পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি আবেলি আফগানিস্তানৰ মুখ্য কাৰ্যবাহী ড০ আব্দুল্লা আব্দুল্লাক সাক্ষাৎ কৰে।
দুদিনীয়া ভ্ৰমণসূচী লৈ ভাৰত ভ্ৰমণলৈ অহা জ০ আব্দুল্লাক প্ৰধানমন্ত্ৰীয়ে উষ্ম আদৰণী জনায়।

দুয়োগৰাকী নেতাই ভাৰত আৰু আফগানিস্তানৰ ভাৰত বহুমুখী কৌশলগত সহযোগিতাৰ শক্তি আৰু ঘনিষ্ঠ সম্পৰ্কৰ অধিক দৃঢ় কৰাৰ সন্দৰ্ভত আলোচনা কৰে। নতুন দিল্লীত অনুষ্ঠিত দ্বিপাক্ষিক কৌশলগত সহযোগিতামুলক পৰিষদৰ বৈঠকত এটি নতুন উন্নয়ন সহযোগিতামুলক শেহতীয়া ঘোষণা জৰিয়তে ত্বৰাম্বিত সহযোগিতাক আদৰণী জনায়। তেওঁলোকে দ্বিপাক্ষিক অৰ্থনৈতিক আৰু উন্নয়ন সহযোগিতা বৃদ্ধি আৰু প্ৰচুৰ সূযোগৰ সন্দৰ্ভত আলোচনা কৰে।

আফগানিস্তানৰ আন্তঃগাঁথনি উন্নয়ন আৰু সক্ষমতা সৃষ্টিত ভাৰতে আগবঢ়োৱা নিৰন্তৰ সহায়-সহযোগিতাৰ বাবে ড০ আব্দুল্লাই ভূয়সী প্ৰশংসা কৰে।

এখন শান্তিপূৰ্ণ, ঐক্য, সমৃদ্ধিশালী, সামগ্ৰিক তথা গণতান্ত্ৰিক আফগানিস্তান নিৰ্মাণৰ প্ৰচেষ্টাৰ প্ৰতি ভাৰতে দিয়া প্ৰতিশ্ৰুতিৰ কথাও দোঁহাৰে প্ৰধানমন্ত্ৰীয়ে।

দুয়োগৰাকী নেতাই আফগানিস্তানৰ লগতে সমগ্ৰ অঞ্চলটোৰ নিৰাপত্তাজনিত পৰিৱেশ সন্দৰ্ভত নিজা মত ব্যক্ত কৰে আৰু এই দিশত ঘনিষ্ঠ যোগাযোগ তথা সহযোগিতা অব্যাহত ৰখাৰ অৰ্থে সহমত পোষণ কৰে।

দুয়োগৰাকী নেতাৰ উপস্থিতিত আৰক্ষীৰ প্ৰশিক্ষণ আৰু উন্নয়নৰ কাৰিকৰী সহযোগিতাৰ দিশত এখন বুজাবুজি চুক্তি স্বাক্ষৰ কৰি বৈঠকৰ সামৰণী মাৰে।

প্ৰধানমন্ত্ৰীয়ে ড০ আব্দুল্লাই তেওঁক প্ৰদান কৰা সুন্দৰকৈ কাৰু-কাৰ্যখচিত কৰা প্ৰতিচ্ছবিৰ প্ৰশংসা কৰে।

******

AKT/HS/DB