ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা মৌরিসিয়সকী প্রধান মন্ত্রী হিস এক্সেলেন্সী প্রবিন্দ কুমার জগনাথপু উন্নদুনা মহাক্কী মপা সর অনিরুধ জগনাথনা লৈখিদবদবগী অৱাবা ফোংদোকপদা শরুক য়াখ্রে।

প্রধান মন্ত্রীনা সর অনিরুধনা মতম শাংনা মহাক্কী পুন্সিনা মৌরিসিয়সকী মীয়ামগীদমক সেবা তৌরম্বা, মহাক্না প্রধান মন্ত্রী অমসুং রাস্ত্রপতি ওইনা থবক তৌবিরম্বা অদুবু নিংশিংখি।   
ভারত্তা সর অনিরুধ জগনাথতা পোলিতিকেল পার্তী পুম্বা য়াওনা ইকাই খুম্নবা থম্লিবা অসি উৎলদুনা প্রধান মন্ত্রীনা মহাক্না মৌরিসিয়সকা অখন্ননা মরুপ মপাং ওইবগী মরী থম্নবা লৌখিবা অকনবা থৌদাংশিংগীদমক থাগৎপা ফোংদোকখি।
মহাকপু ‘চাওথোচনিঙাই ওইরবা প্রবাসি ভারতিয়া’ অমা ওইনা মিংথোন্দুনা ভারতনা সর অনিরুধপু প্রবাসি ভারতিয়া সমান অমসুং পদ্মা বিভুশন হায়না ইকাই খুম্নবদা মতিক চাই হায়না প্রধান মন্ত্রীনা হায়খি।

লুচিংবা অনিনা সর অনিরুধকী লেগেসীবু তুং কোইনা নিংশিংনবা নাকন অনিগী ওইবা অখন্নবা মরী অসিবু হেন্না মপাঙ্গল কনখৎহনবা অমসুং মরী চেৎশিনহনবা হায়না অচেৎপা ৱাফম থম্নখি।   

****