পি এম ইণ্ডিয়া

আপোনালোক সকলোৱে এটা গুৰুত্বপূৰ্ণ বিষয় উত্থাপন কৰাৰ বাবে ধন্যবাদ৷ ক’ৰোনাৰ বিৰুদ্ধে দেশৰ সংগ্ৰাম এতিয়া এবছৰৰো অধিক সময় হ’ল৷ এই সময়ছোৱাত ভাৰতৰ জনসাধাৰণে ক’ৰোনাৰ বিৰুদ্ধে যিদৰে যুদ্ধ কৰিলে, ইয়াৰ উদাহৰণ সমগ্ৰ বিশ্বতে চৰ্চিত হৈছে৷ আজি ভাৰতত ৯৬ শতাংশতকৈও অধিক লোক আৰোগ্য হৈছে৷ মৃত্যু হাৰো ভাৰতত অন্য দেশততৈ কম হৈছে৷

দেশ আৰু বিশ্বৰ ক’ৰোনা পৰিস্থিতিৰ প্ৰতি লক্ষ্য ৰাখি ইয়াত দাঙি ধৰা উপস্থাপনটোৱেও আমাৰ ওচৰলৈ বহুতো গুৰুত্বপূৰ্ণ দিশ কঢ়িয়াই আনিছে। বিশ্বৰ বেছিভাগ ক’ৰোনা প্ৰভাৱিত দেশেই ক’ৰোনাৰ বহুতো ঢৌৰ সন্মুখীন হৈছে। আমাৰ দেশতো, ঘটনাবোৰ হ্ৰাস হোৱাৰ পিছতো কিছুমান ৰাজ্যত হঠাৎ বৃদ্ধি পাইছে। আপোনালোক সকলোৱে এইবোৰ চোৱা-চিতা কৰি আছে, কিন্তু তথাপিও কিছুমান ৰাজ্য যেনে মহাৰাষ্ট্ৰ, পাঞ্জাৱৰ দৰে উল্লেখ কৰা হৈছে; আপোনালোক মুখ্যমন্ত্ৰীসকলেও উদ্বেগ প্ৰকাশ কৰিছে, কেৱল মই কৈছো, এনে নহয়। আৰু আপোনালোকেও বিশেষ চিন্তা কৰি আছে আৰু কৰিব লাগিবও। আমি এইটোও দেখি আছো যে মহাৰাষ্ট্ৰ আৰু মধ্য প্ৰদেশত পজিটিভিটীৰ হাৰ অতি বেছি। আৰু কেছৰ সংখ্যাও বাঢ়িছে, বহুতো আহি আছে।

এইবাৰ এনে বহুতো ক্ষেত্ৰ আছে য’ত এই বৃদ্ধি এনে বহুতো জিলাত দেখা গৈছে যিবোৰত ৰোগৰ প্ৰাদুৰ্ভাৱ নাছিল। এক প্ৰকাৰে সেইসমূহ  সুৰক্ষিত অঞ্চল আছিল, এতিয়া কিছুমান কথা দৃষ্টিগোচৰ হৈছে। দেশৰ সত্তৰখন জিলাত, যোৱা কেই সপ্তাহমানৰ বৃদ্ধি হৈছে ১৫০ শতাংশতকৈও অধিক। যদি আমি ইয়াত এই প্ৰাদুৰ্ভাৱ স্তব্ধ নকৰো, ই এক দেশব্যাপী প্ৰাদুর্ভাৱৰ পৰিস্থিতি হ’ব পাৰে। আমি ক’ৰোনাৰ এই উদীয়মান “দ্বিতীয় লহৰ” তৎক্ষণাৎ বন্ধ কৰিব লাগিব। আৰু তাৰ বাবে আমি দ্ৰুত আৰু নিৰ্ণায়ক পদক্ষেপ গ্ৰহণ কৰিব লাগিব। বহুতো ঠাইত দেখা পাইছো স্থানীয় প্ৰশাসনে এতিয়া মাস্কক লৈ আগৰ দৰে গম্ভীৰতা দেখুৱাই থকা নাই। মই অনুৰোধ জনাইছো যে স্থানীয় পৰ্যায়ত শাসনত যি অসুবিধা হয়, সেইবোৰ চাবলৈ, সেইসমূহ পৰ্যালোচনা কৰিবলৈ আৰু সেই অসুবিধাবোৰ সমাধান কৰিবলৈ, মই ভাবো, বৰ্তমান অতিশয় আৱশ্যকীয়।

