ভারতকী প্রধানমন্ত্রী

খুরুমজরি! মন্ত্রীমন্দল ঐহাক্কা অসিদা লৈবিরিবা থবক তৌমিন্নরিবা শ্রী রমেশ পোখরিয়াল নিশঙ্কজী, শ্রী সঞ্জয় ধোত্রেজী, নেস্নেল এজুকেসন পোলিসী-লৈবাক্কী মহৈ তম্বগী থৌশীল অসিদা য়াম্না মরু ওইবা থৌদাং লৌবিরিবা লৈবাক অসিগী শক্নাইরবা বৈজ্ঞানিক দা. কস্তুরী গঙ্গনজী অমসুং মহাক্কী তীম, মীফম অসিদা শরুক য়াবিরিবা ভাইস-চাঞ্চেলরশিং, অতৈ এদজুকেসনিস্তেশিং, অখঙ-অহৈ পুম্নমকপু হন্না খুরুমজরি।

নেস্নেল এজুকেসন পোলিসী-লৈবাক অসিগী মহৈ তম্বগী থৌশিলগী ঙসিগী থৌরমসি য়াম্না মরু ওই। কনক্লেবসিদগী ভারতকী মহৈ তম্বগী তাইবংঅসিদা নেস্নেল এজুকেসন পোলিসী-লৈবাক অসিগী মহৈ তম্বগী থৌশিলগী তোঙান-তোঙানবা ৱাফমশিংগী মতাংদা মরিক চুম্বা ই-পাউ ফংগনি।

অদুক্কী মতিক মরিক চু্ম্লিবমখৈ লৈবাকসিগী মহৈ তম্বগী থৌশীলসি চৎনহনবদা লাইগনি।

চহি ৩-৪গী পাক-চাওনা ৱা খন্নরবা তুংদা ৱাফম লাক্ষ কয়া নৈনরবা তুংদা লৈবাক্কী মহৈ তম্বগী থৌশীল অসি য়ান্নখিবনি। ঙসি লৈবাক শিন-থুংনা মসিগী মরমদা ঙাংনরি। তোঙানবা মফমশিংদা, তোঙানবা ৱাখল্লোনগী মীশিংনা, মাগী-মাগী ওইবা পুক্নিংগী ৱাফমশিং থম্নরি, লৈবাক্কী মহৈ তম্বগী থৌশীল অসি রিভ্যু তৌনরি।

মসি অকনবা দিবেৎ অমনি, অদুক্কী মতিক য়েৎনরিবমখৈ অদুক্কী মতিক লৈবাক অসিগী মহৈ তম্বগী সিস্তেমদা কান্নহনগনি। লৈবাক্কী মহৈ-তম্বগী থৌশীল অসি লাকপদগী মফম অমদগী, কাংলুপ অমদগী চয়েৎনবগী নত্রগা নাকল অমরোমদা ওল্লে হায়বগী ৱাফম লাক্ত্রিবসি থোইদোক্না হরাওনীংঙাইনি। মসি চহি কয়াদগী চৎনরক্লিবা এজুকেসন সিস্তেম অসিদা অহোংবা পুরকপা পাম্নখিবা অদু ঙসি উবা ফংলে হায়বা তাক্নবগী ইন্দিকেতর অমসুনি।

মী খরগী পুক্নিংদা অসুক চাওবা অওনবসি চেশিংদা তৌনখ্রিবা অসিনা থবক্তা করম্না ওন্থোরক্কদগে হায়বা ৱাহংসি খল্লমগনি। হায়বদি ময়াম পুম্বনা মসি চৎনহনবরোমদা খন্নরমগনি। মসিগী শিংনবা অসিগী য়েংলগা খরা ফগৎহনবগী মথৌ তাখিবা সিস্তেমশিং অসি শেম্ননবা অদু ঐখোয় ময়াম পুন্না তৌমিন্নগদবনি। অদোম পুম্নমক লৈবাক্কী মহৈ-তম্বগী থৌশীলসি চৎনহনবসিগা শম্নবনা অদোমগী থৌদাংসু মরু ওই। পোলিতিকেলগী পাংথোক্কদবা ৱাফমগী ওইনদি ঐহাক্না চপ চানা তৌগনি, ঐহাক অদোমগীদমক্তা লৈরি।

