ভারতকী প্রধানমন্ত্রী

প্রধান মন্ত্রী নরেন্দ্র মোদীনা কোবিদ-১৯না মরম ওইদুনা মখোয়গী মমা-মপাশিং কাইনখ্রবা অঙাংশিংদা মতেং পাংনবা লৌখৎপা য়াবা খোঙথাংশিংগী মতাংদা খন্ননবা মরু ওইবা মীফম অমদা ময়াই তাংবল লৌখ্রে। হৌজিক শন্দোরক্লিবা কোবিদ লাইচৎ অসিনা শোকহল্লবা অঙাংশিংগীদমক কান্নবা কয়া অমা পি.এম.না লাউথোকখ্রে। খোঙথাংশিং অসি লাউথোকপা মতমদা প্রধান মন্ত্রীনা অঙাংশিংনা লৈবাক অসিগী তুংগী য়ুম্বীনি অমদি অঙাংশিং অসিনা অফবা প্রজাশিং ওইহন্নবা অমসুং অফবা তুংলমচৎ অমগীদমক মখোয়বু মতেং পাংনবা অমসুং ঙাকশেন্নবা তৌবা য়াবা পুম্নমক তৌগনি হায়না অকনবা ৱাফম ফোঙদোকখ্রে। পি.এম.না হায় অসিগুম্বা অৱাবা তারিবা মতম অসিদা খুন্নাই অমা ওইনা ঐখোয়গী অঙাংশিংবু য়েংশিনবা অমসুং অফবা তুংলমচৎকীদমক থাজবা লৈহনবা অসি ঐখোয়গী থৌদাংনি। কোবিদ-১৯না মরম ওইদুনা মমা-মপা অনিমক নত্ত্রগা হীংহৌরিবা মমা/মপা নত্ত্রগা লিগেল গর্জিয়ন/য়োক্লিবা মমা-মপা কাইনখ্রবা অঙাং পুম্নমক ‘পি.এম.-কিয়র্স ফোর চিল্দ্রেন’ স্কিমগী মখাদা মতেং ফংহল্লগনি। মহাক্না পি.এম. কিয়র্স ফন্দ অসিদা থম্মোই শেংনা কৎপীরকপশিং অসিনা মরম ওইরগা খোঙথাংশিং অসি লাউথোকপা ঙমহল্লিবা, হায়রিবা অসিনা ভারতনা কোবিদ-১৯গী মায়োক্তা লান্থেংনবদা মতেং ওইরগনি হায়না ফোঙদোকখ্রে।

• অঙাং অদুগী মমিংদা ফিক্স দিপোজিৎ:

পি.এম. কিয়র্সনা অখন্ননা দিজাইন তৌবা স্কিম অমগী খুত্থাংদা অঙাং খুদিংমক্কী মখোয়না চহি ১৮ শুবা মতমদা লুপা লাখ ১০গী কোর্পস অমা শেমদুনা মতেং পাংগনি। কোর্পস অদুদি:

• চহি ১৮দগী হৌদুনা মথংগী চহি মঙা ফাওবা হায়র এজুকেসন তম্লিঙৈগী মতমগী মনুংদা মহাক্কী লনাইগী ওইবা মথৌ তাবশিং অদু য়েংশিনজনবা থাগী ওইনা শেলগী তেংবাং/স্তাইপেন্দ পীবদা শিজিন্নগনি অমসুং
• চহি ২৩ শুরবা মতমদা মহাক্না লনাই অমসুং প্রোফেস্নেলগী ওইনা শিজিন্ননবা অমুক্তা পুলপ ফংবা শেনফম অমা ওইনা কোর্পসকী শেনফম অদু ফংগনি।

• স্কুল এজুকেসন: চহি ১০গী মখাগী অঙাংশিংগী

• অঙাং অদু খ্বাইদগী অনকপদা লৈবা কেন্দ্রিয়া বিদ্যালয় নত্ত্রগা লনাই স্কুল অমদা দে স্কোলর অমা ওইনা মিং চনবা য়াহনগদবনি।
• করিগুম্বা অঙাং অদু লনাই স্কুলদা মিং চনবা তারবদি ফীশিং অদু আর.তি.ই.গী কাংলোনশিংগী মতুং ইন্না পি.এম. কিয়র্সতগী পীগনি।
• পি.এম.-কিয়র্সনা য়ুনিফোর্ম, লাইরিকশিং অমসুং বোইশিংগী চাদিং অদুসু তৌগনি।

• স্কুল এজুকেসন: চহি ১১-১ ফাওবগী মনুংদা লৈবা অঙাংশিংগী:

• অঙাং অদু সাইনিক স্কুল, নভোদয়া বিদ্যালয় অসিগুম্বা কেন্দ্র সরকারগী রেসিদেন্সিএল স্কুল অমা হেক্তদা মিং চলহনগনি।
• অঙাং অদু মখা তানা গর্জিয়ন/মপু-মবেন/ইমুংগী অতোপ্পা মীওইনা য়েংশিনবা ওইরবদি মহাকপু খ্বাইদগী অনকপা কেন্দ্রিয়া বিদ্যালয় নত্ত্রগা লনাই স্কুল অমদা দে স্কোলর অমা ওইনা মিং চলহনগনি।

• করিগুম্বা অঙাং অদু লনাই স্কুলদা মিং চনবা তারবদি ফীশিং অদু আর.তি.ই.গী কাংলোনশিংগী মতুং ইন্না পি.এম. কিয়র্সতগী পীগনি।
• পি.এম.-কিয়র্সনা য়ুনিফোর্ম, লাইরিকশিং অমসুং বোইশিংগী চাদিং অদুসু তৌগনি।

• হায়র এজুকেসনগী তেংবাং:

• হৌজিক লৈরিবা এজুকেসন লোনগী কাংলোনশিং অসিগী মতুং ইন্না ভারত্তা প্রোফেস্নেল কোর্সশিং/হায়র এজুকেসন তম্নবা এজুকেসন লোন লৌনবা অঙাং অসিগী মতেং পাংগনি। লোন অসিগী শেন্দোইনা পি.এম. কিয়র্সনা থীগনি।
• অতোপ্পা পাম্বৈ অমা ওইনা, কেন্দ্র নত্ত্রগা রাজ্য সরকারগী স্কিমশিংগী মখাদা অসিগুম্বা অঙাংশিংদা সরকারগী কাংলোনশিংগী মতুং ইন্না অন্দরগ্রেজ্যুৎ/ভোকেস্নেল কোর্সশিংগীদমক ত্যুসন ফীশিং/কোর্স ফীশিংগা মান্নবা স্কোলরশিপ ফংহনগনি। হৌজিক লৈরিবা স্কোলরশিপ স্কিমশিং অসিগী মখাদা ইলিজিবল ওইদবা অঙাংশিংগীদমক পি.এম. কিয়র্সনা মান্নবা স্কোলরশিপ পীগনি।

• হেল্থ ইন্সুরেন্স

• অঙাং পুম্নমক অয়ুশ্মান ভারত স্কিম (পি.এম.-জে.এ.ৱাই.)গী মখাদা লুপা লাখ ৫গী হেল্থ ইন্সুরেন্সনা কভর তৌবগা লোইননা বেনিফিসরী অমা ওইনা এনরোল তৌগনি।
• অঙাংশিং অসিনা চহি ১৮ শুবা ফাওবদি প্রিমিয়মগী শেনফম অসি পি.এম. কিয়র্সতগী থীগনি।

*****