ভারতকী প্রধানমন্ত্রী

ঙসি ভিদিও কনফরেন্সিংগী থোংদা প্রধান মন্ত্রী শ্রী নরেন্দ্রা মোদীনা রেৱা অলত্রা মেগা সোলর পাৱর জতিদা কত্থোকখ্রে। মসি এসিয়াগী খ্বাইদগী চাওবা পাৱর প্রোজেক্ত ওইরি।

থৌরম অসিদা ৱা ঙাংলদুনা প্রধান মন্ত্রীনা হায় রেৱা প্রোজেক্ত অসিনা লমদম পুম্বা অসিবু দিকেদ অসিগী অশেংবা অমসুং অফবা ইনর্জীগী অচৌবা হব অমা ওইহল্লগনি। মসিগীদমক হোৎনবা অসি প্রধান মন্ত্রীনা থাগৎপা ফোঙদোকখি অমসুং মসিনা দিল্লী মেত্রো লোয়ননা রেৱাগী অকোয়বদা লৈরিবা লমদম পুম্নমক্তা পাৱর সপ্লাইসু তৌবা ঙম্লগনি।

মআক্না হায়খি, মধ্য প্রদেশ ভারতকী সোলর ইনর্জীগী মরু ওইবা সেন্তর য়াম্না থুনা ওইরগনি, মরমদি অশিগুম্বা অচৌবা প্রোজেক্তশিং নীমচ, শাজাপুর, ছতরপুর অমসুং ওমকরেশৱরদা থবক পায়খৎলি।

মহাক্না হায়রি মসিদগী খ্বাইদগী চাওনা কান্নবা ফংগদৌরিবা অসি মধ্য প্রদেশকী লাইরবা, মিদল ক্লাস, ত্রাইবেলশিং, লৌমীশিং ওইগনি।

২১শুবা চহিচা অসিদা এস্পিরেস্নেল ইন্দিয়াগী মথৌ তাবা ইনর্জী পীনবা অচৌবা পাম্বৈ অদু সোলর ইনর্জীনা ওইরগনি হায়না প্রধান মন্ত্রীনা ফোঙদোকখি।

মহাক্না সোলর ইনর্জী অসি ‘স্যুর, প্যুর অমসুং সিক্যুর’ ওইবা অমনি হায়না তাকখি। স্যুর ওইবগী মরমদি নুমিৎতগী লেপ্পা লৈতনা ইনর্জী পীরি, মহৌশাদা অকায়বা পীদবগী প্যুর ওই অমসুং সিক্যুর ওই মরমদি মসি ঐখোয়গী মথৌ তাবা ইনর্জী অদু শোক শোইদনা ফংহল্লিবা পাম্বৈ অমনি।

প্রধান মন্ত্রীনা অসিগুম্বা সোলর প্রোজেক্তশিং অসি আত্মা নিরভর ভারত (মরোমদোম লেপচবা ভারত)গী অশেংবা খুদম অমনি।

মহাক্না হায় শেন্মীৎলোন অসি মরোমদোম লেপচনবা অমসুং চাওখৎনবা মরু ওইবা মরম অমা ওই। শেন্মীলোন নত্রগা মহৌশা করম্বদা মীৎয়েং চংগনি হায়বগী তোয়না  থেংনবা অৱাবা অসি পল্লদুনা প্রধান মন্ত্রীনা হায়খি ভারতনা অসিগুম্বা অৱাবশিং অসি সোলর ইনর্জী প্রোজেক্তশিং অমসুং অতোপ্পা মহৌশাদা অকায়বা পীদবা খোংথাংশিংদা মীৎয়েং চংদুনা কোকহল্লি। শ্রী মোদীনা হায় শেন্মীৎলোন অমসুং মহৌশা অসি য়েকনবা নত্তে অদুবু অমগা অমগগী মতেং পাংনবনি।

মহাক্না হায় সরকারগী প্রোগ্রাম পুম্নমক্তা মহৌশা ঙাকশেনবগা লোয়ননা পুন্সি মহিং ফগৎহনবনা মরু ওইনা লৌরি। স্বাচ ভারত, লাইরবা ইমুংশিংদা চাকথোং গ্যাসশিং ফংহনবা, লায়না হিংনবা অমদি পুন্সি মহিং ফগৎনবদা মীৎয়েং থম্বা সি.এন.জি. নেৎৱার্কশিং চাওখৎহনবা অসিগুম্বা প্রোগ্রামশিং অসি মহাক্না পনখি।

প্রধান মন্ত্রীনা হায় অকোয়বা ঙাকশেনবা হায়বা অসি প্রোজেক্ত খরা খক্তনা তৌগদবা নত্তে পুন্সি মহিংগী মওংনা ঙাকশেনগদবনি।

রিন্যুএবল ইনর্জীগী অচৌবা প্রোজেক্ত অসি হৌদোকপা মতমদা হীরম খুদিংদা অশেংবা ইনর্জী পীনবগী মায়কৈদা চংশিনবা  ঙম্নবা হোৎনৈ হায়না পি.এম.না ফোঙদোকখি। সরকারনা মসিগী কান্নবাশিংনা লৈবাক্কী মফম খুদিংমক, খুন্নাইগী শরুক খুদিংমক, প্রজা খুদিংমক্তা ফংহন্নবা হোৎনগনি। এল.ই.দি. বল্বশিং পুথোরকপনা করম্না মৈগী বিল হন্থহনখিবগে হায়বা অদু খুদম ওইনা পীদুনা মহাক্না শন্দোক্না তাকখি। এল.ই.দি. বল্বনা মরম ওইরগা চাওরাক্না কার্বোন দাইওক্সাইদ মিলিয়ন তোন ৪০ ঐখোয়গী ইনভাইরনমেন্তদা চংখিগদবদগী ঙাকথোকপা ঙম্মী। মসিনা মৈ শীজিন্নবগী য়ুনিৎ বিলিয়ন ৬ হন্থহল্লি অমসুং এক্সচেক্করদা লুপা কোতি ২৪,০০০ তুংশিনবা ঙমহনখ্রে হায়না মহাক্নসু ফোঙদোকখি।