মরূপশিং,

লৈবাক খুদিংমক্না মহৈ তম্বগী সিস্তেম অসি নেস্নেল ভেল্যুশিংগা মরি লৈনহল্লদুনা মাগী লৈবাক্কী ওইনা তৌগদবা পান্দমশিংগী মতুং ইন্না অওনবা পুরক্তুনা তৌনরি।

মসিগী পান্দম ওইগদবসি লৈবাকসিগী মহৈ তম্বগী থৌশীলদা, মহাক্কী হৌজিক্কী অমসুং তুংদা লাক্কদৌরিবা মীরোলশিংবু তুংগীদমক্তা থৌরাং শেমদুনা থম্বনি, তুংগীদমক্তা থৌরাং শেমদুনা থমসি। ভারতকী নেস্নেল এদজুকেস্নেল পোলিসী– লৈবাক্কী মহৈ-তম্বগী থৌশীলগী য়ুম্ফমসু মসিগী ৱাখল্লোনসিনি।

লৈবাক্কী মহৈ তম্বগী থৌশীল, ভারতকী ২১শুবা চহি চাগী অনৌবা ভারতকী ফাউন্দেসন শেম্লগনি। ভারতকী ২১শুবা চহি চাদা ঐখোয়গী নহা ওইরিবশিংগীদমক্ত ওইহনগদবা এজুকেসন, ওইহনগদলা স্কীলশিং, লৈবাক্কী মহৈ তম্বগী থৌশীলনা ফোকস তৌরিবসি মসিদনি।

ভারত অসি শক্তি লৈহন্নবগীদমক্ত পন্দোন লোম্না অনৌবা মওংদা চাওখৎহন্নবগীদমক্তা ভারতকী নাগরিকশিং অসি হেন্না পাঙ্গল লৈহন্নবা অহেন-অহেনবা খুদোংচাবশিং ফংহন্নবগীদমক্তা মসিগী এদজুকেস পোলিসী অসিগা মরু ওইনা শমজিন্নখিবনি। নর্সরীদবু ওইরো, কোলেজদবু ওইরো ভারতকী মহৈরোইশিং অসি সাইন্তিফিক ওইনা মহৈ তমহল্লগদি, য়াংনা হোংলক্লিবা মতম অসিগী মতুং ইন্না তম্লগদিল নেসন বিল্দিংদসু য়াম্না নীংথিনা থৌদাং লৌবা ঙম্লগনি।

মরূপশিং,

হৌখিবা চহিশিংদা ঐখোয়গী এজুকেসন সিস্তেমদা চাওনা অহোংবা অমা লাকখি। ঐখোয়গী খুন্নাইগী খঙনীং-হৈনীংবা অমসুং ৱাখল শাগৎপা ঙম্বা অসিবু শৌগৎপগী মহুত্তা য়াওগী খোংথাংবু শৌগৎপিরকখিবা ওইনা মহৈ ফংখি। কনাগুম্বনা দোক্তর ওইনবা হিদান্নখি, কনাগুম্বনা ইঞ্জিনীয়র ওইনবা হিদান্নখি, কনাগুম্বনা উকীল ওইনবা হিদান্নখি। থৱায় য়াওবা, তৌবা ঙম্বা অমসুং দিমান্দ অসি মেপ্পিং তৌননবা হিদান্নদনা এজুকেসন অসি নান্থোকহল্লকপগী মথৌ তাখি। ঐখোয়গী মহৈরোইশিংদা, ঐখোয়গী নহা ওইরিবশিংদা হকচিনবা অমসুং ইনৌ-নৌবা থবক তৌবা ঙম্বা অসি ঐখোয়গী এজুকেসন সিস্তেম অসিদা পুক্নিংগী ইহুল য়াওদ্রিবফাওবা, এজুকেসনগী ফিলোজোফী লৈত্রিবফাওবা, এজুকেসনগী মরম লৈত্রিবফাওবা করম্না ওইহনবা ঙমগদৌরিবনো।

