পি এম ইণ্ডিয়া

প্ৰধান মন্ত্ৰী শ্ৰী নৰেন্দ্ৰ মেদীৰ পৌৰোহিত্বত অনুষ্ঠিত কেন্দ্ৰীয় কেবিনেটৰ বৈঠকত কেন্দ্ৰীয় স্বাস্থ্য সেৱাত কৰ্মৰত চিকিৎসকৰ বাদেও আন চিকিৎসকসকলৰ কাৰ্যকাল ৬৫ বছৰলৈ বৃদ্ধিৰ প্ৰস্তাৱত তলত দিয়া ধৰণেৰে অনুমোদন জনোৱা হয়ঃ

1. ভাৰতীয় ৰে’লসেৱাত কৰ্মৰত চিকিৎসকৰকাৰ্যকাল ৬৫ বছৰলৈ বৃদ্ধিৰ বাবে ইতিমধ্যে অনুমোদন জনোৱা হৈছে।
2. উচ্চতৰ শিক্ষা বিভাগৰ অন্তৰ্গত কেন্দ্ৰীয় বিশ্ববিদ্যালয়, আই আই টি আদিত কৰ্মৰত চিকিৎসক আৰু জল পৰিৱহণ মন্ত্ৰালয়ৰ অধীনৰ মূল বন্দৰসমূহত কৰ্মৰত চিকিৎসকৰকাৰ্যকাল ৬৫ বছৰলৈ বৃদ্ধিৰ বাবে ইতিমধ্যে অনুমোদন জনোৱা হৈছে।
3. আয়ুস মন্ত্ৰালয়, সুক্ষা বিভাগ, স্বাস্থ্য আৰু পৰিয়াল কল্যাণ বিভাগৰ অধীনৰ দন্ত চিকিৎসক, ৰে’ল মন্ত্ৰালয়ৰ অধীনৰ দন্ত চিকিৎসক, উচ্চতৰ শিক্ষা বিভাগৰ অন্তৰ্গত কেন্দ্ৰীয় বিশ্ববিদ্যালয়, আই আই টি আদিত কৰ্মৰত চিকিৎসকৰ কাৰ্যকাল ৬৫ বছৰলৈ বৃদ্ধি কৰা হৈছে।
4. কেন্দ্ৰীয় কেবিনেটে লগতে চিকিৎসকসকলে ৬২ বছৰ বয়সলৈকে প্ৰশাসনিক পদত অধিষ্ঠিত হৈ থাকিব পাৰিব আৰু তাৰ পিছত অ-প্ৰশাসনিক পদলৈ বদলি কৰা হ’ব বুলি অনুমোদন জনায়।

এই সিদ্ধান্তই ৰোগীক উন্নত সেৱা প্ৰদান, চিকিৎসা মহাবিদ্যালয়ত উন্নত শিক্ষা প্ৰদান তথা ৰাষ্ট্ৰীয় স্বাস্থ্য আঁচনিসমূহ ৰূপায়ণত সহায় কৰিব।

ইয়াৰদ্বাৰা কেন্দ্ৰীয় চৰকাৰৰ অধীনত কৰ্মৰত প্ৰায় ১৪৪৫ জন চিকিৎসক লাভান্বিত হ’ব।

এই সিদ্ধান্তই বহুদিনে খালী হৈ থকা পদসমূহ পূৰণত সহায় কৰিব।

পটভূমিঃ

• ২০১৬ চনৰ ৩১ মে’ত কেন্দ্ৰীয় স্বাস্থ্য সেৱাত কৰ্মৰত চিকিৎসকসকলৰ কাৰ্যকাল ৬৫ বছৰলৈ বৃদ্ধিৰ প্ৰস্তাৱত অনুমোদন জনোৱা হয়।
• কেন্দ্ৰীয় স্বাস্থ্য সেৱাত কৰ্মৰত চিকিৎসকৰ বাদেও আন চিকিৎসকসকলে কাৰ্যকাল বৃদ্ধিৰ বাবে চৰকাৰক অনুৰোধ কৰিছিল।

***** 

AKT/VBA/SH/PRK