পি এম ইণ্ডিয়া

আজি ইটালীৰ ৰোমত খাদ্য আৰু কৃষি সংস্থাৰ মুখ্য কাৰ্যালয়ত আন্তৰ্জাতিক বাজৰা বৰ্ষৰ মুকলি সভাত প্ৰধানমন্ত্ৰী শ্ৰী নৰেন্দ্ৰ মোদীয়ে নিজৰ বাৰ্তা প্ৰদান কৰে। ৰোমত অনুষ্ঠিত মুকলি অনুষ্ঠানত ভাৰতক প্ৰতিনিধিত্ব কৰি কেন্দ্ৰীয় কৃষি আৰু কৃষক কল্যাণ ৰাজ্যিক মন্ত্ৰী শ্ৰীমতী শ্বোভা কাৰাণ্ডলাজে সন্মানীয় সভাত প্ৰধানমন্ত্ৰীৰ বাৰ্তা পাঠ কৰে। প্ৰধানমন্ত্ৰীৰ দৃষ্টিভংগী আৰু পদক্ষেপৰ বাবেই ৰাষ্ট্ৰসংঘৰ সাধাৰণ পৰিষদে সমগ্ৰ বিশ্বৰ ৭০খনতকৈও অধিক ৰাষ্ট্ৰৰ সমৰ্থনত ২০২৩ চনটোক ‘আন্তঃৰাষ্ট্ৰীয় বাজৰা বছৰ’ ঘোষণা কৰে। ই সমগ্ৰ বিশ্বতে বহনক্ষম কৃষিত বাজৰাৰ উল্লেখযোগ্য ভূমিকা আৰু স্মাৰ্ট আৰু ছুপাৰফুড হিচাপে ইয়াৰ উপকাৰিতাৰ বিষয়ে সজাগতা সৃষ্টি কৰাত সহায় কৰিব।

প্ৰধানমন্ত্ৰীয়ে ৰাষ্ট্ৰসংঘ আৰু খাদ্য আৰু কৃষি সংস্থাক আন্তৰ্জাতিক বাজৰাৰ ২০২৩ বৰ্ষ আৰম্ভ কৰাৰ বাবে অভিনন্দন জ্ঞাপন কৰাৰ লগতে আন্তৰ্জাতিক বাজৰাৰ বছৰ উদযাপনৰ ক্ষেত্ৰত সদস্য ৰাষ্ট্ৰসমূহে আগবঢ়োৱা সহায়ৰ বাবে কৃতজ্ঞতা জ্ঞাপন কৰে।

বাজৰা মানুহে খেতি কৰা আদিম শস্যৰ ভিতৰত অন্যতম আৰু পুষ্টিকৰ উপাদানৰ এক গুৰুত্বপূৰ্ণ উৎস হৈ আহিছে বুলি অৱগত কৰি প্ৰধানমন্ত্ৰীয়ে ইয়াক ভৱিষ্যতৰ বাবে খাদ্যৰ পছন্দ হিচাপে গঢ়ি তোলাত গুৰুত্ব আৰোপ কৰে। খাদ্য সুৰক্ষাৰ প্ৰত্যাহ্বানসমূহৰ ওপৰত আলোকপাত কৰি প্ৰধানমন্ত্ৰীয়ে শতিকাত এবাৰ হোৱা মহামাৰী আৰু সমগ্ৰ বিশ্বতে উদ্ভৱ হোৱা সংঘাতৰ কথা উল্লেখ কৰে। জলবায়ু পৰিৱৰ্তনে খাদ্যৰ উপলব্ধতাক কেনেদৰে প্ৰভাৱিত কৰিছে সেই বিষয়েও তেওঁ স্পৰ্শ কৰে।

বাজৰাৰ সৈতে জড়িত বিশ্বব্যাপী আন্দোলন খাদ্য সুৰক্ষাৰ দিশত এক গুৰুত্বপূৰ্ণ পদক্ষেপ বুলি চিহ্নিত কৰি প্ৰধানমন্ত্ৰীয়ে বাজৰাৰ খেতি সহজ, জলবায়ুৰ প্ৰতি স্থিতিস্থাপক আৰু খৰাং প্ৰতিৰোধী বুলি অৱগত কৰে। তেওঁ আৰু কয় যে বাজৰা সুষম পুষ্টিৰ এক চহকী উৎস, প্ৰাকৃতিক খেতিৰ পদ্ধতিৰ সৈতে সামঞ্জস্যপূৰ্ণ আৰু কম পানীৰ প্ৰয়োজন। প্ৰধানমন্ত্ৰীয়ে উল্লেখ কৰে যে, “বজাৰ, খেতিয়ক আৰু জলবায়ুৰ বাবে ভাল।”