মরূপশিং,

ঙসিসি গুরু রবিন্দ্রনাথ তেগোরনা থুপখিবগী নুমিৎসুনি। মহাক্না হায়বিরম্মি- -“খ্বাইদগী অথোইবা এজুকেসন অসি শুপ্নতগী ই-পাউখক্তা পীবদা নত্তনা ঐখোয়গী পুন্সিগী অসি লৈরিবশিং অসিগা ৱাখল চান্ননা লৈমিন্নহনবদুনি ।”

লৈবাক্কী মহৈ-তম্বগী থৌশীল অসি চপ চানা মসিগী অথোইবা পান্দমসিগা মরি লৈনৈ। মসিগীদমক্তা মচোই-মচোই ওইনা খনবগী মহুত্তা হোলিস্তিক ওইবা মওংগী মথৌ তাখিবা অদু মমাংদা থম্লবদা লৈবাক্কী মহৈ তম্বগী থৌশীল অসি মায় পাক্লি।

মরূপশিং, ঙসি ঐখোয়গী লৈবাক্কী মহৈ তম্বগী থৌশীল অসি মপুং উবা ফংবগী মওংদা লাক্লবসিদা ঐহাক্না হৌরকপদা মতমদা লৈখিবা মদুঙৈগী মতম অমসুং ৱাহংশিং অদুগী মতাংদসু অদোমদা হায়জগে। মতম অদুদা লৈখিবা খ্বাইদগী চাওবা ৱাহংদি ঐখোয়গী এজুকেসন সিস্তেম অসিনা ঐখোয়গী নহা ওইরিবশিংদা ক্রিএতিব, ক্যুরোসিতী অমসুং কম্মিৎমেন্ত দ্রাইভন ওইবা পুন্সি ওইনা ইনোৎ হাপ্পা ঙমগদরা হায়বসিনি। অদোম ময়াম পুম্বা মসিগী লম অসিদা চহি কয়াদগী লৈবিরক্লবনি। মসিগী পাউখুম অদুঅদোম্না হেন্না খঙবিরম্লগনি। মরূপশিং, ঐখোয়গী ইমাংদা অনিশুবা ৱাহং ওইখিবা অদুদি ঐখোয়গী এজুকেসন সিস্তেম, ঐখোয়গী নহা ওইরিবশিংবু ফগৎহনবা, লৈবাক অসিবু শক্তি লৈরবা খুন্নাই ওইহনবদা মতেং ওইগদ্রা হায়বসিনি। অদোম পুম্নমক্না মসিগী ৱাহংশিং অসিসু খঙবিরম্লগনি।

মরূপশিং,

নেস্নেল এজুকেসন পোলিসী-লৈবাক্কী মহৈ তম্বগী থৌশীল অসি শেমখিবা মতমদা ৱাহংশিং অসি লুনা খন্নখিবা অসিদা ঐহাক অপেনবা ফাওই। ।মরূপশিং, হোংলক্লিবা মতমসিগা লোয়ননা অনৌবা মালেমগী সিস্তেম অমা লৈগদৌরে। অনৌবা গ্লোবেল স্তেন্দর্দসু লেপ্নরগনি। মসিগী মতুং ইন্না মসিগী ওইনা ভারতকী এজুকেসন সিস্তেমসি মশানা হোংজরকহনবা হায়বা অসিসু য়াম্না মরু ওইখি।

