ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা ঙসি ৫শুবা আয়ুর্বেদগী নুমিৎতা ফ্যুচর-রেদী আয়ুর্বেদ ইন্সতিত্যুসন অনি জাতিদা কত্থোকখ্রে। হায়রিবশিং অদুদি ইন্সতিত্যুত ওফ তীচিং এন্দ রিসর্চ ইন আয়ুর্বেদ (আই.তি.আর.এ.), জামনগর অমসুং নেস্নেল ইন্সতিত্যুত ওফ আয়ুর্বেদ (এন.আই.এ.), জাইপুরনি। ইন্সতিত্যুত অনিমক অসি লৈবাক অসিগী মাংজিল থারিবা আয়ুর্বেদগী ইন্সতিত্যুসনশিংনি। অহানবগী অসি পার্লিয়ামেন্তগী এক্ত অমনা ইন্সতিত্যুসন ওফ নেস্নেল ইম্পোর্তেন্স (আই.এন.আই.)গী স্তেসন পীখি অমসুং অকোনবা অসিনা য়ুনিভর্সিতী গ্রান্তস কম্মিসন্না দীম তু বি য়ুনিভর্সিতীগী ইন্সতিত্যুসন অমা ওইহনখি। আয়ুশ মন্ত্রালয়না ২০১৬দগী হৌনা ধনৱন্তরি জয়েন্তী (ধন্তেরাস)গী থৌরমদা চহি খুদিংগী ‘আয়ুর্বেদগী নুমিৎ’ পাল্লন তৌদুনা লাকখি।

থৌরম অসিদা কেন্দ্রগী রাজ্য মন্ত্রী (ইন্দিপেন্দেন্ত চার্জ) শ্রী শ্রিপাদ নাইক, গুজরাতকী মুখ্য মন্ত্রী শ্রী বিজে রুপানী, রাজস্থানগী মুখ্য মন্ত্রী শ্রী অশোক গেহলোৎ, রাজস্থানগী গভর্নর শহরী কলরাজ মিশ্রা, গুজরাতকী গভর্নর অচার্য়া দেবব্রৎতনা শরুক য়াখি।

থৌরম অসিদা ৱর্ল্দ হেল্থকী দিরেক্তর জেনরেল দা. তেদ্রোস অধানোম ঘেব্রেয়সসনা ভিদিও মেসেস অমা পীদুনা প্রধান মন্ত্রীনা আয়ুশমান ভারতকী মখাদা মীপুম খুদিং কোনশিন্নবা হোৎনরিবা অমসুং হকশেলগা মরী লৈনবা পান্দমশিং ফংনবা ত্রেসিস্নেল মেদিসিনশিং খুদমদা য়ুম্ফম ওইদুনা থৌগৎনবা হোৎনরিবা অসিবু থাগৎখি। প্রধান মন্ত্রীনা দবল্যু.ঐচ.ও.  অমসুং দি.জি.না ভারতপু ত্রেদিস্নেল মেদিসিনগী গ্লোবেল সেন্তর ওইনা খল্লকপা অসিগীদমক থাগৎপা ফোঙদোকখি।  মহাক্না হায়খি আয়ুর্বেদ অসি ভারতকী হেরিতেজ অমনি অমসুং ভারতকী ত্রেদিস্নেলগী ওইবা লৌশিংনা অতোপ্পা লৈবাকশিংবুসু মঙাল পীবা হায়বা অসি হরাওনবগী হিরম অমনি।

শ্রী মোদীনা আয়ুর্বেদগী লৌশিংবু লাইরিকশিং, ক্রিপচরশিং অমসুং হোম রেমেদীশিংদা খক নত্তনা হেন্দোক্না শীজিন্নবা মথৌ তাবা অমসুং মতমগা চুনবা মওংগী মতুং ইন্না য়েলহৌঙৈগী লৌশিং শীজিন্ননবা মহাক্না ফোঙদোকখি। মহাক্না হায়খি লৈবাক অসিদা ২১শুবা চহিচাগী মোদর্ন সাইন্স লোইননা ঐখোয়গী মেদিকেলগী ওইবা লৌশিংদগী ফংলকপা ই-পাউ অসি  পুনশিন্দুনা অনৌবা রিসর্চ কয়া চত্থরি। চহি অহুমগী মমাংদা ওল ইন্দিয়া আয়ুর্বেদিক ইন্সতিত্যুত অসি মসিদা লিংখৎখি। ঙসিদি আয়ুর্বেদ অসি অতোপ্পা পাম্বৈ খক্তমক ওইদ্রে মসি লৈবাক অসিগী হেল্থ পোলিসীগী মরু ওইবা শরুক অমা ওইরে, হায়না প্রধান মন্ত্রীনা ফোঙদোকখি।