কিছুমান অঞ্চলত পৰীক্ষাৰ পৰিমাণ কিয় হ্ৰাস হৈছে, এয়া আলোচনাৰ বিষয়৷ একে ধৰণে কিছুমান এলেকাত টীকাকৰণো কিয় হ্ৰাস পাইছে? মই ভাবো এইটো সুশাসন পৰীক্ষাৰ সময়। যিমান দূৰ আমি আজি ক’ৰোনাৰ যুদ্ধত উপনীত হৈছো, ইয়াৰ পৰা যি আত্মবিশ্বাস আহিছে, এই আত্মবিশ্বাস-অত্যাধিক আত্মবিশ্বাস হ’ব নালাগে, আমাৰ সফলতা অৱহেলালৈ পৰিৱৰ্তিত হোৱা উচিত নহয়। আমি জনতাক পেনিক মোডলৈ আনিব নালাগে। ভয়ৰ সাম্ৰাজ্য চৌদিশে বিয়পি আছে, এই পৰিস্থিতি অনাটো উচিত নহয় আৰু কিছু সাৱধানতা অৱলম্বন কৰি, কিছু উদ্যোগ গ্ৰহণ কৰি আমি লোকসকলক বিপদৰ পৰা মুক্ত কৰিব লাগিব।

আমাৰ প্ৰচেষ্টাত, আমি আমাৰ পুৰণি অভিজ্ঞতাবোৰ অন্তৰ্ভুক্ত কৰি ৰণনীতি প্ৰস্তুত কৰিব লাগিব। প্ৰতিখন ৰাজ্যৰ নিজা পৰীক্ষা, ভাল পৰীক্ষা, ভাল উদ্যোগ আছে, বহুতো ৰাজ্যই আন ৰাজ্যৰ পৰা নতুন পৰীক্ষা শিকি আছে। কিন্তু এতিয়া, এবছৰত, আমাৰ চৰকাৰী যন্ত্ৰক এনে পৰিস্থিতিত কাম কৰিবলৈ প্ৰশিক্ষণ দিয়া হৈছে। এতিয়া আমি অধিক সক্ৰিয় হ’ব লাগিব। য’ত আমাৰ প্ৰয়োজন… আৰু মই এইটো আগ্ৰহেৰে কও… মাইক্ৰ’ কণ্টেইনমেণ্ট জ’ন সৃষ্টি কৰাৰ বিকল্পটোতো কোনো পৰিস্থিতিত লেহেমীয়া হ’ব নালাগে, ইয়াক যথেষ্ট আগ্ৰহৰ সৈতে কাম কৰিব লাগে। জিলাসমূহত কাম কৰা মহামাৰী সঁহাৰি দলবোৰকো “কণ্টেনটেইনমেণ্ট আৰু নিৰীক্ষণ এছ.অ’.পি.”ৰ পুনৰ পৰিচয় কৰাই দিব লাগে। আকৌ এবাৰ, আপুনি চাৰি ঘণ্টা, ছয় ঘণ্টালৈ বহি আলোচনা কৰক, প্ৰতিটো স্তৰৰ বিষয়ে আলোচনা কৰক। বিজ্ঞানীসকলেও কৰিব, পুৰণি কথাবোৰ মনত পেলাই দিব আৰু গতি আনিব৷ আৰু একেটা সময়তে, আমি যোৱা এবছৰ ধৰি যিদৰে কৰি আছো, ‘পৰীক্ষণ, অনুসৰণ আৰু চিকিৎসা’, ইয়াক লৈও গম্ভীৰতাৰ প্ৰয়োজন হ’ব। সম্ভৱ সময়ৰ কম সময়তে প্ৰতিজন সংক্ৰমিত ব্যক্তিৰ সম্পৰ্ক অনুসৰণ কৰা আৰু আৰটি-পিচিআৰ পৰীক্ষাৰ হাৰ ৭০ শতাংশতকৈ অধিক ৰখা অতিশয় গুৰুত্বপূৰ্ণ।

