ভারতকী প্রধানমন্ত্রী

খুরুমজরি,

মন্ত্রীমন্দলগী ঐগী তেংবাংলোই, দা. হর্শবর্ধনজী, দিপার্তমেন্তকী নেস্নেল প্রসিদেন্ত দা. বিজয় ভতকরজী, ইকাই খুম্নজরবা সাইন্তিস্তশিং, ইবুংঙো অমসুং ইবেম্মশিং।

কুম্মৈ, ফেস্তিবেল অসি ভারতকী কেরেক্তরসুনি অমসুং ভারতকী তেম্পরামেন্তসুনি অমসুং ভারতকী ত্রেদিসনসুনি। ঙসিগী ফেস্তিবেল অসিদা ঐখোয়না সাইন্স অসি সেলিব্রেৎ তৌরি। ঐখোয়না ঐখোয়দা লেপ্তনা ইনোবেৎ তৌনবগীদমক্তা পুক্নীং থৌগৎলিবা হ্যুমেন স্পিরিৎ অদুবুসু সেলিব্রেৎ তৌরি।

মরপশা,

ভারত্তা সাইন্স, তেক্নোলোজী অমসুং ইনোবেসনগী ৱাৎত-পাদবা লন কয়া লৈজৈ। ঐখোয়গী সাইন্তিস্তশিংনা অচৌ-অচৌবা রিসর্স কয়া পাংথোকখ্রে। ঐখোয়গী তেক ইন্দস্ত্রী অসি মালেমগী সমস্যা কয়া লোইশিনবদা মাংজিল থারি। অদুবু, ভারতনা হেন্না তৌবা পাম্লি। ঐখোয়না হৌখ্রবা মতম্বু চাউথোকচবগা লোইননা য়েংলি অদুবু ঐখোয়না হেন্না ফবা তুংলমচৎ অমা পাম্লি।

মরূপশা,

মসিগীদমক্তা ভারতনা বেসিকশিংদা শাফু পীরি। অদোম পুম্নমক্তগী হেন্না মসি কনানা খঙবা ঙমগনি মদুদি সাইন্তিফিক তেম্পর দিবেলপ তৌনবগীদমক্তা অঙাং ওইরিঙৈগী মতমদগী হেন্না ফবা মতম অতৈ করি লৈগনি। ঙসি ভারতগী এজুকেসন সিস্তেমদা স্ত্রকচরেল রিফোর্মশিং পুরক্লি, মরমদি লাইরিক্কী লৌশিংদগী মাংদা চখৎতুনা স্পিরিৎ ওফ ইনক্বাইরীদা ইনোৎ হাপ্নবনি। চহি তরাগী খুজিং ৩গী শাংলবা মতমগী মতুংদা লৈবাক অসিনা নেস্নেল এজুকেসন পোলিসী ফংখ্রে। পোলিসী অসিদগী এজুকেস্নেল সেক্তরগী ফোকস হোংদোকহনখ্রে।

হান্না আউৎলেশিংদা ফোকস তৌনরম্মি হৌজিক আউৎকমশিংদা তৌরে। হান্না তেক্সবুক তম্বদা ফোকস তৌনরম্মি, হৌজিক রিসর্স অমসুং এপ্লিকেসন্দা থম্লে। অনৌবা নেস্নেল এজুকেসন পোলিসী অসিনা লৈবাক অসিদা তোপ ক্বালিতী তীচরশিংগী পুল অমা শেম-শানবা অদুগুম্বা ফিভম অমা শেম্ননবা ফোকস তৌরি। এপ্রোচ অসি ঐখোয়গী অনৌবা অমসুং হেনগৎলক্লিবা সাইন্তিস্তশিংদসু মতেং পাংগনি, ইনকরেজ তৌগনি।