স্কুলগী করিকুলমগী 10+2গী মওং অসি ফগৎহন্দুনা হৌজিক 5+3+3+4গী করিকুলমগী মওং ওইহন্নবরোমদা চংশিনবা খোংথাংনি। ঐখোয়না ঐখোয়গী মহৈরোইশিংবু গ্লোবেল সিতিজেনসু ওইহনবগা মসিসু খনগদবনি মদুদি গ্লোবেল সিতিজেন অমা ওইবগা লোয়ননা মাগী হৌরকফমশিংসু শমজিন্ননা লৈহনগদবনি। হৌরকফমদগী তাইবংপালফাওবা, অদামদগী মীওইবফাওবা, হৌখিবদগী অনৌবা মতমফাওবা, পোইন্ত খুদিংমক পুনশিন্নদুনা মসিগী লৈবাক্কী মহৈ তম্বগী থৌশীলগী মওং অসি লেপখিবনি।

মরূপশিং, মসিগী ৱাফম অসিদা কনানসু য়েৎপা ঙম্লোই মদুদি অঙাংশিংদা য়ুমদা ঙাংনরিবা লোল অমসুং স্কুলশিংদা লাইরিক তম্নবগী লোল অসি অমত্তা ওইহনবদা অঙাংশিংনা মহৈ তম্বা অসি য়াংই। মসিগী য়াম্না অচৌবা মরমদি মসিনা মরম ওইরগা ক্লাস 5 ফাওবা মহাক্কী মমালোন্দা মহৈ তমহনবগী অয়াবা পীখ্রে। মসিদগী অঙাংশিংনা মখোং শেংনা তম্লগনি অদুগা মখা তমথবদসু মাগী য়ুম্ফম অদু হেন্না ফরগনি। মরূপশিং, হৌজিক ফাওবদা ঐখোয়গী এজুকেসন সিস্তেমসিদা করি খনগদগে হায়বসিদা ফোকস তৌরি।

মদুবু মসিগী মহৈ তম্বগী থৌশীলদা মতৌ করম্না খনগনি হায়বসিদা মীৎয়েং থম্লি। ঐহাক্না মসি হায়রিবসিগী মরমদি হৌজিক ঐখোয়না লৈরিবা মতমসিদা ই-পাউ অমসুং কন্তেন্তকী অৱাৎপা অমত্তা লৈত্রে। মখল অমগী ইচাও লাক্লি, মখল খুদিংমক্কী ই-পাউ অদু মোবাইলদা ফংলি। মরু ওইরিবদি করম্বা ই-পাউ লৌগদগে, করম্বা পাগনি হায়বসিনি। মসিগী ৱাফম অসিমক খল্লগা লৈবাক্কী মহৈ তম্বগী থৌশীল অসি অশাং-অশাবা সেলেবস ওইরম্বা, লাইরিক ময়াম অমা ওইরম্বা অদু হন্থহন্নবা হোৎনখি। হৌজিক হোৎনরিবসি অঙাংশিংদা তম্নবগীদমক্তা ইনক্বারীদা য়ুম্ফম ওইবা, দিসকোভরীদা য়ুম্ফম ওইবা, খন্নবদা য়ুম্ফম ওইবা অমসুং এনালাইসিসতা য়ুম্ফম ওইবা মওংশিংদা মীৎয়েং থম্লগনি।

মসিনা অঙাংশিংদা মহৈ তম্নিংবা হেনগৎহনগনি অমসুং মখোয়শিং অদু ক্লাসতা শরুক য়াহনবদসু ফগৎহনগনি।