আমি এইটোও দেখি আছো যে বহুতো ৰাজ্যত দ্ৰুত এণ্টিজেন পৰীক্ষাৰ ওপৰত অধিক গুৰুত্ব দিয়া হৈছে। একেটা বিশ্বাসত চলি আছে। যেনে কেৰালা, ওড়িশা, ছট্টিশগড় আৰু উত্তৰ প্ৰদেশ৷ মই ভাবো ইয়াক অতি দ্ৰুততাৰে সলনি কৰা প্ৰয়োজন। এই সকলোবোৰ ৰাজ্যত, মই বিচাৰো, দেশৰ সকলো ৰাজ্যত, আমি আৰটি-পিচিআৰ পৰীক্ষা আৰু অধিক বৃদ্ধি কৰাৰ ওপৰত জোৰ দিব লাগিব। এটা কথা অতি লক্ষ্য কৰা হৈছে যে এইবাৰ আমাৰ টায়াৰ-2, টায়াৰ-3 চহৰৰ চাৰিওফালৰ অঞ্চলবোৰ, যিবোৰ আৰম্ভণিতে প্ৰভাৱিত হোৱা নাছিল, অধিক প্ৰভাৱিত হৈছে। চাওক, আমি এই যুদ্ধত সফলতাৰে বাচি যোৱাৰ এটা কাৰণ আছিল যে আমি গাওঁবোৰক ইয়াৰ পৰা মুক্ত কৰি ৰাখিবলৈ সক্ষম হৈছিলো। কিন্তু যদি টায়াৰ-2, টায়াৰ-3 চহৰ সংক্ৰমিত হয়, তেন্তে গাঁৱলৈও সংক্ৰমিত হ’বলৈ বেছি পলম নহ’ব আৰু গাঁওবোৰক চম্ভালা… আমাৰ বাবে কঠিন হৈ পৰিব। আৰু সেয়েহে আমি সৰু চহৰবোৰত পৰীক্ষাৰ হাৰ বৃদ্ধি কৰিব লাগে।

আমি সৰু চহৰবোৰত “ৰেফাৰেল চিষ্টেম” আৰু “এম্বুলেন্স নেটৱৰ্ক”ৰ প্ৰতি বিশেষ মনোযোগ দিব লাগিব। উপস্থাপনটোৱেও এইটোও প্ৰকাশ কৰিছে যে ভাইৰাছৰ প্ৰাদুৰ্ভাৱ এতিয়া বিচ্ছুৰিত ধৰণে ঘটি আছে। ইয়াৰ মুখ্য কাৰণ হৈছে যে এতিয়া সমগ্ৰ দেশ ভ্ৰমণৰ বাবে মুকলি হৈছে, বিদেশৰ পৰা অহা লোকৰ সংখ্যাও বৃদ্ধি পাইছে। সেয়েহে, আজি প্ৰতিটো কেছৰ ভ্ৰমণ, ইয়াৰ সম্পৰ্কৰ ভ্ৰমণ, সকলো ৰাজ্যই ভাগ-বতৰা কৰাটো প্ৰয়োজনীয় হৈ পৰিছে। যদি নিজৰ মাজত তথ্য ভাগ-বতৰা কৰিবলৈ এটা নতুন প্ৰণালীৰ প্ৰয়োজন হয়, ইয়াৰো বিবেচনা কৰিব লাগে। একেদৰে, ভ্ৰমণকাৰীসকলৰ নিৰীক্ষণ আৰু বিদেশৰ পৰা তেওঁলোকৰ সম্পৰ্কৰ প্ৰতি এছ.অ’.পি.-ৰ অনুপালনৰ দায়িত্বও বৃদ্ধি পাইছে। এতিয়া আমাৰ ওচৰত ক’ৰোনা ভাইৰাছৰ মিউটেণ্ট চিনাক্ত কৰা আৰু তেওঁলোকৰ প্ৰভাৱ মূল্যায়ন কৰাৰো প্ৰশ্ন উত্থাপিত হৈছে। আপোনালোকৰ ৰাজ্যত, ভাইৰাছৰ প্ৰকাৰ চিনাক্ত কৰিবলৈ, পৰীক্ষাৰ বাবে জিনমৰ নমুনা প্ৰেৰণ কৰাটোও সমানে গুৰুত্বপূৰ্ণ হৈ পৰিছে।