মাটিত আৰু খাদ্যৰ টেবুলত বৈচিত্ৰ্যৰ প্ৰয়োজনীয়তাৰ ওপৰত গুৰুত্ব আৰোপ কৰি প্ৰধানমন্ত্ৰীয়ে কৃষি একক কৃষি হ’লে আমাৰ স্বাস্থ্যৰ ওপৰত প্ৰভাৱ পৰে বুলি অৱগত কৰি কৃষি আৰু খাদ্যৰ বৈচিত্ৰ্য বৃদ্ধিৰ বাবে বাজৰাৰ এক উত্তম উপায় বুলি আঙুলিয়াই দিয়ে। তেওঁৰ বাৰ্তাৰ সামৰণিত প্ৰধানমন্ত্ৰীয়ে ‘মিলেট মাইণ্ডফুলনেছ’ সৃষ্টিৰ বাবে সজাগতা বৃদ্ধিৰ কথা স্পৰ্শ কৰি প্ৰতিষ্ঠান আৰু ব্যক্তিয়ে ল’ব পৰা প্ৰচণ্ড ভূমিকাক আলোকপাত কৰে। তেওঁ লগতে কয় যে প্ৰতিষ্ঠানিক ব্যৱস্থাই বাজৰাৰ উৎপাদনক উৎসাহিত কৰিব পাৰে আৰু নীতিগত পদক্ষেপৰ জৰিয়তে ইয়াক লাভজনক কৰি তুলিব পাৰে, ব্যক্তিসকলে বাজৰাক নিজৰ খাদ্যৰ অংশ কৰি স্বাস্থ্য সচেতন আৰু বিশ্বৰ অনুকূল বাছনি কৰিব পাৰে।

এই উপলক্ষে প্ৰধানমন্ত্ৰীৰ বাৰ্তা তলত উল্লেখ কৰা হ’ল-

“মই ৰাষ্ট্ৰসংঘ আৰু খাদ্য আৰু কৃষি সংস্থাক আন্তৰ্জাতিক বাজৰাৰ ২০২৩ বৰ্ষ আৰম্ভ কৰাৰ বাবে অভিনন্দন জনাইছো।

আন্তঃৰাষ্ট্ৰীয় বাজৰাৰ বছৰ উপলক্ষে আমাৰ প্ৰস্তাৱক সমৰ্থন কৰা বিভিন্ন সদস্য ৰাষ্ট্ৰলৈও মই কৃতজ্ঞতা প্ৰকাশ কৰিছো।

মানুহে খেতি কৰা আদিম শস্যৰ ভিতৰত বাজৰাৰ গৌৰৱময় ইতিহাস আছে। পূর্বেও এইবোৰ এক গুৰুত্বপূর্ণ খাদ্যৰ উৎস হিচাপে পৰিগণিত হৈছিল৷ কিন্তু সময়ৰ প্ৰয়োজনীয়তা হ’ল বাজৰাক ভৱিষ্যতৰ বাবে খাদ্যৰ পছন্দ হিচাপে গঢ়ি তোলা!

শতিকাত এবাৰ হোৱা মহামাৰী আৰু তাৰ পিছত সংঘাতৰ পৰিস্থিতিয়ে দেখুৱাইছে যে খাদ্য সুৰক্ষা এতিয়াও গ্ৰহটোৰ বাবে চিন্তাৰ বিষয়। জলবায়ু পৰিৱৰ্তনে খাদ্যৰ উপলব্ধতাতো প্ৰভাৱ পেলাব পাৰে।

এনে সময়ত বাজৰাৰ সৈতে জড়িত বিশ্বব্যাপী আন্দোলন এটা গুৰুত্বপূৰ্ণ পদক্ষেপ, কিয়নো ইয়াৰ খেতি সহজ, জলবায়ুৰ প্ৰতি স্থিতিস্থাপক আৰু খৰাং প্ৰতিৰোধী।

বাজৰা গ্ৰাহক, খেতিয়ক আৰু জলবায়ুৰ বাবে ভাল। গ্ৰাহকৰ বাবে সুষম পুষ্টিৰ এক চহকী উৎস। ইহঁতে খেতিয়ক আৰু আমাৰ পৰিৱেশ উপকৃত কৰে কাৰণ ইহঁত কম পানীৰ প্ৰয়োজন হয় আৰু প্ৰাকৃতিক খেতিৰ পদ্ধতিৰ সৈতে সামঞ্জস্যপূৰ্ণ।

মাটিত আৰু আমাৰ টেবুলত বৈচিত্ৰ্যৰ প্ৰয়োজন। যদি কৃষি একক কৃষি হৈ পৰে তেন্তে ইয়াৰ প্ৰভাৱ আমাৰ স্বাস্থ্য আৰু আমাৰ মাটিৰ স্বাস্থ্যৰ ওপৰত পৰে। কৃষি আৰু খাদ্যৰ বৈচিত্ৰ্য বৃদ্ধিৰ বাবে বাজৰাৰ এক উত্তম উপায়।

‘মিলেট মাইণ্ডফুলনেছ’ সৃষ্টিৰ বাবে সজাগতা বৃদ্ধি কৰাটো এই আন্দোলনৰ এক গুৰুত্বপূৰ্ণ অংশ। প্ৰতিষ্ঠান আৰু ব্যক্তি উভয়েই প্ৰচণ্ড প্ৰভাৱ পেলাব পাৰে।