মরূপশিং, মহৈরোই খুদিংমক্না মাগী পুক্নিংনা পামজবা অদুগী মতুং ইন্না তৌবা ঙম্বগী তাঞ্জা অদু ফংহনগদবনি। মহাক্না মাগী খুদোংচাবা অমসুং মথৌ তাবশিংগী মতুং ইন্না দিগ্রী নত্রগা কোর্স অদুগী মতুং ইনবা ঙম্নবা অমদি অদুগা থাদোক্নিংলবসু থাদোকপা য়ানবগী খুদোংচাবা অদু লৈহনগদবনি। কোর্স অমা তৌরুরবা মতুংদা থবক ফংজিল্লকপদা মহাক্না তম্লিবা অদু মহাক্কী থবক অদুদা মথৌ তাদে হায়না খঙলকপদা থবক্তা মথৌ তারিবা অদু তৌবা ঙমদবা কয়া য়াওই। মহৈরোই কয়াগী তোঙান-তোঙানবা মরমদগী কোর্স অদু থাদোক্তুনা থবক তৌবা তাখি। অসিগুম্বা মহৈরোইশিংগী মথৌ তাবশিং অসি য়েংলগা মল্তিপল এন্ত্রী-একজিৎকী ওপ্সন অসি পীরে। হৌজিক্তি মহৈরোইশিংনা মখোয়গী কোর্সশিং অদুগা মরি লৈনরগা থবক্তা মথৌ তাবদুগী মতুং ইন্না লাইরিক তম্বা য়ারে, লর্ন তৌবা য়ারে। মসিগী অতোপ্পা এসপেক্ত অমসু লৈ।

হৌজিক্তি মহৈরোইশিংনা কোর্স অমা মরক্তা তাদোক্লগা চৎলবসু তৌনীংলবদি অতোপ্পা কোর্স অমদা তম্বা য়াবগী মনীং তম্বা অদু লৈরে। মসিগীদমক্তা মহাক্না অহানবগী কোর্স অদু অরেপ্পা মতম অমদা ব্রেক লৌদুনা অতোপ্পা কোর্স অমদা চংবা য়ারে। হায়র এজুকেসনগী স্ত্রীমশিং ফ্রী ওইহনবা, মল্তিপল এন্ত্রী অমসুং একজিত, ক্রেদিত বেঙ্ককী মরুমদা মসিগী ৱাখল্লোনসি লৈ।

ঐখোয় হৌজিক মী অমগী পুন্সি অসি শিনফম অমদখক্তা লৈররোইদবা য়ুগলোমদা চংশিল্লবনি। অহোংবা শোইদনা লৈরগনি হায়বসি খল্লগা হিংবিয়ু। মসিগীদমক্তা লেপ্পা লৈতনা ইশানা ইশাবু রি-স্কীল অমসুং অপ-স্কীল তৌদুনা লৈবা তাবনি। নেস্নেল এজুকেসন পোলিসী-লৈবাক্কী মহৈ তম্বগী থৌশীল শেম্বদা মসিগী ৱাফম অসিগীসু খনখি।

মরূপশিং, লৈবাক অমা চাওখৎপদা অচৌবা থৌদাং অমা লৈরি-খুন্নাইগী মীওই কাংলুপ খুদিংমক্না পরুকচেল চাওবা, মহাক্কী দিগ্নিতী। খুন্নাইগী মীওই অমনা থবক অমা তৌবদা হন্থবা অমত্তা লৈতে। ভারতকুম্লবা নাৎ কয়ানা মরাং কায়না লৈরিবা ভারত অসিদা ফত্তবা হায়বদু কদাইদগী লাক্লিবনো হায়বসি খনগদবনি। অৱাং-অনেমগী ৱাখল্লোন, শু-নোমদুনা হিংলিবশিংগী মফমদা ফত্তবা মীৎয়েংনা য়েংবগী ৱাখল্লোন অসি ঐখোয়দা করম্না লৈরকখিবনো। মসিগী অচৌবা মরমদি ঐখোয়গী এজুকেসনগী তাইবং অসি কাংলুপ অসিগা শম্নদবদগীনি। খুঙ্গংদা চৎপা মতমদা লৌমীশিং, লেবরশিং, শিন্মীশিং থবক তৌদুনা লৈবা উবা মতমদা মখোয়গী মতাংদা খঙবা ঙমগনি মদুদি মখোয়না চাওরবা থৌদাং লৌরিবগে, খুন্নাই অসিগী মথৌ তাবশিং অদু ফংহন্নবগীদমক্তা মখোয়গী পুন্সি মরেল অদু লেনবগে হায়বা খঙগনি। মখোয়গী হোৎনজমন অদু অদুবু ইকাই খুম্নবা অসি ঐখোয়গী মীরোল অসিনা তমগদবনি। মরম অসিনা লৈবাক্কী মহৈ তম্বগী থৌশীলদা মহৈরোইশিংগী অদজুকেসন অমসুং লেবরগী দিগ্নিতী অসিদসু য়াম্না য়েংখি।