বন্ধুসকল,

বহুতো সতীৰ্থই টীকাকৰণ অভিযানৰ বিষয়ে নিজৰ মতামত দাঙি ধৰিছে। নিশ্চিতভাৱে, এই যুদ্ধত, এই প্ৰতিষেধক এবছৰৰ পিছত আমাৰ হাতত এটা অস্ত্ৰ হিচাপে আহিছে, ই এক কাৰ্যকৰী অস্ত্ৰ। দেশত টীকাকৰণৰ গতি নিৰন্তৰভাৱে বৃদ্ধি পাইছে। আমি দিনে ৩০ লাখ লোকৰ টীকাকৰণৰ সংখ্যাও অতিক্ৰম কৰিছো। কিন্তু, একে সময়তে, আমি প্ৰতিষেধকৰ পালি অপচয় হোৱাৰ সমস্যাটোও অতি গুৰুত্বসহকাৰে গ্ৰহণ কৰা উচিত। তেলেংগানা আৰু অন্ধ্ৰ প্ৰদেশত ১০ শতাংশতকৈ অধিক প্ৰতিষেধক অপচয় হৈছে। আনকি উত্তৰ প্ৰদেশতে প্ৰতিষেধক অপচয়ৰ সংখ্যা প্ৰায় একেই। প্ৰতিষেধক কিয় অপচয় হৈ আছে সেয়া ৰাজ্যসমূহত পৰ্যালোচনা কৰিব লাগে আৰু মই বিশ্বাস কৰো যে প্ৰতি সন্ধিয়া ইয়াক নিৰীক্ষণ কৰাৰ এটা ব্যৱস্থা থাকিব লাগে আৰু আমাৰ প্ৰণালীক, সক্ৰিয় লোকসকলৰ সৈতে যোগাযোগ কৰি এনে ব্যৱস্থা গঢ়ি তুলিব লাগে যাতে প্ৰতিষেধক অপচয় নহয়। কিয়নো এক প্ৰকাৰে, অপচয়ৰ শতাংশ অৰ্থাৎ আমি কাৰোবাৰ অধিকাৰ নষ্ট কৰি আছো। আমাৰ কাৰো অধিকাৰ অপচয় কৰাৰ কোনো অধিকাৰ নাই।

স্থানীয় পৰ্যায়ৰ পৰিকল্পনা আৰু শাসনৰ যিকোনো ত্ৰুটি, সেইবোৰ তৎক্ষণাৎ সংশোধন কৰিব লাগে। প্ৰতিষেধকৰ অপচয় যিমানেই ৰোধ হ’ব, আৰু মই বিচাৰিম যে ৰাজ্যসমূহে শূন্য অপচয়ৰ লক্ষ্যৰ সৈতে কাম কৰা আৰম্ভ কৰিব লাগে… আমি অপচয় হ’বলৈ নিদিম। চেষ্টা কৰিলে নিশ্চিতভাৱে উন্নতি হ’ব। যিমানেই স্বাস্থ্য কৰ্মী, সন্মুখৰ শাৰীৰ কৰ্মী আৰু অন্যান্য যোগ্য লোকসকলক প্ৰতিষেধকৰ দুয়োটা পালি প্ৰদান কৰিম সিমানেই আমাৰ প্ৰচেষ্টা সফল হ’ব। মই আত্মবিশ্বাসী যে এই সামূহিক প্ৰচেষ্টা আৰু ৰণনীতিৰ প্ৰভাৱ সোনকালেই আমাৰ বাবে দৃশ্যমান হ’ব আৰু ফলাফলো দৃশ্যমান হ’ব।