ঐখোয়গী ইনভাইরনমেন্ত, ঐখোয়গী নুংশিৎ, ঐখোয়গী ঈশিং অসি শেংনা লৈনবসু সরকারনা হোৎনরি অমসুং মসিগী ৱাখল্লোন অসি সোলর ইনর্জীগী পোলিসি অমসুং ললোংদা উবা ফংঙি হায়না মহাক্না ফোঙদোকখি।

ভারতকী সোলর ইনর্জীগী লমদা থোইদোক হেন্দোকনা চাওখৎলকপনা মালেমগী ওইনা অচৌবা সোর্স অমা ওইরগনি হায়না শ্রী মোদীনা হায়খি। মহাক্না হায় অসিগুম্বা অচৌবা খোংথাংশিং অসিনা মরম ওইরগা ভারত অসি অশেংবা ইনর্জীগী খ্বাইদগী পুক্নিং চিংশিন্নঙৈ ওইবা কৈথেল অমা ওইনা লৌনরি।

প্রধান মন্ত্রীনা হায় ইন্তর্নেস্নল সোলর এলাইন্স (আই.এস.এ.) অসি সোলার ইনর্জীগী তর্মদা মালেম অসি পুনশিন্নবা ৱাখল্লোন্দা হৌদোকখি। মহাক্না হায় মসিগী মরুমদা লৈরিবা ৱাখল্লোন অদুদি ৱান ৱার্ল্দ, ৱান সন, ৱান গ্রিদনি।

প্রধান মন্ত্রীনা মধ্য প্রদেশকী লৌমীশিংনা সরকারগী কুসুম প্রোগ্রাম শীজিন্নগনি অমসুং অহেনবা ইনকমগী হৌরকফম অমা ওইনা মখোয়গী লৌশিংদা সোলার ইনর্জী ইন্সতোল তৌগনি হায়না অচেৎপা থাজবা ফোঙদোকখি।

মহাক্না ভারত অসি অথুবদা পাৱরগী অচৌবা এক্সপোর্তর অমা ওইরকপগী নিংজবা অদু ফোংদোকখি।

প্রধান মন্ত্রীনা হায় ভারতনা ফোতোভোল্তেক সেল্স, বেত্তরি অমসুং স্তোরেজগুম্বা সোলর প্লান্তশিংগী মথৌ তাবা তোঙান তোঙান হার্দৱেয়রশিং পুশিল্লকপদা মীপান তাংবা হন্থনবা মিৎয়েংসু থম্লি।

মহাক্না হায় মায়কৈ অসিদা লেপ্পা লৈতনা থবক পাইখৎলি অমসুং সরকার অসিনা ইন্দস্ত্রী, নহাশিং, এম.এস.এ.ই.শিং অমসুং স্তার্তঅপশিং মসিগী খুদোংচাবা অসি মাংহন্দনবা হোৎনবদা অমসুং সোলার ইনর্জীগী মথৌ তাবা ইনপুৎ খুদিংমক পুথোকপগী অমসুং শেমগৎপগী থবক্তা পুক্নিং থৌগৎলি।

কোবিদ-১৯ লাইচৎনা মরম ওইরগা হৌজিক থেংনরিবা অৱাবা অসি পল্লদুনা প্রধান মন্ত্রীনা হায় সরকার নত্রগা খুনাই অসিগী মরক্তা অমনা অচৌবা শিংনবশিং অসি মায়োক্ননবা মীনুংশি অমসুং চেকশিন্না য়েংশিনবনা খ্বাইদগী চাওবা ইথিল পীরিবশিংনি। মহাক্না হায় লোকদাউন হেক হৌবদগী সরকার অসিনা লৈত-লাইরশিংদা চীঞ্জাক অমসুং থোং থাক্নবা পোৎলমশিং ফংহন্নবা হোৎনরি। মহাক্না হায় চপ মান্নবা থৌনা অসিগা লোয়ননা অনলোকদাউন ফেজ মনুং ফাওবা য়াওনা চহি অসিগী নোভেম্বর ফাওবদা চীঞ্জাক অমসুং এল.পি.জি. লেম্না পীবা অসি মখা চত্থনবা ৱারেপ লৌখ্রে।

মসিখক্তা নত্তনা সরকার অসিনা লনাই সেক্তর এমপ্লোয়ী কোতি কয়াগী ই.পি.এফ. একাউন্তদসু মপুংফানা মতেং পাংলি। মসিগা মান্ননা পি.এম-স্বানিধি স্কিমগী খুত্থাংদা সিস্তেম অসিদা য়ৌবা ঙমদবশিং কান্নবা ফংহনখ্রে।

মধ্য প্রদেশ চাওখৎনবা মীয়াম্না য়ুমদগী মপান থোকপা মতমদা খোংকাপ অনিগী অরাপ্পা ঙাক্না থম্বা, মায়দা মাস্ক অমা উপ্পা অমসুং য়ামদ্রবদা সেকেন্দ ২০ সাপোন্না খুৎ হাম্বা কাংলোনশিং ঙক্না চৎপীয়ু হায়না মহাক্না মখা তাখি।

***