ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ইন্দিয়া অমসুং বঙ্গলাদেশ অনিগী মরক্তা লৈবা ‘মাইত্রি সেতু’ ভিদিও কনফরেন্সকী খুত্থাংদা শঙ্গাখ্রে। মহাক্না ত্রিপুরাদা ইনফ্রাস্ত্রকচর প্রোজেক্ত কয়া অমশু শঙ্গাখ্রে অমসুং উরেপ উয়ুং তমখ্রে। ত্রিপুরাগী গবর্নর অমসুং চীফ মিনিস্তরসু শরুক য়াখি। বঙ্গলাদেশকী প্রধান মন্ত্রীগী ভিদিও মেসেসশু থৌরম অসিদা থাদোকখি।     

থৌরম অসিদা ৱা ঙাংলদুনা, প্রধান মন্ত্রীনা হায় মদুদি ত্রিপুরানা মমাংগী চহিনা চহি ৩০ লৈরম্বা অমসুং চহি অহুম অসিদা ‘দবল ইঞ্জিন’ ওইরিবা সরকার অসিগী খেন্নবা অসি ময়েক শেংনা থেংনরি। মমাংগী সরকারগী করপসন অমসুং কম্মিসনগী চৎনবী অসিগী মহুৎতা বেনেফিসরীশিংনা হকথেংন্না মখোয়গী একাউন্তা য়ৌরকপগী কান্নবা ফংলি। মহাক্না অমুকশু নিংশিংলি মদুদি এম্প্লোয়িশিংনা তোলোব ফংবা মতমদা অৱাবা কয়া অমা মায়োক্নখি। অহানবা ওইনা, ত্রিপুরাদা লৌমীশিংনা মখোয়গী পোত্থোক য়োনবদা অৱাবা মায়োক্নরিবা অসিদা এম.এস.পি. অসি লেপ্লে। অনৌবা শেন্থং কয়া অমনা লোন্দুনা লৈরম্লবা ইন্দস্ত্রী কয়া অমা অহোংবা পুরক্লি। মহাক্না হায় মদুদি ত্রিপুরাদগী মফম অতৈদা পোৎ থাদোকপগী চাং অসি শরুক মঙা থোক্না হেনগৎলক্লি।

প্রধান মন্ত্রীনা খঙহল্লি মদুদি হৌখিবা চহি ৬ অসিদা, সেন্ত্রেল সরকার অসিনা ত্রিপুরা অসি চাওখৎনবা হোৎনবদা চংগদবা কয়া অমা য়েংশিন্দুনা লাক্লি। মহাক্না হায় মদুদি স্তেত অসিগীদমক সেন্ত্রেল এল্লোকেসন মশক থোক্না লৈরি। ২০০৯-২০১৪ মনুংদা ত্রিপুরানা সেন্ত্রেল দিবলপমেন্ত স্কীমশিংগীদমক লুপা করোর ৩৫০০ অমা ফংখি লোয়ননা ২০১৪-২০১৯ মনুংদা লুপা করোর ১২০০০ হেন্না ফংখি।

প্রধান মন্ত্রীনা ‘দবল ইঞ্জিন’ সরকার অসিগী কান্নবা অসি নিংশিংখি। মহাক্না খঙহনখি মদুদি‘দবল ইঞ্জিন’ লৈত্রবা সরকার অদুদি লায়রবা, লৌমী অমসুং নুপীশিংগী চাওখৎনবগী স্কীমশিং য়াম্না তপ্পা উবা ফংগনি। মহাক্না য়াম্না থাজনা হায়খি মদুদি‘দবল ইঞ্জিন’ সরকার অসিনা ত্রিপুরা অসিবু মপাঙ্গল কনখৎনবা থবক তৌরি। মহাক্না হায় মদুদি ‘দবল ইঞ্জিন’ সরকার অসিনা ত্রিপুরা অসি পাৱর ৱাৎপা স্তেত অমা ওইরম্বদগী পাৱর হেন্না লৈবা অমদা ওন্থোরক্লি। মহাক্না স্তেত অসিদা ‘দবল ইঞ্জিন’ সরকারনা পুরকখিবা অওনবশিং মথং-মথং হায়খি মদুদি খুঙ্গংগী য়ুম্থোং লাখ ২ থক্নবা ঈশিং ফংহনখিবা, লুপা লাখ ২.৫ লেম্না গ্যাস শমখিবা, ত্রিপুরাগী খুঙ্গং খুদিং লমহাংদা অমাংবা তৌবা লৈহনখিদবা, মীরোনবী নুপী ৫০০০০ মাত্রু বন্দনা য়োজনাগী কান্নবা ফংহনখিবা, লায়ররবা ইমুং ৪০০০০দা অনৌবা য়ুম পীখিবা অসিনচিংবা অসিনি।    

প্রধান মন্ত্রীনা হায়খি মদুদি লম্বী শম্নবগী মরী লৈনবা ইনফ্রাস্ত্রকচর অসি চহি অহুম অসিদা হায়নিংঙাই লৈতনা চাওখৎলক্লি। মহাক্না এয়রপোর্ত, ত্রিপুরাদা ইন্তর্নেতকী শমুদ্রগী লিঙ্ক, রেল লিঙ্ক অমসুং ঈশিংগী লম্বী অসি মসিগী হিরম অসিদা পনখি। মহাক্না ঐচ.আই.আর.এ. চাওখৎলকপা উবা ফংলি হায় মদুদি হায়ৱেজ, আই.-ৱেজ, রেলৱেজ অমসুং এয়রৱেজ অসিনি।