অৱশেষত, মই পুনৰ এবাৰ কেইটামান বিষয়ৰ পুনৰাবৃত্তি কৰিব বিচাৰো, যাতে আমি সকলোৱে এই বিষয়বোৰত ধ্যান দি আগবাঢ়ি যাব পাৰো। এটা মন্ত্ৰ যিটো আমি নিৰন্তৰভাৱে সকলোকে ক’ব লাগিব: “ঔষধ আৰু কঠোৰতাও’’। চাওক, ঔষধৰ অৰ্থ হৈছে ৰোগটো গুচি গৈছে, এনে নহয়। ধৰি লওক কাৰোবাৰ চৰ্দী হৈছিল। যদি তেওঁ ঔষধ গ্ৰহণ কৰে, ইয়াৰ অৰ্থ এইটো নহয় যে তেওঁ সুৰক্ষা অবিহনে উলৰ কাপোৰ নিপিন্ধাকৈ, বৰষুণত কৰবালৈ যোৱা উচিত। আপুনি ঔষধ গ্ৰহণ কৰিছে, কিন্তু আপুনি অন্য দিশসমূহো চাব লাগিব। এয়া স্বাস্থ্যৰ নিয়ম, এয়া কেৱল এই ৰোগৰ বাবে নহয়, ই প্ৰতিটো ৰোগৰ বাবে। যদি আমাৰ টাইফয়ড হৈছে… ঔষধো খালো, সকলো ঠিকে আছে, তথাপিও চিকিৎসকসকলে কিছুমান বস্তু খাবলৈ বাৰণ কৰে৷ আৰু সেয়েহে, মই ভাবো, এনে এটা স্বাভাৱিক কথা জনসাধাৰণক অৱগত কৰিব লাগে। আৰু সেয়েহে, এই বিষয়ত “ঔষধ আৰু কঠোৰতা”, আমি বাৰে বাৰে জনসাধাৰণক অনুৰোধ কৰা উচিত।

দ্বিতীয়তে, মই কোৱা-আৰটি-পিচিআৰ পৰীক্ষাবোৰ বৃদ্ধি কৰাটো অতি গুৰুত্বপূৰ্ণ, যাতে নতুন কেছবোৰ লগে লগে চিনাক্ত কৰিব পাৰি। স্থানীয় প্ৰশাসনক মাইক্ৰ-কণ্টেইনমেণ্ট অঞ্চল সৃষ্টি কৰিবলৈ অনুৰোধ কৰা উচিত। তেওঁলোকে তাত ক্ষীপ্ৰতাৰে কাম কৰিবলৈ সক্ষম হ’ব, আমি অতি ক্ষীপ্ৰতাৰে বন্ধ কৰিব পাৰিম যাতে তেওঁলোকে প্ৰাদুৰ্ভাৱ বিয়পি পৰা প্ৰতিহত কৰাত সহায় কৰিব পাৰে। প্ৰতিষেধক কেন্দ্ৰৰ সংখ্যা বৃদ্ধি কৰাৰ প্ৰয়োজনীয়তা আছে, ব্যক্তিগতেই হওক, চৰকাৰীয়েই হওক, যিহেতু আপুনি মানচিত্ৰখন দেখিছে, ইয়াক আপোনালোকৰ বাবে ৰাজ্য-অনুযায়ী সৃষ্টি কৰা হৈছে। ইয়াক প্ৰথমতে সেউজীয়া ডট হিচাপে বৰ্ণনা কৰা হৈছিল। আৰু ইয়াত দেখা গৈছে যে বহুতো এনে এলেকা আছে য’ত পাতল সেউজীয়া দেখা গৈছে, অৰ্থাৎ আমাৰ টীকাকৰণ কেন্দ্ৰবোৰ সক্ৰিয় নহয়। চাওক, প্ৰযুক্তিয়ে আমাক যথেষ্ট সহায় কৰিছে। আমি দৈনন্দিন বস্তুবোৰ অতি সহজে সংগঠিত কৰিব পাৰো। আমি ইয়াৰ সুবিধা ল’ব লাগিব, কিন্তু তাৰ আধাৰত, আমি উন্নতি কৰিব লাগিব। যিহেতু আমাৰ বহুতো কেন্দ্ৰ সক্ৰিয়, তেওঁলোকে মিছন-মোডত কাম কৰিব, অপচয়ো নোহোৱা হ’ব, সংখ্যাও বৃদ্ধি পাব আৰু লগে লগে আত্মবিশ্বাসো বৃদ্ধি পাব। মই বিচাৰো যে এইটোত গুৰুত্ব দিয়া উচিত।