ইবেম্মা অমসুং ইবুংঙোশিং, এজুকেসন সেক্তরদা পুরক্লিবা অহোংবা অসি, কোম্প্লিমেন্ত তৌনবগীদমক্তা অতল ইনোবেসন মিশনসু হৌখ্রে। মিশন অসিনা ইনক্বাইরীবু, ইন্তর্প্রাইজবু, ইনোবেসনবু মওং অমদা সেলিব্রেৎ তৌই। মসিগী মখাদা লৈবাক অপুনবগী স্কুল কয়াদা অতল তিঙ্করিং লেবশিং শেম-শারি, মসিনা ইনোবেসনগী অনৌবা প্লেগ্রাউন্দশিং ফংহল্লি। লেবশিং অসিদগী ঐখোয়গী স্কুলশিংদা সাইন্সকা মরী লৈনবা ইনফ্রাস্ত্রকচর হেন্না ফবা ওইহল্লি। হাইয়র এজুকেসন্দা অতল ইনক্লুবেসন সেন্তরশিং শেম-শারি, মরমদি লৈবাক অসিদা আর.&দি.গা মরী লৈনবা ইকোসিস্তেম হেন্না ফগৎহন্নবনি। মতৌ অসুম্না মশিং য়াম্না অমসুং হেন্না ফবা ইঞ্জিনীয়রিং কোলেজ, আই.আই.তি. হেন্না শাবদসু শাফু পীরি।  

মরূপশা,

ক্বালিতী রিসর্সকীদমক্তা সরকারনা প্রাইম মিনিস্তর রিসর্স ফেলোশিপ স্কিমসু পাইখৎলি। মসিগী পান্দমদি লৈবাক অসিগী বেস্ত তেলেন্তনা মখোয়গী অপাম্বা রিসর্স তৌবদা হেন্না খুদোংচাবা ফংনবনি। লৈবাক অসিগী আই.আই.তি. পুম্নমক, আই.আই.ই.আর. পুম্নমক, বেঙ্গলুরুগী ইন্দিয়ন ইন্সতিত্যুৎ ওফ সাইন্স অমসুং সেন্ত্রেল য়ুনিভর্সিতী অমসুং এন.আই.তি. খরদা স্কিম অসিনা মহৈরোইশিংদা অদুক্কী মতিক শেলগী তেংবাং পীরি। লৈবাক অসিগী অতৈ রিকোকনাইজ তৌরবা ইন্সতিত্যুৎ অমসুং য়ুনিভর্সিতীদা তম্লিবা মহৈরোইশিংনা মসিগী কান্নবা ফংবা ঙম্নবগীদমক থা ৬-৭কী মমাংদা স্কিমদা অহোংবা খরসু পুরকখ্রে।

মরূপশা,

হৌখিবা থা খরা অসিদা ঐনা সাইন্তিস্ত কয়াগা ৱারী শানজখি। হন্দক্তা ভারতনা অচৌবা সমিৎ অমসু হোস্ত ওইখি। থা চুপ্না চৎথখিবা সমিৎ অদুদা মালেম অপুনবদগী ভারত্তগী হৌখিবা সাইন্ততিস্তশিং অমসুং রিসর্স তৌবশিংবু ফম্বাক অমদা অমত্তা ওইনা পুরকখি। মদুদা চাউরাক্না মরূপ লিশিং ২৩রোম্না শরুক য়াখি। পুং ৭০০ হেন্না দিসকসন পাংথোকখি। ঐসু সাইন্তিস্ত কয়ামরুমগা ৱারী শানজখি। ৱারী-ৱাতাই অদুদা অয়াম্বনা পোৎশক অহুমদা শাফু পীখি। ৱাফম অনি অদুদি – ত্রস্ত অমসুং কোলাবোরেসন্নি। লৈবাক অসিনা ঙসি মসিগী মায়কৈদা থবক পাইখৎলি।