শ্রী মোদীনা লেহদা সোৱা-রিকপাগা মরী লৈনবা রিসর্চ অমসুং অতোপ্পা স্তদীশিং দিবেলপ তৌনবা নেস্নেল সোৱা-রিকপা ইন্সতিত্যুত শানবা থবক পাইখৎলি হায়না পাউদমখি। ঙসি গুজরাত অমসুং রাজস্থানদা ইন্সতিত্যুসন অনি অপগ্রেদ তৌরিবা অসি চাউখৎ থৌরাং অসিগী শরুক অমনি।

ইন্সতিত্যুত অনি অসি অপগ্রেদ তৌবা অসিদা থাগৎপা ফোঙদোক্লদুনা প্রধান মন্ত্রীনা হায়খি হৌজিক্তি মখোয়গী থৌদাং অসি হেনগৎলে অমসুং মখোয়না আয়ুর্বেদগী সিলেবস অসি মালেমগী থাক্কা চান্ননবা শেমগনি হায়না আশা তৌখি। মহাক্না এজুকেসন মন্ত্রালয় অমসুং য়ু.জি.সি.না আয়ুর্বেদ ফিজিক্স অমসুং আয়ুর্বেদ কেমিস্ত্রীদা অনীবা এভেন্যুশিং পুথোক্নবা ফোঙদোকখি। মহাক্না স্তার্তঅপশিং অমসুং লনাই সেক্তরনা মালেমগী লৈরিবা ত্রেন্দশিং অমসুং দিমান্দশিং অসিদা থিজিন-হুমজিন্নবা অমসুং মখোয়না সেক্তর অসিদা শরুক য়ানবা ফোঙদোকখি। নেস্নেল কম্মিসন ওফ ইন্দিয়ন সিস্তেম ওফ মেদিসিন্স অমসুং নেস্নেল কম্মিসন ওফ হোমিয়োপেথী অসি সেসন অসিদা পার্লিয়ামেন্তনা লিংখৎখি অমসুং নেস্নেল এজুকেসন পোলিসী অসিনসু ইন্তিগ্রেতেদ এপ্রোচ অমা হৌদোকখি। পোলিসী অসিগী মপুং ওইবা ৱাখল্লোন্দি আয়ুর্বেদিক এজুকেসন্দা এলোপেথিক প্রেক্তিস তৌবগী লৌশিং শোইদনা লৈহনবা অসিনি।

প্রধান মন্ত্রীনা হায়খি কোরোনাগী মতম অসিগী মনুংদা আয়ুর্বেদিক প্রদক্তশিং অসি মালেম শিনবা থুংনা পাম্নবা হেনগৎলকখি। মহাক্না হায়খি হৌখিবা চহিগা চাংদম্নবদা চহি অসিগী সেপ্তেম্বরদা আয়ুর্বেদিক প্রদক্তশিং এক্সপোর্ত তৌবা অসি চাদা ৪৫রোম হেনগৎখি। মহাক্না মখা তারদুনা হায়খি ইম্ম্যুনিতী কনখৎহল্লি হায়না লৌনরিবা য়াইঙং, শিং অসিগুম্বা স্পাইস মখল অসি এক্সপোর্ত তৌবদা শীংথানীংঙাই ওইনা হেনগৎখি মসিনা আয়ুর্বেদিক সোলুসনশিং অমসুং ভারতকী স্পাইসশিং অসিদা মালেমনা থাজবা খঙহেন হেনগৎলে হায়বা উৎখি। মহাক্না হায়খি হৌজিক লৈবাক কয়াদা য়াইঙংগা মরী লৈনবা অখন্নবা দ্রিঙ্কশিং হেনগৎলক্লি অমসুং মালেমগী মমিং লৈরবা মেদিকেল জর্নেলশিং অসিনা আয়ুর্বেদতা অনৌবা আশা থম্বাসু উবা ফংলি। মহাক্না হায়খি কোরোনাগী মতম অসিদা মীৎয়েং চংলিবা অসি আয়ুর্বেদ খক্তা শীজিন্নবা খক নত্তনা লৈবাক অসিদা অমদি মালেমদা আয়ুশকা মরী লৈনবা এদভান্স রিসর্চতসু মীৎয়েং চংখি।