ইন্দিয়া অমসুং বঙ্গলাদেশ অনিগী মরক্তা শম্নবা অসিনা মরুপ-মপাংগী মরী চেৎশিনবতা নত্তনা ব্যুজিনেস্তসু য়াম্না লিংবা মরী অমশু থম্লি হায়না প্রধান মন্ত্রীনা হায়খি। মহাক্না খঙহনখি মদুদি মফম পুম্বা অসি ইন্দিয়া অমসুং বঙ্গলাদেশ অনিগী ত্রেদ কোরিদোর অসিনা চাওখৎহনবনি হায়খি। প্রধান মন্ত্রীনা মরু ওইবা পীরি মদুদি রেল অমসুং ঈশিংগী ওইবা প্রোজেক্তশিং অসি হন্দক্কী থোং অসিনা খঙহল্লি। মসিনা খা-আসাম, মিজোরাম অমসুং মনিপুরগা লোয়ননা ত্রিপুরা অসিনা বঙ্গলাদেশ অমসুং খা-নোংপোক এসিয়াগা ফাওনবা হেনগৎলগনি। শ্রী মোদীনা হায় মদুদি থোং অসিনা বঙ্গলাদেশতা ইকোনোমীগী খুদোংচাবা য়াম্না থুনা হেনগৎলগনি। প্রধান মন্ত্রাীনা বঙ্গলাদেশকী সরকার অমসুং বঙ্গলাদেশকী প্রধান মন্ত্রীবু মখোয়না থোং অসি শাবা লোইশিনবদা পাংলকপা মতেং অদুগীদমক থাগৎপা ফোংদোক্লি। প্রধান মন্ত্রাীনা হায় মদুদি থোং অসিগী উরেপ উয়ুং তম্বা অসি মহাক্না বঙ্গলাদেশ চৎপদা হুল্লম্বনি।  

প্রধান মন্ত্রীনা হায় মদুদি মীয়াম্না হৌজিক্তি অৱাং-নোংপোক্তা পোৎ পুবদা লম্বী খক্তদা শিজিন্নররোই। মহাক্না হায় মদুদি বঙ্গলাদেশকী চিত্তাগোং হিদাংফম অসিদগী অৱাং-নোংপোক্তা চৎপা অসি অতোপ্পা পাম্বৈ তুরেলনা ওইগনি। মহাক্না হায় মদুদি সাব্রুমদা লৈবা আই.সি.পি. অসিনা মপুং ফানা লৈরবা হব অমা ওইগনি অমসুং ত্রান্স শীপমেন্তগী খুদোংচাবা অমসু ওইগনি।   

ফেনী তুরেল মথক্তা লৈরিবা থোং অসিনা আগরতলাবু ইন্দিয়াগী ইন্তর্নেস্নেল পোর্ত খ্বায়দগী নকপা ওইরি। এন.ঐচ.-০৮ অমসুং এন.ঐচ.-২০৮গী লম্বী পাকথোকপগী প্রোজেক্ত কৎখি অমসুং মসিগীদমক অৱাং-নোংপোক্কী লম অসি পোর্ত অসিগা ফাওননবা উরেপ উয়ুং তমখি হায়না শ্রী মোদীনা হায়খি।

প্রধান মন্ত্রীনা হায় মদুদি য়াম্না কুইরবা ব্রু রিফ্যুজিগী থেংনরিবা অৱাবা অসি সরকারনা হোৎনবদগী পাম্বৈ অমা ফংলে। মহাক্না ফোংদোকখি মদুদি ব্রু মীয়াম অমা অফবা পুন্সি পুরক্নবা লুপা করোর ৬০০কী পেক্কেজ অমা আসা তৌই হায়খি।

প্রধান মন্ত্রীনা হায় মদুদি স্তেত অসিগী থায়নদগী শাগোন্নরকপা কয়া অমা থেংনরে অমসুং ত্রিপুরা অসি চাওখৎনবগীদমক আগরতলা এয়রপোর্ত অসি মহারাজা বির বিক্রম কিশোর মানিক্যাদা অমুক হন্না থোল্লগনি। মসিগা মান্ননা প্রধান মন্ত্রীনা হায় মদুদি মহাক্না ত্রিপুরাগী মমল য়াম্লবা সংস্কৃতি অমসুং লিতরেচরবু ঙাক্তুনা থম্লিবা প্রজাশিংদা ইকাই খুম্নবগী খুদোংচাবা অমা লৌরি মদুদি থাঙা দার্লোং, সত্যরাম রিয়াং অমসু বেনিচন্দ্র জামিতা অসিনি। মহাক্না খঙহনখি মদুদি ৱাগী ওইবা লোকেলগী আর্ত অসি প্রধান মন্ত্রী বান ধন য়োজনাগী মখাদা পুখৎলি, হায়রিবা অসিনা লোকেলগী ত্রাইবশিংদা অনৌবা খুদোংচাবা অমা ফংহল্লি।

চহি অহুম ত্রিপুরা সরকার অসি মপুং ফারকপা অসিদা থাগৎপা ফোংদোক্তুনা শ্রী মোদীনা হায় মদুদি হৌজিক লৈরিবা স্তেত সরকার অসিনা ত্রিপুরাগী মীয়ামশিংদা মখা তানা সেবা তৌখিগনি হায়না আসা তৌই হায়খি।

Watch Live https://t.co/s5vEVcwmH9

— PMO India (@PMOIndia) March 9, 2021

***