ঐখোয়না হোৎনরিবা পুম্নমক ভারতপু সাইন্তিফিক লর্নিংগী খ্বাইদগী থাজনীংঙাই ওইবা সেন্তর অমা ওইহনবদা পান্দম থম্লি। মদুগা লোইননা, ঐখোয়গী সাইন্তিফিক কম্যুনিতীনা মালেমগী তেলেন্তকী খ্বাইদগী ফবা অদুগা লোইননা শিয়র তৌমিন্নবা অমসুং চাউখৎমিন্নবা ঐখোয়না পাম্মি। ভারতনা হেকাথোনশিংগী য়ুম্বু ওইবা অমসুং শরুক য়াবা হেনগৎলপদা ঙক্নীংঙাই ওইদে। মখোয় ভারত্তা অমসুং মপান লমদা পাংথোকই। মসিনা ঐখোয়গী সাইন্তিস্তশিংগা এক্সপোজর অমসুং তাঞ্জা অনিমক পী।

মরূপশা,

সাইন্স অমসুং তেক্নোলোজী অসি, মসিগী বেনিফিৎ অমসুং এক্সেস অসি পুম্নমক্কীদমক ওইথোক্ত্রিফাওবদি মপুং ফাবা ওইদে। হৌখিবা চহি ৬ অসিদা নহাশিংবু তাঞ্জাশিংগা কনেক্ত তৌনবগীদমক লৈবাক অসিদা সাইন্স অমসুং তেক্নোলোজী শিজিন্নবা হেনগৎহনখি। সাইন্স অমসুং তেক্নোলোজী অসি হৌজিক ভারত্তা অৱাৎপা অমসুং মহৈ ফংবা অদুগী অহাংবা অদু লান্নবা অচৌবা ব্রিজ অমা ওইরি। মসিগী মতেংদগী অহানবা ওইনা লাইরবদগী লাইরবা মীওইসু সরকারগা লোইননা, সিস্তেমগা লোইননা হকথেংননা শম্নরে। দিজিতেল তেক্নোলোজীদগী মীচম মীয়ামদা থৌনাসু হাপ্লি অমসুং সরকারগী তেংবাং হকথেংননা, খোংজেল য়াংনা দেলিবরী তৌবগী থাজবসু পীরি। ঙসি খুঙ্গংদা ইন্তর্নেত য়ুজরগী মশিং শহরশিংদগী হেনখ্রে। খুঙ্গংগী লাইরবা লৌমীশিংসু দিজিতেল পেমেন্ত তৌরে! ঙসি ভারতকী য়াম্লবা মীয়াম অমনা স্মার্তফোন্দা য়ুম্ফম ওইবা এপশিংগা লোইনরি। ঙসি ভারত অসি গ্লোবেল হাই-তেক পাৱরগী ইভোল্যুসন অমসুং রিভোল্যুসন, অনিমক্কী সেন্তর ওইররে।

মরূপশা,

ভারত হৌজিক মালেমগী থাক্কী মহৈ-মশিং, হকশেল, কনেক্তিবিতী, লাইরবদগী লাইরবা ফাওবদা, খুঙ্গং ফাওবা য়ৌহন্নবা হাই-তেক সোলুসনশিং শেম্নবা অমসুং শিজিন্নবা শেম শারে। ভারত্তা হাই-তেক হাইৱেগীদমক্তা দেতা, দিমোগ্রাফী, দিমান্দ অমসুং পুম্নমক অসিবু শেন্ননবগীদমক্তা, য়েংশিন্নবা অমসুং ঙাক-শেন্নবা দেমোক্রেসীসু লৈরে। মরম অসিনা মালেম্না ঙসি ভারত্তা অদুক্কী মতিক থাজবা থম্লি।

মরূপশা,

হন্দক্তা দিজিতেল ইন্দিয়া খোংজং অসি হেন্না পাকথোক-চাউথোকহন্নবা পি.এম.- ৱানী স্কিম হৌদোক্লে। মসিদগী লৈবাক অপুনবদা পব্লিক স্পেসতা, পুম্নমক্কীদমক্তা, ক্বালিতী ৱাই-ফাই কনেক্তিবিতী ওইথোকপা ঙমহল্লগনি।

