ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেৎনা ভারত সরকারগী এক্সতর্নেল এফিয়র্স মন্ত্রালয় অমসুং য়ুনাইতেদ কিংদমগী কম্মনৱেল্থ অমসুং দিভেলপমেন্ত ওফিসনা গ্লোবেল ইন্নোভেসন পার্ত্নরশিপ (জি.আই.পি.)গী মেমোরেন্দম ওফ অন্দর্স্তেন্দিংদা (এম.ও.য়ু.) খুৎয়েক পীনখিববু এক্স-পোস্ত ফেক্তোগী অয়াবা পীখ্রে।
পান্দমঃ
এম.ও.য়ু. অসিগী খুত্থাংদা, ভারত অমসুং য়ু.কে.না গ্লোবেল ইন্নোভেসন পার্ত্নরশিপ হৌদোকপদা য়ানখি। জি.আই.পি.না ভারতকী অনৌবা পুথোকপা মীওইশিংদা মখোয়গী থৌওং/পোত্থোকশিংবু অতোপ্পা লৈবাকশিংদা পাকথোক-চাউথোকহনবদা তেংবাংদুনা মখোয়বু অনৌবা কৈথেল খঙদোকপা অমসুং মরোমদোম লেপচবা ঙমহনগনি। জি.আই.পি. ইন্নোভেসন্না সস্তেনেবল দিভেলপমেন্ত গোল (এস.দি.জি.)গা মরী লৈনবা সেক্তরশিংদা মিৎয়েং চঙদুনা কান্নবা ফংগদবা লৈবাকশিংদা মখোয়গী এস.দি.জি.শিং ফংহনবদা তেংবাংগনি।
পার্ত্নরশিপ অসিনা সীদ ফন্দিং, গ্রান্ত, ইনভেস্তমেন্ত অমসুং তেক্নিকেল ওইবা তেংবাংগী খুত্থাংদা ভারতকী ওন্তোপ্রিনর অমসুং ইন্নোভেতরশিংবু মখোয়গী চাউখৎপা পুরক্নবা অনৌবা ৱারোইশিনশিংবু চাউখৎলক্লিবা লৈবাকশিং খন্দুনা মদুদা চাংয়েং তৌবা অমসুং পাকথোক-চাউথোকপদা শৌগৎকনি।
জি.আই.পি.গী মখাদা খনগৎলবা অনৌবা থৌওংনা সস্তেনেবল দিভেলপমেন্ত গোল ফংবগী খোঙজেল য়াঙখৎহনগনি অমসুং পীরামিদ পোপ্যুলেসনগী বেজতা কান্নহন্দুনা মসিবু ফংগদৌরিবা লৈবাকশিংদা মান্নবা থাক অমসুং থৌওং অসিগী শরুক ওইবা ফংহনগনি।
জি.আই.পি.না অনৌবা থৌওংবু ঙমখৈ লান্না পীননবগীদমক্তা মীয়ামগী ই.-মার্কেৎ প্লেস (ই.-বাজার) অমসু শেমগৎকনি অমসুং নুং-পান ফাওনা উবা অমসুং থাজবা য়াবগী ৱাখল্লোন লৈহন্নবগীদমক্তা মহৈদা য়ুম্ফম ওইদুনা মহৈদুবু নৈনবগী থৌওংদা মিৎয়েংসু চঙগনি।
*****