একে সময়তে, আমি আন এটা কথাও মনত ৰাখিব লাগিব কাৰণ এই প্ৰতিষেধকবোৰৰ উৎপাদন নিৰন্তৰ ৰখা আৰু যিমান সোনকালে পাৰি ইয়াৰ পৰা বাহিৰলৈ ওলাব লাগে। অন্যথা ইয়াৰ বাবে এবছৰ, দুবছৰ, তিনি বছৰৰ সময় প্ৰয়োজন হ’ব। আৰু এটা সমস্যা আছে, সেয়া হৈছে প্ৰতিষেধকৰ ম্যাদ সমাপ্তিৰ তাৰিখ। আমি মনত ৰখাটো প্ৰয়োজন যে আগতে যি উপলব্ধ হৈছে সেয়া প্ৰথমে ব্যৱহাৰ কৰা উচিত; পিছত যি আহিব তাৰ ব্যৱহাৰ পিছত কৰিব লাগিব। যদি আমি ইয়াক প্ৰথমে ব্যৱহাৰ কৰো, তেন্তে ম্যাদ সমাপ্তিৰ তাৰিখ আৰু অপচয় ৰোধ সহজ হৈ পৰিব। আৰু সেয়েহে মই ভাবো আমি পৰিহাৰযোগ্য অপচয়ৰ পৰা ৰক্ষা পৰা উচিত। আমি জনা উচিত যে এইটো আমাৰ ওচৰত থকা ম্যাদ সমাপ্তিৰ তাৰিখ, আমি ইয়াক প্ৰথমে ব্যৱহাৰ কৰা উচিত। এইটো অতি গুৰুত্বপূৰ্ণ। আৰু এই সকলোবোৰ বস্তুৰ সৈতে, এই সংক্ৰমণ বিয়পা প্ৰতিহত কৰাৰ মৌলিক পদক্ষেপবোৰ হৈছে “ঔষধ আৰু কঠোৰতা”। “মাস্ক পিন্ধি, দুই গজ বৰ্তাই ৰখা, পৰিচ্ছন্নতা, ব্যক্তিগত পৰিচ্ছন্নতা বা সামাজিক পৰিচ্ছন্নতাৰ যত্ন লোৱা, সম্পূৰ্ণৰূপে চাপ দিব লাগিব। আমি যোৱা এবছৰ ধৰি কৰি থকা বহুতো পদক্ষেপ আছে আৰু আকৌ এবাৰ সেইসমূহক চাপ দিয়াটো প্ৰয়োজন। আকৌ এবাৰ আমি ইয়াক কঠিন কৰিব লাগিব। যিহেতু আমাৰ অধিনায়ক চাহাবে কৈছিল যে আমি কাইলৈৰ পৰা এটা অতি কঠোৰ আন্দোলন চলাই আছো, এইটো এটা ভাল কথা। মই ভাবো আমি সকলোৱে সাহসেৰে এইটো কৰিব লাগিব।