ঙসি প্রধান মন্ত্রীনা হায়খি অমরোমদা ভারতনা ভেক্সিনশিং তেস্ত তৌরি অদুগা নাকল অমদনা কোবিদ লান্থেংনবদা আয়ুর্বেদিক রিসর্চতসু মালেমগা খুৎশম্নদুনা চৎমিন্না হেনগৎলক্লি। মহাক্না হায়খি মতম অসিদা দিল্লীগী ওল ইন্দিয়া ইন্সতিত্যুত ওফ আয়ুর্বেদ য়াওনা মফম কয়াদা রিসর্চ কয়া চত্থরি মসিনা দিল্লী পুলিস পর্সনেল লিশিং ৮০দা ইম্ম্যুনিতীগা মরী লৈনবা রিসর্চ পাঙথোকখি।  মসি মালেমগী ওইনা খ্বাইদগী চাউবা গ্রুপ স্তদী অমনি অমসুং মখোয়গী ফলশিং অসিসু কান্নবা ওইরি। লাক্কদৌরিবা নুমিৎ খরা অসিদা মালেমগী ওইবা ত্রাইএল খরা হৌরগনি হায়না মহাক্না মখা তাখি।

প্রধান মন্ত্রীনা হায়খি ইম্ম্যুনিতী কনখৎহনবা আয়ুর্বেদিক্কী ওইবা হিদাক-লাংথকশিং, পাম্বী লোইননা মচি ওইনা চীঞ্জাকশিংদা ঙসি মরু ওইনা মীৎয়েং চংলি। মহাক্না হায়খি ঙসি লৌমীশিংদা গঙ্গা তুরেল তোর্বানদা অমসুং হিমালয়গী রিজনশিংদা কোর্স গ্রেনশিং লোইননা ওর্গনানিক প্রদক্তশিং পুথোকপা হেনগৎনবা থৌগৎলি। মহাক্না মখা তাদুনা হায় আয়ুশ মন্ত্রালয়না মালেম অসি হকচাং ফানা লৈবা হেনগৎনবা ভারতনা কম্প্রিহেনসিব প্লান অমা পাইখৎলি, ঐখোয়গী এক্সপোর্ত অসি হেনগৎহনগদবনি অমসুং ঐখোয়গী লৌমশিংগী ইনকম অসিসু হেনগৎহনগদবনি। মহাক্না হায়খি কোবিদকী লাইচৎ অসিনা হৌখিবা মতুংদগী অশ্বগন্ধা, গিলোই, তুল্সি অসিনচিবা আয়ুর্বেদিক্কী পম্বীশিংগী মমলশিং হেনগৎলকখি। হৌখিবা চহিগা চাংদম্নবদা অশ্বগন্ধাগী মমল অসি শরুক অনি হেনগৎখি অমসুং পাম্বী অসি থারিবা লৌমশীংদা হকথেংননা কান্নবা অসি য়ৌরি।

প্রধান মন্ত্রীনা লৌউ-শিংউ মন্ত্রালয় অমসুং আয়ুশ মন্ত্রালয় নত্ত্রগা অতোপ্পা বিভাগশিংনা ভারত্তা ফংবা অতোপ্পা পাম্বীশিংগী কান্নবশিং অসিগী এৱের্নেস পীবা হেনগৎনবা পুন্না থবক পাইখৎনবা খঙহনখি। মহাক্না হায়খি আয়ুর্বেদকা মরী লৈনবা অপুনবা ইকোসিস্তেম অসি চাউখৎহনবনা লৈবাক অসিদা হকশেল অমসুং হকচাং ফনা থম্বগা মরী লৈনবা তুরিজম খুমাং চাউশিনহনবা ঙমগনি। মহাক্না হায়খি ঙসি জামনগর অমসুং জাইপুরদা শঙ্গাখিবা ইন্সতিত্যুসন অনি অসিনা মাইকৈ অসিদা কান্নবা পুরকপা ওইরসনু হায়না য়াইফ পাউজেল পীখি।

