ପିଏମଇଣ୍ଡିଆ
ସହଜରେ ନେବା ଆଣିବା କରାଯାଇ ପାରୁଥିବା ୧ଲକ୍ଷ ଅକ୍ସିଜେନ କଂସେଂଟ୍ରେଟର କିଣିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ କେୟାର୍ସ ପାଣ୍ଠିରୁ ଅର୍ଥ ମଞ୍ଜୁର କରିଛନ୍ତି । କୋଭିଡ-୧୯ ପରିଚାଳନା କ୍ଷେତ୍ରରେ ସ୍ୱାସ୍ଥ୍ୟସେବା ପାଇଁ ବ୍ୟବହାର କରାଯାଉଥିବା ତରଳ ଅକ୍ସିଜେନ ଆବଶ୍ୟକତା ସମ୍ପର୍କୀତ ଏକ ଉଚ୍ଚସ୍ତରୀୟ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ନିଷ୍ପତ୍ତି ଘୋଷଣା କରିଛନ୍ତି । ଏହି ଅକ୍ସିଜେନ କଂସେଂଟ୍ରେଟର ସବୁକୁ ଯଥାଶୀଘ୍ର ଅକ୍ସିଜେନ ଅଧିକ ମାତ୍ରାରେ ଆବଶ୍ୟକ ପଡୁଥିବା ରାଜ୍ୟଗୁଡିକୁ ଯୋଗାଇ ଦେବାକୁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
ପୂର୍ବରୁ ପିଏମ କେୟାର୍ସ ପାଣ୍ଠି ବିନିଯୋଗରେ ୭୧୩ଟି ପିଏସ୍ଏ ପ୍ଲାଣ୍ଟ ପ୍ରତିଷ୍ଠା ପାଇଁ ଏହି ପାଣ୍ଠିରୁ ଅର୍ଥମଞ୍ଜୁର କରାଯାଇଛି । ଏହାବାଦ ୫ଶହଟି ନୂଆ ପିଏସ୍ଏ ପ୍ଲାଣ୍ଟ ପାଇଁ ମଧ୍ୟ ଏହି ପାଣ୍ଠିରୁ ଅର୍ଥମଞ୍ଜୁର କରାଯାଇଛି ।
ପିଏସ୍ଏ ପ୍ଲାଣ୍ଟ ଗୁଡିକ ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ଦ୍ୱିତୀୟ ଶ୍ରେଣୀର ସହରଗୁଡିକରେ ଥିବା ଚିକିତ୍ସାଳୟକୁ ତରଳ ଅକ୍ସିଜେନ ଯୋଗାଇବ । ଡିଆରଡିଓ ଏବଂ ସି.ଏସ.ଆଇ.ଆର.ର ସ୍ୱଦେଶୀ ବୈଷୟିକ କୌଶଳ ପ୍ରୟୋଗ କରି ସ୍ୱଦେଶୀ ନିର୍ମିାଣକାରୀଙ୍କ ଦ୍ୱାରା ଏହି ପିଏସ୍ଏ ପ୍ଲାଣ୍ଟ ନିର୍ମାଣ କରାଯିବ ।
ପିଏସ୍ଏ ପ୍ଲାଣ୍ଟ ପ୍ରତିଷ୍ଠା ଦ୍ୱାରା ସହଜରେ ନେବା ଆଣିବା କରିପାରୁଥିବା କଂସେଂଟ୍ରେଟର ଅଧିକ ପରିମାଣରେ ଆବଶ୍ୟକ ହେଉଥିବା ସ୍ଥାନଗୁଡିକରେ ଅକ୍ସିଜେନ ପହଞ୍ଚାଇ ପାରିବ । ପ୍ଲାଣ୍ଟଠାରୁ ଡାକ୍ତରଖାନା ପର୍ଯ୍ୟନ୍ତ ଅକ୍ସିଜେନ ପହଂଚାଇବା କ୍ଷେତ୍ରରେ ଏହି ପାତ୍ରଗୁଡିକ ସହାୟକ ହେବ ।
*****
SSD/SLP
1 lakh portable oxygen concentrators will be procured, 500 more PSA oxygen plants sanctioned from PM-CARES. This will improve access to oxygen, specially in district HQs and Tier-2 cities. https://t.co/oURX74RYt1
— Narendra Modi (@narendramodi) April 28, 2021
