তথা মন্ত্রী পর্যায়ৰ ৰাষ্ট্ৰীয় পৰিচালনা কমিটীয়ে এই প্ৰতিবেদনৰ পর্যালোচনা কৰিছে। তদুপৰি, কৃষি গৱেষণা আৰু শিক্ষা, কৃষি ক্ষেত্ৰত সহযোগিতা তথা কৃষক কল্যাণ, অৰ্থনৈতিক পৰিক্ৰমা, বৈদেশিক পৰিক্ৰমা, নব্য আৰু নবীকৰণযোগ্য শক্তি, বিজ্ঞান আৰ প্ৰযুক্তি, কয়লা, শক্তি, ৰে’ল বোৰ্ড, পথ পৰিবহন আৰু ঘাইপথকে ধৰি বিভিন্ন বিভাগে এই প্ৰতিবেদন পৰীক্ষা কৰি চাইছে৷ বিভিন্ন পক্ষই দিয়া বিভিন্ন মন্তব্য আৰু তাৰ সংশোধনমূলক প্ৰস্তাৱ বিচাৰ কৰি চোৱাৰ পাছত এই প্ৰতিবেদন চূড়ান্ত কৰা হয়।

এই প্ৰতিবেদনৰ জৰিয়তে ভাৰতে এক অংশীদাৰ দেশ হিচাপে বিভিন্ন তথ্য দাখিল কৰিব পাৰিলে৷

উল্লেখ্য যে ভাৰতে জলবায়ু পৰিৱৰ্তনক লৈ ৰাষ্ট্ৰসংঘৰ পৰিকাঠামো সন্মিলনৰ এখন অংশীদাৰ দেশ। বিভিন্ন উন্নত আৰু উন্নয়নশীল দেশে এই মঞ্চত জলবায়ুৰ সন্দৰ্ভত শেহতীয়া বিভিন্ন তথ্য দাখিল কৰে যাতে জলবায়ু পৰিৱর্তনৰ ক্ষেত্ৰত ৰাষ্ট্ৰসংঘৰ হাতত সঠিক তথ্য  মজুত ৰখাটো সম্ভৱ হয়।

*****

AKT/SH/DB