মসিগী হকথেংননা কান্নবা সাইন্সতসু ওইগনি মরমদি লৈবাক অসিগী খুঙ্গংগী নহাসু মালেমগী বেস্ত সাইন্তিফিক নোলেজ অদু লাইনা ফংবা ঙমগনি।

মরূপশা,

ঐখোয়গী লৈবাক্তা ৱাতর স্কার্সিতী, পোলুসন, সোইল ক্বালিতী, ফুদ সেক্যুরিতীগুম্বা শিংনবা কয়া লৈরিবা অসিগী অনৌবা পাম্বৈ সাইন্সতা য়াওরি। ঐখোয়গী সমুদ্রদা লৈরিবা ৱাতর, ইনর্জী অমসুং ফুদকী লনগৈ অসি খোংজেল য়াংনা এক্সপ্লোর তৌবদসু সাইন্সকী চাউরবা থৌদাং লৈ। মতৌ অসুম্না ঐখোয়না স্পেসগী সেক্তরদা মায় পাকপা ফংবগুম্না, দীপ সীগী লমদসু মায় পাকপা ফংগদবনি। ভারতনা মসিগীদমক দীপ ওসিন মিশনসু পায়খৎলি।

মরূপশা,

সাইন্সতগী ফংলিবা অনৌবা পুম্নমক অসি ঐখোয়না মসিগী কান্নবা কমর্সতা, ললোন-ইতিক তৌবদসু ফংগনি। হৌজিক স্পেস সেক্তরদা রিফোর্ম তৌখ্রে। মসিদগী ঐখোয়না ঐখোয়গী নহাশিংবু, লৈবাক অসিগী প্রাইবেৎ সেক্তরবুসু অতিয়াগী নত্তে ঙমখৈ নাইদ্রবা শুন্দ্রংগী মতোন অদু শোক্নবা পুক্নীং থৌগৎলি। অনৌবা প্রদক্সন লিঙ্ক ইন্সেন্তিব স্কিম অসিদসু, সাইন্স অমসুং তেক্নোলোজীগী মরী লৈনবা সেক্তরশিংদা ফোকস তৌরি। অসিগুম্বা খোংথাংশিং অসিদগী সাইন্তিফিক কম্যুনিতীদা থৌনা হাপকনি, সাইন্স অমসুং তেক্নোলোজীগা মরী লৈনবা ইকোসিস্তেম হেন্না ফবা ওইরগনি। মসিদগী ইনোবেসনগীদমক্তা রিসোর্সেস হেন্না জেনরেৎ তৌরগনি। মসিদগী সাইন্স অমসুং ইন্দস্ত্রীগী মরক্তা পার্তনরশিপকী অনৌবা কলচর অমা শেম শারগনি। হাইদ্রোজেন ইকোনোমীবু ওইরো, ব্লু ইকোনোমীবু ওইরো, নত্ত্রগা আর্তিফিসিএল ইন্তিলিজেন্স শিজিন্নববু ওইরো, অনৌবা কোলাবোরেসনশিংদগী অনৌবা লম্বীশিং থোরক্কনি। ঐনা থাজৈ মদুদি ফেস্তিবেল অসিনা, সাইন্স অমসুং ইন্দস্ত্রীগী মরক্তা স্পিরিৎ ওফ কোওর্দিনেসন অমসুং কোলাবোরেসন্দা অনৌবা মশক অমা পীরগনি।

মতম অসিদা, সাইন্সকী খ্বাইদগী চাউবা শিংনবশিং অসি কোবিদ-১৯গী ভেক্সিন ওইবা য়াই। অদুমওইনমক, মসি হৌজিক্কী শিংনবনি। সাইন্সকী খ্বাইদগী মতম শাংবা শিংনবা অসি মগুন ৱাংবা নহাশিংবু পুক্নীং চিংশিনবা অমসুং মদুবু কাইহন্দনা থম্বা অসিনি। মতম পুম্নমক্তা, তেক্নোলোজী অমসুং ইঞ্জিনীয়রিংগী লমশিং অসিনা প্যোর সাইন্সতগী হেন্না নহাশিংগী পুক্নীং চিংশিল্লি। অদুমওইনমক, লৈবাক অমা হেক্তগী চাউখৎনবগীদমক, মদুবু পাঙ্গল হাপ্নবা সাইন্সকী মথৌ তাই। মরমদি, মখোয়না হায়নৈঃ ঙসি সাইন্স অসি হায়না কৌনরিবা অসি, হয়েংগী তেক্নিক অমসুং তুংগী ইনজিনীয়রিং সোলুসন ওইরকই।   

