ভারতকী প্রধানমন্ত্রী
এক্সিলেন্সীশিং,
ঙসি, ঐখোয়ve ঐখোয়গী মীয়াম্বু অমসুং শেনমিৎলোনবু মালেমগী লাইচৎ অসিদগী কন্ননবা মিৎয়েং চংলি। ক্লাইমেৎ চেঞ্জগা মায়োক্ননবা ঐখোয়না মিৎয়েং চংবসু অদুক্কী মতিক মরুওইরি। ক্লাইমেৎ চেঞ্জ অসি সাইলোশিংদা মায়োক্নগদা নত্তে, অপুনবা ওইনা, পাক-চাউনা অমসুং মরু ওইবা মওংদা মায়োক্নগদবনি। ঐখোয়গী থাইনদগী চৎনরক্লবা অকোইবগী ফিভমগা নুংশি-চান্ননা হিংবা পুন্সি মহিংগী ইথিন্না, অমসুং ঐগী সরকারনা ফোংদোকখিবা ৱাফম অদুনা, ভারতনা লো-কার্বোন অমসুং অইং-অশাগী ফিভমবু হান্নগী ফিভমদা হঞ্জিলহন্নবা চাউখৎ-থৌরাংগী থবকশিং পায়খৎলি।
ঐনা মসি ফোংদোকপদা অপেনবা ফাওই মদুদি ভারতনা ঐখোয়গী পেরিস এগ্রীমেন্তকী পান্দম ফংবতা নত্তনা লান্থোকপসু ঙম্লে। ভারতনা লম কয়াদা অচেৎপা থৌরম পায়খৎলি। ঐখোয়না এল.ই.দি. লাইৎ মীয়াম্না পাম্নবা ওইহল্লে। মসিনা চহিদা কার্বোন দাইওক্সাইদ তন মিলিয়ন ৩৮ থাদোকপা কনবা ঙমখ্রে। উজ্জ্বালা স্কিমগী মখাদা ইমুং মিলিয়ন ৮০দা মৈখু চেনদবা চাকখুম ফংহনখ্রে। মসি মালেমগী খ্বাইদগী চাউবা ক্লীন ইনর্জীগী খোংজংশিংগী মনুংদা অমনি।
অমুক খক্তং শিজিন্নবা প্লাস্তিক হন্থহন্নবা হোৎনরি; ঐখোয়গী উমং চাউথোরক্লি; নোংশা অমসুং কৈগী মশিং হেনগৎলক্লি; ঐখোয়না ২০৩০ ফাওবদা লৌ উনদবা লম হেক্তর মিলিয়ন ২৬ অমুক হন্না লৌশিন্নবা পান্দম থম্লি; অমসুং, সর্কুলর ইকোনোমীদা পুক্নীং থৌগৎলি। ভারতনা মেত্রো নেতৱর্কশিং অমসুং ঈশিংগী লম্বীগুম্বা কয়াদা নেক্স-জেনরেসন ইনফ্রাস্ত্রকচর শেমগৎলি, মখোয়না তরু-তনানবা অকোইবগী ফিভম অমা শেমগৎপদসু থৌদাং য়াগনি। ঐখোয়গী রিন্যুএবল ইনর্জী গিগা ৱাৎ ১৭৫গী পান্দম অসি ঐখোয়না ২০২২গী মমাংদা ফংগনি। হৌজিক ঐখোয় ২০৩০ ফাওবদা ইনর্জী গিগাৱাৎ ৪৫০ ফংনবগীদমক অচৌবা খোংথাং থাংজিল্লি।
য়োর মাজেস্তী,
এক্সিলেন্সীশিং,
ইন্তর্নেস্নেল সোলর ইনর্জী এলাইন্স অসি খ্বাইদগী খোংজেল য়াংনা চংশিল্লিবা মালেমগী ওর্গনাইজেসনশিংগী মনুংদা অমনি। ওর্গনাইজেসন অসিগী মীহুৎ ৮৮ লৈ। আই.এস.এ.না কার্বোন দাইওক্সাইদ থাদোকপা হন্থহনবদা থৌদাং য়াগনি, মসিদা দোলর লাখ কয়া খোমজিন্নবা, স্তেকহোল্দর লিশিং কয়া ত্রেন তৌনবা অমসুং রিন্যুএবল ইনর্জীদা থিজিন-হুমজিনবা য়োকখৎনবা থৌরাংশিং য়াওরি। অতোপ্পা খুদম অমদি দিজাস্তর রেসিলেন্ত ইনফ্রাস্ত্রকচরগীদমক পুনশিনবা অসিনি।
