ভারতকী প্রধানমন্ত্রী

২০২১গী মে ২৮, ইরাই নুমিৎতা, সাইক্লোন য়াসনা মরম ওইরগা লৈহল্লিবা ফিভম অদু য়েংশিন্ননবা প্রধান মন্ত্রী শ্রী নরেন্দ্র মোদিনা ওরিশা অমসুং ৱেস্ত বেঙ্গলদা চৎখি৷ মহাক্না ওরিশাগী ভাদ্রক অমসুং বালেস্বর জিলাশিং, অমসুং ৱেস্ত বেঙ্গলগী পুর্ব মেদিনিপুরদা সাইক্লোন অসিনা শোকহল্লিবা মফমশিং অসি এরিএল সর্ভে অমা পাংথোক্তুনা য়েংশিনখ্রে৷

ভুবনেস্বরদা, সাইক্লোন অসিগীদমক লৌখৎলিবা রিলিফ অমসুং রিহেবিলিতেসন মিজরশিং অদু য়েংশিন্নবা প্রধান মন্ত্রীনা থৌবুরেল ওইদুনা মীফম অমা পাংথোকখি৷

সাইক্লোন য়াস অসিনা মরু ওইনা ওরিশাদা খ্বাইদগী য়াম্না শোকহনখিবা অমসুং ৱেস্ত বেঙ্গল অমসুং ঝর্খন্দগী মফম খরদসু শোকহনখ্রে হায়না প্রধান মন্ত্রীদা তেল্লপনা ফোংদোকখি৷

খুদক্কি ওইবা রিলিফ এক্তিবিতীশিংগীদমক শ্রী মোদিনা লুপা কোতি ১০০০গী ফাইনান্সিয়েল এসিস্তেন্স লাওথোকখ্রে৷ অথুবা মতমদা ওরিশাদা লুপা কোতি ৫০০ পীরগনি৷ অতোপ্পা কোতি ৫০০ অমনা ৱেস্ত বেঙ্গল অমসুং ঝর্খন্দগীদমক রাজ্যশিং অসিদা সাইক্লোন্না শোকহল্লিবা ফিভমগী চাং মতুং ইন্না রিলিস তৌরগনি হায়না লাওথোকখ্রে৷ সাইক্লোন অসিনা কয়ামুক য়াম্না অমাং-অতা থোকহনবগে হায়বসি খঙদোক্নবা কেন্দ্র সরকারনা রাজ্যশিংদা ইন্তর-মিনিস্তিরিএল তীম অমা থারগনি  অমসুং মসিগী মতুং ইন্না মখাতাবা মতেং পীরগনি৷

অসিগুম্বা লুরবা মতম অসিদা সাইক্লোন অসিনা মরম ওইরগা শোকহল্লিবা মফমশিং অসিদা অকাই-অতোই য়াওখিবা ইনফ্রাস্ত্রকচর অমুক হন্না শেমগৎননবগীদমক পাংবা য়াবা মতেং পুম্নমক পাংননবা কেন্দ্র সরকারনা রাজ্য সরকারশিং অসিগা কন্না হোৎনমিন্নরগনি হায়না প্রধান মন্ত্রীনা ওরিশা, ৱেস্ত বেঙ্গল অমসুং ঝর্খন্দগী প্রজাশিংদা থাজবা পীখ্রে৷

সাইক্লোন অসিনা মরম ওইদুনা শোকহল্লিবা মীওইশিংগী অৱাবদা শরুক য়াজরি হায়না প্রধান মন্ত্রীনা ফোংদোকখ্রে অমসুং কলামিতী অসিনা মরম ওইদুনা থৱাই মাংখ্রবা মীওইশিংগী ইমুং মানুংশিংদা নুংঙাইতবা ফোংদোকখ্রে৷

ভারততা সাইক্লোন য়াসনা মরম ওইরগা শিরিবা মীওই অদুগী খ্বাইদগী নক্নবা ঈ-মরীদা এক্স-গ্রেসিয়া ওইনা লুপা লাখ ২ অমসুং কা-হেন্না ফিভম লুনা অশোক-অপন য়াওরিবা মীওই পুম্নমক্তা লুপা লিশিং ৫০,০০০ পীরগনি হায়না মহাক্না লাওথোকখ্রে৷

ঐখোয়না দিজাস্তরশিং হেন্না সাইন্তিফিক ওইনা মেনেজ তৌবদা মীৎয়েং চংগদবনি হায়না পি.এম.না ফোংদোকখ্রে৷ অরাবিয়ন সী অমসুং বে ওফ বেঙ্গলদা সাইক্লোনিক সিস্তেমশিংগী ফ্রিক্বেন্সী অমসুং ইমপেক্ত অসি হেনগৎলকপনা, কম্ম্যুনিকেসন সিস্তেমশিং, মিতিগেসন ইফর্তশিং অমসুং লৌখৎকদৌরিবা চেকশিন থৌরাংশিং অসি অচৌবা চেলে়ঞ্জ অমা ওইরি৷ রিলিফ ইফর্তশিং অসিদা হেন্না কোওপরেসন পীননবগীদমক প্রজাশিংগী মরক্তা থাজবা থম্নবা য়াম্না মরু ওই হায়না মহাক্না ফোংদোকখ্রে৷

ওরিশা সরকারনা লৌখৎলিবা চেকশিন থৌরাং অমসুং দিজাস্তর মেনজমেন্ত এক্তিবিতীশিং অসিনা মরম ওইদুনা কলামিতি অসিদা পুন্সি মাংবগী চাং অসি হন্থহল্লবনি হায়না পি.এম.না ফোংদোকখ্রে৷ অসিগুম্বা নেচরেল দিজাস্তরশিং অসি থেংননবগীদমক রাজ্য অসিনা লোঙ্গ তর্ম মিতিগেসন ইফর্তশিং লৌখৎখ্রে হায়না মহাক্নসু ফোংদোকখ্রে৷

মিতিগেসন ফন্দশিংদা লুপা কোতি ৩০,০০০ য়ৌনা থাদদুনা ফাইনান্স কম্মিসননসু দিজাস্তর মিতিগেসনদা হেন্না মীৎয়েং চংখ্রে হায়না মহাক্নসু ফোংদোকখ্রে৷

******