অদুনা, সাইকল অসি ঐখোয়গী সাইন্সকী লমদা অফবা তেলেন্তপু পুক্নীং চিংশিনবগা লোইননা হৌগদবনি। মসিগীদমক্তা, সরকারনা থাক কয়াদা স্কোলরশিপশিং লাওথোক্লি। অদুবু মসিনা সাইন্স কম্যুনিতীদগী অদুগুম্না অচৌবা আউৎ-রিচ অমা মথৌ তাই। চন্দ্রয়ান মিশনগী অকোইবগী ফিভমগী ইথিল অদু অচৌবা স্তার্তিং পোইন্ত অমনি। ঐখোয়না নহাশিংদগী অপাম্বা ময়াম অমা উবা ফংলে। ঐখোয় পুম্নমক্না মখোয়বু ইথিল পীনবীবা মথৌ তাই।

মরূপশা,

মীফম অসিগী থোংদগী ঐনা মালেমগী খুন্নাইদা ভারতকী তেলেন্ততা ইনভেস্ত তৌনবগীদমক্তা অমসুং ভারত্তা ইনোবেসন তৌনবগীদমক্তা পাউজেল পীজরি। ভারত্তা মঙাল নাইরবা ৱাখল্লোনশিং লৈরি। ভারত্তা অফোংবা অমদি নুং-পান উবা কলচর অমা সেলিব্রেৎ তৌরি। ভারত সরকারনা মফম অসিদা শিংনবা অমা হেক্তবু মায়োক্ননবা অমসুং রিসর্স ইনভাইরনমেন্তপু ফগৎহন্নবা লেপ্লি।

মরূপশা,

চহি লিশিং অনিগী মমাংদা অফাওবা তমিলগী লম্বোইবা অমসুং খুন্নাইবু হোংদোকপীরম্বা থিরুবল্লুবরজীনা পীবীরম্বা মন্ত্র অদু ঙসিসু অদুক্কী মতিক চুমদুনা লৈরি, চান্নবা ওইরি। মহাক্না হায়বীরম্মি – ‘লৈঙোই চেল্লবা লৈহাওদা, নঙনা লুথনা অসুম্মক তৌথরিমখৈ, নোংমদি শোইদনা ঈশিং ফংবা ঙমগনি।’ মতৌ অদুগুম্না অদোম্না অদুক্কী মতিক তমলিমখৈ নোংমদি লৌশিংগী ইচেল অদুদা শোইদনা য়ৌগনি।

ঐনা অদোম পুম্নমক্তা হায়জরি মদুদি, তম্বগী থৌওং অসিবু, লর্নিংগী প্রোসেস অসিবু কৈদৌঙৈদসু খক লেপহনবীগনু। অসুক্কী মতিক অদোম্না তমলিমখৈ অদোম্না অদোমগী স্কিলশিং অদু দিবেলপ তৌরিমখৈ, অদুক্কী মতিক অদোমগীসু অমসুং লৈবাক্কীসু চৌউখৎপা ওইগদৌরিবনি। স্প্রিৎ অসিনা তুংদা ৱাৎত-পাদবা ওইহল্লকই। সাইন্সনা ভারতকী, মালেম অপুনবগী চৌউখৎপদা থৌনা হাপ্পি। মসিগী অপাম্বা, মসিগী থাজবা অসিগা লোইননা অদোম পুম্নমক্তা য়াইফ-পাউজেল পীজরি!

থাগৎচরি। অদোম্বু হন্না হন্না থাগৎচরি।

***