মরূপশিং, ২১শুবা চহি চা অসিদা লৈবাক পুম্বনা ভারত্তগী তৌরক্কনি হায়না থাজবা কয়া থম্লি। ভারতনা মালেমসিদা সোলুসন পীবা ঙম্বা তেলেন্ত অমদি তেক্নোলোজী পীবা ঙম্মি। ভারতকী থৌদাং অসিদসু ঐখোয়গী এজুকেসন পোলিসী অসি ফোংদোক্লি। লৈবাক্কী মহৈ তম্বগী থৌশীলদা সোলুসনশিং পুথোকখি, মদুদগী ফ্যুরিস্তিক তেক্নোলোজীগীদা মাইন্দসেত অমা থোরক্নবগী ৱাখল পোকহল্লি। হৌজিক তেকেনোলোদজীনা ঐখোয়বু য়াম্না য়াংনা অমসুং য়াম্না নীংথিনা, শেল য়াম্না চংদনা, খুন্নাই অসিগী অরোইবা মতোন্দা লেপ্লিবা মহৈরোইশিংফাওবা ফাওবা য়ৌনবগী পাম্বৈ অমা ফংহল্লে। ঐখোয়না মসি হেন্না-হেন্না শিজিন্নগদবনি।

মসিগী এজুকেসনগী পোলিসীগী তেক্নোলোজীদা য়ুম্ফম ওইবা কন্তেন্ত অমসুং কোর্স শেমগৎনবা মতেং য়াম্না ফংগনি। বেসিক কম্প্যুতিংদা ফগৎহমবা ওইরো, কোদিংদা ফোকস তৌগদবা ওইরো নত্রগা রিসর্চতা হেন্না কন্না মীৎয়েং থম্বা ওইরো মসিনা এজুকেসন সিস্তেমখক্তা নত্তনা খুন্নাই পুম্বগী এপ্রোচ অসি হোংহন্নবগী মরম ওইবা য়াই। ভর্চুএল লেবকুম্বা ৱাখল্লোন অসিনা লেবদা চাংয়েং তৌবা সবজেক্তশিং তম্বা ঙম্নরমদবা মরূপ লাক্ষ কয়াদা অফবা মহৈ-মশিং তম্নবগী মংলান অদু পুরগনি। নেস্নেল এজুকেসন পোলিসী– লৈবাক্কী মহৈ তম্বগী থৌশীল অসিনা ঐকোয়গী রিসর্চ অমসুং এজুকেসনগী মরক্তা লৈরিবা গেপ অসি লৈহন্দনবা মরুওইবা থৌদাং লৌগনি।