প্ৰতিষ্ঠানিক ব্যৱস্থাই বাজৰাৰ উৎপাদনক উৎসাহিত কৰিব পাৰে আৰু নীতিগত পদক্ষেপৰ জৰিয়তে ইয়াক লাভজনক কৰি তুলিব পাৰে যদিও ব্যক্তিসকলে বাজৰাক তেওঁলোকৰ খাদ্যৰ অংশ কৰি স্বাস্থ্য সচেতন আৰু গ্ৰহৰ অনুকূল বাছনি কৰিব পাৰে।

মই আশাবাদী যে ২০২৩ চনৰ আন্তঃৰাষ্ট্ৰীয় বাজৰাৰ বছৰে এক সুৰক্ষিত, বহনক্ষম আৰু সুস্থ ভৱিষ্যতৰ দিশত এক গণ আন্দোলন আৰম্ভ কৰিব।”

পটভূমি

ৰাষ্ট্ৰসংঘৰ সাধাৰণ পৰিষদে ২০২৩ বৰ্ষক ‘আন্তঃৰাষ্ট্ৰীয় বাজৰাৰ বছৰ’ ঘোষণা কৰিছে। প্ৰধানমন্ত্ৰীৰ দৃষ্টিভংগী আৰু পদক্ষেপৰ বাবেই সমগ্ৰ বিশ্বৰ ৭০খনতকৈও অধিক ৰাষ্ট্ৰৰ সমৰ্থনত এই ৰাষ্ট্ৰসংঘৰ প্ৰস্তাৱ গ্ৰহণ কৰা হয়। ই সমগ্ৰ বিশ্বতে বহনক্ষম কৃষিত বাজৰাৰ উল্লেখযোগ্য ভূমিকা আৰু স্মাৰ্ট আৰু ছুপাৰফুড হিচাপে ইয়াৰ উপকাৰিতাৰ বিষয়ে সজাগতা সৃষ্টি কৰাত সহায় কৰিব। ভাৰত ১৭০ লাখ টনতকৈ অধিক উৎপাদনেৰে বাজৰাৰ বিশ্বব্যাপী কেন্দ্ৰ হ’বলৈ সাজু হৈছে যিয়ে এছিয়াত উৎপাদিত বাজৰাৰ ৮০ শতাংশতকৈ অধিক উৎপাদন কৰে। এই শস্যসমূহৰ প্ৰাচীন প্ৰমাণ সিন্ধু সভ্যতাত পোৱা গৈছে আৰু খাদ্যৰ বাবে পোহনীয়া কৰা প্ৰথম উদ্ভিদসমূহৰ ভিতৰত অন্যতম আছিল। প্ৰায় ১৩১ খন দেশত ইয়াৰ খেতি কৰা হয় আৰু এছিয়া আৰু আফ্ৰিকাৰ প্ৰায় ৬০ কোটি লোকৰ পৰম্পৰাগত খাদ্য।

ভাৰত চৰকাৰে আই ৱাই অ’এম, ২০২৩ উদযাপন কৰাৰ কথা ঘোষণা কৰিছে যাতে ইয়াক এক জন আন্দোলন হিচাপে গঢ়ি তোলা হয় আৰু ভাৰতীয় বাজৰা, ৰেচিপি আৰু মূল্য-সংযোজিত সামগ্ৰী বিশ্বব্যাপী গ্ৰহণ কৰা হয়। ‘আন্তৰ্জাতিক বাজৰা বৰ্ষ’ৰ অৰ্থ হৈছে বিশ্বব্যাপী উৎপাদন বৃদ্ধি কৰা, দক্ষ প্ৰক্ৰিয়াকৰণ আৰু ব্যৱহাৰ নিশ্চিত কৰা, শস্যঘূৰ্ণনৰ উন্নত ব্যৱহাৰ বৃদ্ধি কৰা আৰু খাদ্য বাস্কেটৰ এক মুখ্য উপাদান হিচাপে বাজৰাৰ প্ৰচাৰৰ বাবে সমগ্ৰ খাদ্য প্ৰণালীত উন্নত সংযোগক উৎসাহিত কৰাৰ এক অনন্য সুযোগ প্ৰদান কৰা।

এফ এ অ’ই এক চমু বাৰ্তাত কয় যে এফ এ অ’ই আয়োজন কৰা আন্তঃৰাষ্ট্ৰীয় বাজৰা বছৰ (আই ৱাই এম) ২০২৩ৰ মুকলি অনুষ্ঠানৰ লক্ষ্য হৈছে এফ এ অ’ৰ সদস্য আৰু অন্যান্য সংশ্লিষ্ট অংশীদাৰসকলক জড়িত কৰি আৰু প্ৰচাৰৰ সুবিধাসমূহৰ ওপৰত আলোকপাত কৰি আই ৱাই এম ২০২৩ৰ বাবে সজাগতা বৃদ্ধি আৰু গতি সৃষ্টি কৰা বাজৰাৰ বহনক্ষম খেতি আৰু ব্যৱহাৰ।

***

SNC/TS/MS