ভারতকী প্রধানমন্ত্রী

হয়েং দিশেম্বর ০৮, ২০২০, অয়ুক পুং ১০:৪৫দা ভর্চুএল ওইনা ইন্দিয়ন মোবাইল কংগ্রেস হৌদোকপা থৌরমদা প্রধান মন্ত্রী শ্রী নরেন্দ্র মোদীনা হৌদোকপগী ৱারোল পীগনি। ইন্দিয়ন মোবাইল কংগ্রেস ২০২০ ভারত সরকারগী তেলিকম্মুনিকেসন দিপার্তমেন্ত অমসুং সেলুলার ওপরেতরস এসোসিএসন ওফ ইন্দিয়া(সি ও এ আই)না পুন্না শীনবনি। থৌরম অসি ২০২০গী দিশেম্বর ৮দগী দিশেম্বর ১০ ফাওবা পাংথোক্কনি।

ইন্দিয়ান মোবাইল কংগ্রেস ২০২০গী মরমদা

ইন্দিয়ান মোবাইল কংগ্রেস ২০২০গী পান্দমদি “ইনক্লুসিপ ইন্নোবেসন-স্মার্দ, সেকিউয়র, স্তেনেবল”নি। থৌরম অসিগী পান্দমদি ‘অত্মানির্ভর ভারত’, ‘খুদিংমক দিজিতেলগী খুদোংচাবা ফংহনবা’ অমসুং ‘তুংকোইনা চৎনগদবা চাউখৎ-থৌরাং’ হায়রিবা প্রধান মন্ত্রীগী পান্দম অসি ফংনবা হোৎনবনি। থৌরম অসিনা মপান লৈবাক অমসুং লৈবাক মনুংগী ওইনা শেন থাদনবা হেনগৎহন্নবা, তেলিকোম অমসুং নৌনা পুথোরকপা তেক্নোলোজিশিংগী লমদা রিছর্স অমসুং দিবলপমেন্ত পুক্নিং থৌগৎনবা পান্দম থম্লি।  

ইন্দিয়ন মোবাইল কংগ্রেস ২০২০দা তোঙান-তোঙানবা মিনিস্ত্রিশিং, তেলিকোমগী সি.ই.ও.শিং, মালেমগী সি.ই.ওশিং অমসুং ৫-জি, আর্তিফিসিএল ইন্তিলিজেন্স(এ আই), ইন্তরনেত ওফ থিংস(আই ও তি), দেতা এনালিস্ত, ক্লাউদ অমসুং এজ কম্পুতিং, ব্লোকচেন, সাইবর সেকুরিতি, স্মার্দ সিতি অমসুং ওতোমেসনগী লমদা অখঙ-অহৈশিং শরুক য়াগনি। 

*****