মরূপশিংহৌজিক ইন্সতিত্যুসনশিং অমসুং ইনফ্রাস্ত্রকচরশিংদসু অওনবা, থক্তোরকপা লৈরগনি, মতমদুদা লৈবাক্কী মহৈ-তম্বগী থৌশীল অসি হেন্না ইথীল পীরগনি অমসুং য়াংনা চৎনহনবা ঙম্লগনি। ঙসিগী মতম অসিনা ইনোভেসন অমসুং এদাপ্তেসনগী ভেল্যু অসি খুন্নাই অসিদা শেমগৎপা পাম্বা অসি ঐখোয়গী লৈবাক অসিগী ইন্সতিত্যুসনশিংদগী তৌবা হৌহন্দুনা মসিবু লমজিংবিগদবা অসি অদোমগী নাক্তা লৈবিরে। ঐখোয়না এজুকেসন অমসুং মরু ওইনা হায়র এজুকেসন অসি শক্তি লৈবা খুন্নাই অসি শেম্বা ঙম্বা ওইনা লৈহনবা পাম্লবদি মসিগীদমক্তা হায়র এজুকেসনগী ইন্সতিত্যুসনশিংবুসু ফগৎহনবগী মথৌ তাই। অমসুং ঐহাক্না খঙই, ইন্সতিত্যুসন অসি ফগৎহনবগী ৱাফম অসি লাকপা মতমদা ৱাফম অমসু লাকই-ওতোনোমী। অদোম পুম্নমক্নসু খঙবিরম্লগনি ওতোনোমী অসিগী ওইনা মখল অনি ৱাখল্লোন লিরি। পুম্নমক সরকারনা পাংথোকহনগদবনি, য়ান্না চেকশিন্না পাংথোকহনগদবনি হায়না অমনা হায় অদুগা অতোপ্পা অমনা ইন্সতিত্যুসনশিং অসি বাই দিফোল্ত ওতোনোমী ফংহনগদবনি হায়না হায়। হানবা এপ্রোচতা নন-গবর্নমেন্তকী ইন্সতিত্যুসনশিংদা থাজদবা উবদা অতোপ্পা এপ্রোচতা ওতোনোমী অসি এন্তাইতলমেন্তকী মওংদা লৌই। অফবা মহৈ-মশিংগী লম্বি অসি ৱাখল অনিসিগী মরক্তা লৈরে। অফবা এজুকেসনগী ইন্সতিত্যুসনগীদমক্তা হেন্না থবক তৌসি, মসিদা নীং তম্বা অমসুং মনা পীগদবনি। মসিদগী অফবা অসি হেনগৎহনগনি অমসুং পুম্নমক্তা থৌনা হাপ্তুনা চাওখৎহন্নবগীদমক্তা ইন্সেন্তিবসু ফংগনি: নেস্নেল এজুকেসন পোলিসী-লৈবাক্কী মহৈ তম্বগী থৌশীল অসি লাক্ত্রিঙৈগী মমাংদা হন্দক্কী চহিসিদা ঐখোয়গী সরকারনা ইন্সতিত্যুসন কয়া অসি ওতোনোমী পীনবগী থবক পায়খৎখ্রে। লৈবাক্কী মহৈ তম্বগী থৌশীল অসি হেন্না-হেন্না পাক-চাওথোরক্কনি, এজুকেসনগী ইন্সতিত্যুসনশিং অসিদা ওতোনোমীগী প্রোসেসসু হেন্না য়াংশিল্লগনি।

মরূপশিং, লৈবাক অসিগী হান্নগী রাস্ত্রপতি, অথোইবা বৈজ্ঞানিক, দা.এ.পি.জি.অব্দুল কলাম্না হায়বিরম্মি- –মহৈ তম্বগী মরম অসি হৈথোই-শিংথোইবা অমদি য়াম্না খঙ-হৈবা অফবা মী ওইহন্নবনি। মঙাল নাইনা মীশক অমা ওইনা মী অমবু ওজানা শেম্বা ঙম্বি।

তশেংনা এজুকেসন সিস্তেম অসিদা অহোংবা অসি লৈবাক অসিগী অফবা মহৈরোইশিংনা, অফবা প্রোফেস্নেলশিং অমসুং খ্বাইদগী ফবা নাগরিক অসি পীবা ঙম্লিবা অসি অদোম ওজাশিংনি, প্রোফেসরশিংনি। মহৈ তম্বগী তাইবং অসিগা মরি লৈনরিবা অদোম খুদিংমক্না মসিগী তবক অসি তৌবিরি অমসুং তৌবা ঙম্মি। মরম অসিনা নেস্নেল এজুকেসন পোলিসী-লৈবাক্কী মহৈ তম্বগী থৌশীলদা ওজাশিংগী দিগ্নিতীদসু অথোইবা মীৎয়েং থমখি। ভারতকী লৈরিবা তেলেন্তশিং অসি ভারত্তা লৈরগা লাক্কদৌরিবা মীরোল অসি ফগৎহনবা ঙমহন্নবসু হোৎনরি। লৈবাক্কী মহৈ তম্বগী থৌশীলদা তিচর্স ত্রেনীং অসিদা অকনবা মীৎয়েং থমখিবা অসি মাগী-মাগী স্কীলশিং অসি লেপ্তনা অপদেত তৌরগা লৈহনবা অসিদা অকনবা মীৎয়েং থমখি। ঐহাক্না থাজৈ, ওজানা হৈবদা লৈবাক অমা লমজিংই।

