ভারতকী প্রধানমন্ত্রী

প্রধান মন্ত্রী শ্রী মরেন্দ্র মোদীনা গুজরাতকী সোমনাথতা ওগস্ত ২০গী অয়ুং পুং ১১ তাবা মতমদা ভিদিও কনফরেন্সকী খুৎথাংদা প্রোজেক্ত কয়া অমা শঙ্গাবা অমসুং উরেপ উয়ুং তমগদৌরি। শঙ্গাগদৌরিবা প্রোজেক্ত অসি সোমনাথ প্রোমেনেদ, সোমনাথ একজিবিসন সেন্তর অমসুং অরিবা (জুনা)সোমনাথ গী শেমজিল্লবা মন্দিরগী প্রিসিন্তশিং য়াওরি। থৌরম অসিদা প্রধান মন্ত্রীনা শ্রী পার্বতি মন্দিরগী উরেপ উয়ুং তমগনি। 

সোমনাথ প্রোমেনেদ অসি পি.আর.এ.এস.ঐচ.এ.দি. (পিলগ্রীমেজ রিজুবেনেসন এন্দ স্পিরিচুএল, হেরিবতেজ ওগমেন্তেসন দ্রাইব) স্কীমগী মখাদা পুন্না লুপা কোতি ৪৭ চংবা শেমগৎপনি। ‘তুরিস্ত ফেসিলিতেসন সেন্তর’,গী মফম অসিদা শাগৎলিবা সোমনাথ একজিবিসন সেন্তর অসিনা সোমনাথ মন্দিরগী অকাই-অতোই ওইরবা শরুক অমসুং অরিবা সোমনাথকী নগর মওংগী মন্দিরগী আর্কিতেকচর য়াওবা স্কলপচরশিং উৎলি।   

অরিবা (জুনা)সোমনাথ গী শেমজিল্লবা মন্দিরগী প্রিসিন্তশিং অসি শ্রী সোমনাথ থ্রস্না অপুনবা শেনফম লুপা কোতি ৩.৫ চংনা লোইশিনখিবনি। হায়রিবা মন্দির অসি ইন্দোরগী রানী অহিলিয়াবাইনা অরিবা মন্দির অসিবু মাংদুনা লৈবা থেংনবদগী অহিলিয়াবাই মন্দির শেমজিনবদগী লৈরকখিবনি। অরিবা মন্দির অসিগী মফম পুম্বা পুন্না লাইনিংবা কয়াগী শোই-ঙামদনা লৈনবা অমসুং মরাং কাইবা মফম ওইনবা শেমজিনখিবনি।

শ্রী পার্বতি মন্দির অসি অপুন্বা শেনফম লুপা কোতি ৩০ চংনা শাগৎনবা প্রপোজ তৌখিবনি। হায়রিবা অসিনা সোম্পুরা সালাতকী মওং, গর্ভা গ্রীাহা অমসুং ন্রিত্যা মন্ধপ শেমগৎপগী য়াওরি।

য়ুনিয়ন হোম মিনিস্তর, য়ুনিয়ন তুরিজম মিনিস্তর লোয়ননা গুজরাতকী সি.এম. অমসুং দিপুতী সি.এম.না থৌরম অসিদা শরুক য়াগনি।

****