পুনশিন্নবা অসিদা লৈবাক ১৮ য়াওরি – মসিদা জি. ২০গী মরক্তগী ৯ – অমসুং মালেমগী ওর্গনাইজেসন ৪নি। সি.দি.আ.আই.না মরুওইবা ইনফ্রাস্ত্রকচরশিংগী হান্নগী ফিভমদা হঞ্জিল্লকপা হেনগৎহনবদা থবক হৌখ্রে। মহৌশাগী ফিভমনা ওইহনবা অমাং-অতাগী মতমদা ওইবা ইনফ্রা দেমেজ অসি মতিক চাবা মিৎয়েং চংদ্রিবা হিরম অমনি। হেন্না লাইরবা লৈবাকশিংদা মসিনা থোইদোক্না শাফু পী। মরম অদুনা পুনশিন্নবা অসি য়াম্না মরু ওই।
য়োর মাজেস্তী,
এক্সিলেন্সীশিং,
অনৌবা অমসুং তুং কোইগদবা তেক্নোলোজীশিংদা রিসর্স অমসুং ইনোবেসন তৌনবগী চপ চারবা মতমনি। ঐখোয়না তেংবাং পীনবা অমদি শরুক য়ামিন্নবগী ৱাখল্লোনগা লোইননা থবক তৌবা তাই। চাউখৎলক্লিবা মালেমদা হেন্না ফবা তেক্নিক অমসুং ফাইনান্সকী হেন্না ফবা ঙাকলৌ ফংলবদি, মালেম অপুনবা অসি খোংজেল য়াংনা চাউখৎলক্কনি।
য়োর মাজেস্তী,
এক্সিলেন্সীশিং,
মীওইবা খুন্নাইনা চাউখৎনবা, মীপুম খুদিংমক চাউখৎপা তাই। ঐখোয়না শুপ্নগী পোৎথোক্কী মিৎয়েংদা শিন্মীশিংবু য়েংবতা নত্তনা শিন্মী খুদিংমক্কী মীওইবগী লমচৎ অদুদসু মিৎয়েং থমগদবনি। অসিগুম্বা মখলগী মিৎয়েং অমা ঐখোয়গী মালেম অসিগী ঙাক-শেলগীদমক খ্বাইদগী ফবা গরেন্তী ওইগনি। থাগৎচরি।
*****
Speaking at the #G20RiyadhSummit. https://t.co/lCqzRQnKhD
— Narendra Modi (@narendramodi) November 22, 2020
Was honoured to address #G20 partners again on the 2nd day of the Virtual Summit hosted by Saudi Arabia.
— Narendra Modi (@narendramodi) November 22, 2020
Reiterated the importance of reforms in multilateral organizations to ensure better global governance for faster post-COVID recovery.
Highlighted India’s efforts for inclusive development, especially women, through a participatory approach.
— Narendra Modi (@narendramodi) November 22, 2020
Emphasized that an Aatmanirbhar Bharat will be a strong pillar of a resilient post-COVID world economy and Global Value Chains. #G20RiyadhSummit
Underlined India’s civilizational commitment to harmony between humanity and nature, and our success in increasing renewable energy and biodiversity. #G20RiyadhSummit
— Narendra Modi (@narendramodi) November 22, 2020