মরূপশিং, নেস্নেল এদজুকেস্নেল পোলিসী – লৈবাক্কী মহৈ-তম্বগী থৌশীল অসি নীংথিনা পাংথোকহন্নবা ঐখোয় খুদিংমক্না পুন্না ৱাশক অমগা লোয়ননা থবক তৌমিন্নগদবনি।

মফমসিগী য়ুনিভর্সিতীশিং, কোলেজশিং, স্কুল এজুকেসন বোর্দশিং, তোঙান-তোঙানবা স্তেকহোল্দরশিংগা ৱারী শান্নদুনা অমদি তেংবাংনবগী মতম অদু হৌগদৌরে। অদোম মরূপশিংনা হায়র এজুকেসনগী মকোক থোংলিবা ইন্সতিত্যুসনশিংগী মকোক্তা লৈবিবা অসিদা থৌদাংসু চাওই। ঐহাক্না লৈবাক্কী মহৈ তম্বগী থৌশীল অসিদা লেপ্তনা ৱেবিনার তৌদুনা লৈবিনবা, খন্নদুনা লৈবিনবা হায়জরি। পোলিসী অসিগী লাল্লোং শেম্বিয়ু, লাল্লোং অসিগী মতুংদা ৱাফম অসি চৎনহন্নবা রোদমেপ-শেম্বিয়ু. রোদমেপকা লোয়ননা তাইমলাইনশিং শমজিন্নবিয়ু, মসিবু চৎনহ্ন্নবগীদমক্তা রিসোর্সশিং, হ্যুমেন রিসোর্সশিং অসি শমজিন্ননবা য়োজনা শেম্বিয়ু অমসুং মসি পুম্নমক অসি অনৌবা পোলিসী অসিগী মহালদা অদোম্না তৌগদবনি।

লৈবাক্কী মহৈ-তম্বগী থৌশীল অসি সর্কুলরখক্তমক চত্তুনা, নোতিফাই তৌরগা চৎনহল্লোই। মসিগীদমক্তা পুক্নিংনা লেপ্তুনা অকনবা পাংথোক্নিংবা অদু উৎকদবনি। ভারতকী হৌজিক্কী অমসুং তুংদা লাক্কদৌরিবা মতম অসি ফগৎহন্নবগীদমক অদোমগী থবক অসি খ্বাইদগী চাওবা য়ৈগ্যগী মশক্নি। মসিদা অদোমগী তৌদাং অসি য়াম্না মরু ওই, মসিগী কনক্লেব অসি য়েংবিরিবা, তাবিরিবা মীপুম খুদিংমক্কী থৌদাং লৈষ কনক্লেব অসিদা লৈবাক্কী মহৈ তম্বগী থৌশীল অসি নীংথিনা চৎনহন্নবা অফবা ৱাফম, অফবা সোলুসন থোরক্কনি হায়বা থাজৈ অমসুং মরু ওইনা ঐহাক্না ফংলিবা তাঞ্জা অসিগী ওইনা। ময়ামগী ওইবা মওংদা দা. কস্তুরীরঙ্গন অমসুং মহাক্কী তীম অসিবু হন্না হন্না খুরুমজরি, হন্না-হন্না থাগৎচরি।

অদোম পুম্নমকপু অমুক হন্না য়াইফ-পাউজেল পীজরি। হন্ন-হন্না থাগৎচরি!!!