মই আত্মবিশ্বাসী যে আমি এই বিষয়বোৰৰ ওপৰত জনসাধাৰণৰ সজাগতা বৰ্তাই ৰখাত সফল হ’ম। আপোনালোকৰ পৰামৰ্শৰ বাবে মই আকৌ এবাৰ আপোনালোকক ধন্যবাদ জনাইছো। আপোনালোকে পৰামৰ্শসমূহ প্ৰেৰণ কৰিব লাগিব। আজি যি চিকিৎসালয়ৰ বিষয়ে চৰ্চা কৰা হৈছে সেয়া আপোনালোকে অহা দুই বা চাৰি ঘণ্টাৰ ভিতৰত সকলো তথ্য দিয়ক যাতে মই সন্ধিয়া প্ৰায় ৭-৮ বজাত মোৰ বিভাগৰ লোকসকলৰ সৈতে সমীক্ষা কৰিব পাৰো আৰু যদি কোনো বাধা থাকে তেন্তে ইয়াক আঁতৰ কৰাৰ বাবে যিকোনো প্ৰয়োজনীয় সিদ্ধান্ত লম, স্বাস্থ্য মন্ত্ৰালয়ে লগে লগে এইটো কৰিব আৰু মই সেইটোত গুৰুত্ব দিম। কিন্তু মই কও যে আমি এতিয়ালৈকে যি যুদ্ধত জয়ী হৈছো, আমাৰ সকলোৰে সহযোগিতা তাত আছে, এটা হৈছে আমাৰ ক’ৰোনা যোদ্ধাৰ সহযোগিতা, তাৰ বাবে, জনসাধাৰণেও বহুত সহযোগিতা প্ৰদান কৰিছে। আমি জনসাধাৰণৰ সৈতে যুঁজ কৰিব নালাগে। আমি যি কৰিছো, মানুহে বিশ্বাস কৰিছে, মানুহে সহযোগিতা প্ৰদান কৰিছে আৰু ১৩০ কোটি দেশবাসীৰ সজাগতাৰ বাবে, ১৩০ কোটি দেশবাসীৰ সহযোগিতাৰ বাবে, ভাৰতে জয় লাভ কৰিছে। যিমান আমি এই বিষয়ত জনসাধাৰণক পুনৰ জড়িত কৰাব পাৰো, বিষয়টো পুনৰ কও, মই নিশ্চিত যে এতিয়াও দৃশ্যমান পৰিৱৰ্তনে সেই পৰিৱৰ্তনটো আকৌ এবাৰ বন্ধ কৰিবলৈ সক্ষম হ’ব৷ এইটো মোৰ দৃঢ় বিশ্বাস। আপোনালোক সকলোৱে অতি কঠোৰ পৰিশ্ৰম কৰিছে, আপোনালোক দক্ষতাৰ কেন্দ্ৰ হৈ পৰিছে। দৈনিক এবাৰ বা দুবাৰ সোধা আৰম্ভ কৰক, সপ্তাহত এবাৰ বা দুবাৰ সাক্ষাৎ কৰা আৰম্ভ কৰক, বস্তুবোৰ স্বয়ংক্ৰিয়ভাৱে ঠিক হৈ পৰিব।

মই পুনৰবাৰ অতি কম সময়ৰ ভিতৰতে অনুষ্ঠিত কৰা এই বৈঠকত উপস্থিত থকাৰ বাবে আপোনালোকক ধন্যবাদ জনাইছো৷ আপোনালোকে অতিশয় বিস্তাৰিতভাৱে তথ্য প্ৰদান কৰিলে৷ মই আপোনালোকক অশেষ ধন্যবাদ জ্ঞাপন কৰিছো৷

অশেষ ধন্যবাদ৷ 

*****

DS/AKJ/BM/NS/MANN