পি এম ইণ্ডিয়া
মহামহিমসকল,
এইখন শীৰ্ষ সন্মিলন জলবায়ু পৰিৱৰ্তনৰ বিৰুদ্ধে আমি আৰম্ভ কৰা যুঁজখনত গ্ৰহণ কৰা আটাইতকৈ বৃহত্ পদক্ষেপ ‘পেৰিছ বুজাবুজি’ৰ পঞ্চম বাৰ্ষিকী উদযাপন উপলক্ষেই অনুষ্ঠিত কৰা হৈছে। আজিৰ তাৰিখত আমি আমাৰ লক্ষ্যৰ পৰিসৰ আৰু অধিক বিস্তৃত কৰিব বিচাৰিছো যদিও আমি অতীতত গ্ৰহণ কৰা দৃষ্টিভংগীৰ কথা পাহৰিলে নহ’ব। আমি কেৱল আকাংক্ষাৰ পুনৰীক্ষণ কৰিলেই নহ’ব, বৰঞ্চ ইতিমধ্যে নিৰ্দ্ধাৰণ কৰা লক্ষ্যত উপনীত হোৱাৰ বাবে আমি কিমানখিনি আগবাঢ়িব পাৰিছো তাৰো পৰ্যালোচনা কৰিব লাগিব। তেতিয়াহে আমাৰ কথা ভৱিষ্যত প্ৰজন্মৰ বাবে বিশ্বাসযোগ্য হ’ব।
মহামহিমসমকল,
মই বিনয়ৰে ক’ব খুজিছো যে ভাৰতে ‘পেৰিছ বুজাবুজি’য়ে নিৰ্দ্ধাৰণ কৰি দিয়া লক্ষ্যত উপনীত হোৱাৰ বাবে কেৱল সঠিক পথেৰে আগবাঢ়াই নহয়, বৰং আশা কৰাতকৈয়ো আগতেই সেয়া অতিক্ৰমো কৰিছে। আমি ২০০৫ৰ হিচাপত কাৰ্বন বিসৰ্জনৰ তীব্ৰতা ২১% হাৰে হ্ৰাস কৰিছো। আমাৰ সৌৰ শক্তিৰ সামৰ্থ্য ২০১৪ চনৰ ২.৬৩ গিগাৱাটৰ পৰা ২০২০ চনত ৩৬ গিগাৱাটলৈ বৃদ্ধি পালে। ‘নৱীকৰণযোগ্য শক্তি’ৰ ক্ষেত্ৰত আমি চতুৰ্থ বৃহত্ সামৰ্থ্যৰ দেশ বুলি পৰিগণিত হৈছো।
২০২২ চনৰ আগতেই এই পৰিমাণ ১৭৫ গিগাৱাটলৈ বৃদ্ধি পাব। আমি আকৌ ইয়াতকৈয়ো এঢাপ আগলৈ গৈ ২০৩০ চনৰ ভিতৰত ‘নৱীকৰণযোগ্য শক্তি’ৰ উত্পাদনী সামৰ্থ্য ৪৫০ গিগাৱাটলৈ বৃদ্ধি কৰাৰ বাবে অভিলাসী লক্ষ্য নিৰ্দ্ধাৰণ কৰিছো। তদুপৰি আমি আমাৰ বনাঞ্চলৰ পৰিসৰ সম্প্ৰসাৰিত কৰাত সাফল্য লাভ কৰাৰ লগতে আমাৰ জৈৱ বৈচিত্ৰ্য সংৰক্ষিত কৰিবলৈও সক্ষম হৈছো। আৰু, বিশ্ব প্ৰেক্ষাপটত, ভাৰতে দুটা উদ্যোগৰ ক্ষেত্ৰত অগ্ৰণী ভূমিকা পালন কৰিছে। সেয়া হ’ল:
মহামহিমসকল,
২০৪৭ চনত ভাৰতে এখন আধুনিক স্বতন্ত্ৰ ৰাষ্ট্ৰ হিচাপে ১০০বছৰ উদযাপন কৰিব। এইটো গ্ৰহৰ মোৰ সকলো সহ আবাসীসকল, মই আজি এটা পবিত্ৰ সিদ্ধান্ত ঘোষণা কৰিব খুজিছো। শতবৰ্ষী ভাৰতে নিজৰ লক্ষ্যতে কেৱল উপনীত নহ’ব, বৰঞ্চ আপোনালোকৰ আশাসমূহকো অতিক্ৰম কৰি যাব।
ধন্যবাদ।
*****
DS/KB
My remarks at the Climate Ambition Summit https://t.co/5NZaGQQOw4
— Narendra Modi (@narendramodi) December 12, 2020