আই.তি.আর.এ., জামনগর: হন্দক্তা পার্লিয়ামেন্তগী এক্ত অমগী খুত্থাংদা লিংখৎখিবা, ইন্সতিত্যুত  ওফ তীচিং এন্দ রিসর্চ ইন আয়ুর্বেদ (আই.তি.আর.এ.) অসি মালেমগী থাককী হেল্থকিয়র ইন্সতিত্যুসন অমা ওইনা ওইন্নবা হোৎনরি। আই.তি.আর.এ.দা বিভাগ১২, ক্লিনিকেল লেবোরেতরী অহুম অমসুং রিসর্চ লেবোরেতরী অহুম লৈ। মসি ত্রেদিস্নেল মেদিসিনদা রিসর্চ তৌবদা মাংজিল থারিবা অমনি অমসুং হৌজিক্কী ওইনা রিসর্চ প্রোজেক্ত ৩৩ পাঙথোক্লি। আই.তি.আর.এ. অসি গুজরাত আয়ুর্বেদ য়ুনিচর্সিতী কেম্পস, জামনগরসা আয়ুর্বেদ ইন্সতিত্যুত মরী পুনশিল্লগা শেমখিবনি। মসি ইন্সতিত্যুসন ওফ নেস্নেল ইম্পোর্তেন্স (আই.এন.আই.) স্তেতস ফংবা আয়ুশ সেক্তগী অহানবা ইন্সতিত্যুত অমনি। অপগ্রেদ তৌরবাস্তেসন অসিগা লোইননা আই.তি.আর.এ.না আয়ুর্বেদ এজুকেসনগী থাক অসি অপগ্রেদ তৌবগী ওতোমোমী লৈরগনি মরমদি মসিনা মতমগা চুনবা অমদি মালেমগী থাকশিংগী মতুং ইন্না কোর্সশিং ফংহল্লগনি। মখা তানা মসিনা আয়ুর্বেদতা মতম অসিগা চান্নবা ইথিল পীনবা ইন্তরদিস্সিপ্লিনরী চুংশিন্নরগনি।

এন,আই.এ. জাইপুর: লৈবাক শিনবা থুংনা মমিং লৈরবা আয়ুর্বেদ ইন্সতিত্যুত অমা ওইরিবা, এন.আই.এ. অসি দীম তু বি য়ুনিভর্সিতী (দি নোভো কেতগোরী) স্তেতস ফংলে। চহি ১৭৫ শুরবা এন.আই.এ. অসিনা হৌখিবা দিকেস খরা অসিদা ওথেন্তিক আয়ুর্বে য়োকখৎপা, খুমাং চাউশিনহনবা অমসুং চাউখৎহনবা শীংথানীংঙাই ওইনা তৌখি। হৌজিক্কী ওইনা এন.আই.এ.দা তোঙান তোঙানবা দিপার্মেন্ত ১৪ লৈ। ইন্সতিত্যুত অসিগী ২০১৯-২০গী মনুংদা মহৈরোয় লৌবগী মশিং অসি ৯৫৫ ওইবা অমসুং ফেকল্তী ৭৫ ওইদুনা মহৈরোয়গা ওজাগী রেসিয়ো অসি য়াম্না ফৈ। সর্তিফিকেৎতগী দোক্তরেৎকী থাক ফাওবগী মখল কয়াগী আয়ুর্বেদগী কোর্স কয়া হাংলি। হৌজিক্কী ওইনা এন.আই.এ.দা খ্বাইদগী নৌবা লেবকী খুদোংচাবশিং লৈরি, এন.আই.এ. অসি রিসর্চকী থবক থৌরমশিংদা মাংজিল থারি। হোজিক্কী ওইনা তোঙান তোঙানবা রিসর্চ প্রোজেক্ত ৫৪ পাঙথোক্লি। দীম তু বি য়ুনিভর্সিতী (দি নোভো কেতগোরী) ফংবগা লোইনননা নেস্নেল ইন্সতিত্যুত অসিনা তর্সরী হেল্থ কিয়র, এজুকেসন অমসুং রিসর্চতা অৱাংবা থাকশিং য়ৌবা ঙম্নবা পান্দম থম্লি।

*****