ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি গুজরাতকী কেবাদিয়াদা দিফেন্স মিনিস্ত্রীনা শিনবা কম্বাইন কম্মান্দরস কনফরেন্সকী অরোইবা সেসন্দা ৱা ঙাংখ্রে।   

হন্দক্কী চহীগী কনফরেন্স মনুংদা ৱা-খন্নখিবা অসিগী মরমদা দিফেন্স স্তাফকী চীফনা প্রধান মন্ত্রীদা খঙহনখি। প্রধান মন্ত্রীনা কনফরেন্স অসিগী মওং-মতৌ অমসুং এজেন্দাগীদমক মহাক্কী থাগৎপা ফোংদোকখি। মহাক্না মরু ওইনা হন্দক্কী চহীগী কনফরেন্স অসিদা জুনিয়র কম্মিসন ওফিসরশিং অমসুং নন- কম্মিসন ওফিসরশিংনা শরুক য়ারিবা অসিদা থাগৎপা ফোংদোকখি।   

নেস্নেল দিফেন্স সিস্তেমগী খ্বায়দগী ৱাংবা সিবিলিয়ন অমসুং মিলিতরী লিদরশিপ অসিদা ৱা ঙাংলদুনা, প্রধান মন্ত্রীনা হৌখিবা চহিদা কোবিদ লায়চৎকী শরুক্তা অমসুং অৱাংথংবা ঙমখৈগী অৱাবা মায়োক্নবা মতমদা ইন্দিয়ন আর্ম ফোর্সেসনা উৎখিবা কত্থোকপগী ফিরেপ অসিদা মহাক্কী ওইবা য়াম্না চাওবা থাগৎপা ফোংদোকখি।  

প্রধান মন্ত্রীনা নেস্নেল সেক্যুরিতি সিস্তেমদা মফম অমা লাকশিনবা হেনগৎহনবদা মরুওইবা লৈরিবা, ইক্বুইবমেন্ত অমসুং খুলাই খক্তা নত্তনা আর্ম ফোর্সেসনা পাংথোক্লিবা দোক্তরাইন, প্রোসেদ্যুর অমসুং কস্তম অসিদা মরুওইবা হায়খি।   

মহাক্না মরুওইবা পীরদুনা নেস্নেল সেক্যুরিতি আর্কিতেকচর অসিদা মিলিতরী অমসুং সিবিলিয়নগী মফম অনিমক্তা লৈরিবা মীগী মশীং অসি ফগৎহনবা মথৌ তাই হায়খি। মহাক্না হোলিস্তিক ওইনা চংশিনবা, সিবিল-মিলিতরী সিলোশিং লৌথোকপদা পান্দম থম্বা অমসুং ফিরেপ লৌবা অসিদা থুজিন্নবা হায়খি। মহাক্না সর্বিসশিংদা হান্নগী সিস্তেম মখোয় মশানা হন্দোক্নবা অমসুং মখোয়গী য়ুতিলিতি অমসুং মরী লৈনবা খক্তা পাংথোক্নবা পাউতাক পীখি।

তেক্নোলোজিগী মওংদা য়াম্না থুনা অহোংবা লাক্লিবা অসিদা, প্রধান মন্ত্রীনা ইন্দিয়াগী মিলিতরী অসি ‘ফ্যুচর ফোর্স’ অমা ওইনা চাওখৎহনবগী তঙাইফদবা লৈবা উৎখি।

প্রধান মন্ত্রীনা মথং চহিদা লৈবাক অসিগী চহি ৭৫ শুবা ইন্দিপেন্দেন্স পাংথোক্কনি হায়না খঙহল্লি, অমসুং আর্ম ফোর্সেসশিংবু থৌরম অসিদা শরুক য়ানবা অমসুং লৈবাক অসিগী নহাশিংবু পুক্নিং থৌগৎনবা হায়রি।

*****