ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী অমসুং ভুতানগী প্রধান মন্ত্রী দা. লোতে শেরিংনা অপুনবা মওংদা ভুতান্দা রুপে কার্দকী ফেজ-II হৌদোক্নবা নবেম্বর ২০, ২০২০দা ভর্চুএল থৌরম অমা পাংথোক্কনি।

ওগস্ত ২০১৯দা প্রধান মন্ত্রীগী সরকারগী ওইবা ভুতান খোংচৎ মনুংদা ভারত অমসুং ভুতানগী প্রধান মন্ত্রীশিংনা অপুনবা মওংদা প্রোজেক্ত অসিগী ফেজ-I হৌদোকখিবনি। ভুতানদা রুপে কার্দকী ফেজ-I থবক্তা ওন্থোকখিবদগী ভুতান অপুনবদা এ.তি.এম. অমসুং পোইন্ত ওফ সেল (পি.ও.এস.) ভারত্তগী লাকপশিংনা শিজিন্নবা য়ারে। হৌজিক মসিগী ফেজ-II অসিনা ভুতানগী কার্দ পায়বশিংবু ভারত্তা রুপে নেতৱর্ক শিজিন্নবা ঙমহল্লগনি।

ভারত অমসুং ভুতানগী মরক্তা অখন্নবা পার্তনরশিপ অমদা শরুক য়ামিন্নরি, মদু অমনা অমবু ৱাখল তামিন্নবা অমসুং ইকাই খুম্নবদা য়ুম্ফম ওইরি, চৎনবী নাৎকী লন-থুম অমসুং মীয়ামগী মরক্তা অচেৎপা মরী লৈনরি।