ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର ମନ୍ତ୍ରିମଣ୍ଡଳର ବୈଠକରେ ଉତ୍ତର ପ୍ରଦେଶର କୁଶିନଗରଠାରେ ଥିବା ବିମାନ ବନ୍ଦରକୁ ଆନ୍ତର୍ଜାତିକ ବିମାନ ବନ୍ଦର କରିବା ସଂକ୍ରାନ୍ତ ଏକ ପ୍ରସ୍ତାବ ଅନୁମୋଦନ ଲାଭ କରିଛି ।
ଏହି ବିମାନ ବନ୍ଦରଟି ବିଭିନ୍ନ ବୌଦ୍ଧ ଐତିହ୍ୟ ଓ ସାଂସ୍କୃତିକ ସ୍ଥଳୀ ନିକଟରେ ଅବସ୍ଥିତ । ଏହାର ଆଖପାଖରେ ଶ୍ରାବସ୍ତି, କପିଳବସ୍ତୁ, ଲୁମ୍ବିନୀ ଆଦି ପର୍ଯ୍ୟଟନସ୍ଥଳ ରହିଛି । କୁଶିନଗରରେ ମଧ୍ୟ ବୁଦ୍ଧଙ୍କର ଏକ ସଂସ୍କୃତି ସ୍ଥଳ ଅଛି । ଏହି ବୌଦ୍ଧକୀର୍ତି ଓ ସାଂସ୍କୃତିକ ସ୍ଥଳୀ ଆଦିକୁ ଦେଖିବା ପାଇଁ ଏହି ଅଂଚଳକୁ ଆସୁଥିବା ପର୍ଯ୍ୟଟକମାନଙ୍କ ସୁବିଧା ନିମନ୍ତେ ଏହି ବିମାନବନ୍ଦରକୁ ଆନ୍ତର୍ଜାତିକ ବିମାନ ବନ୍ଦରରେ ପରିଣତ କରାଯିବ । ଏହା ଫଳରେ ଏହି ଅଂଚଳକୁ ଉନ୍ନତ ଯୋଗାଯୋଗ ସୁବିଧା ହୋଇପାରିବ ଏବଂ ବିମାନ ଯାତ୍ରୀମାନେ ସ୍ୱଳ୍ପ ଖର୍ଚ୍ଚରେ ଏଠାରୁ ସିଧାସଳଖ ଯିବାଆସିବା କରିପାରିବେ । ଘରୋଇ ଓ ଆନ୍ତର୍ଜାତିକ ପର୍ଯ୍ୟଟକମାନଙ୍କ ନିମନ୍ତେ ଏହା ବିଶେଷ ସହାୟକ ହେବା ସହ ଏ ଅଂଚଳର ଅର୍ଥନୈତିକ ବିକାଶ ପ୍ରକ୍ରିୟାକୁ ତ୍ୱରାନ୍ୱିତ କରିବ । କୁଶିନଗର ଆନ୍ତର୍ଜାତିକ ସୀମାରେଖା ନିକଟବର୍ତୀ ହୋଇଥିବାରୁ ଭାରତ ପାଇଁ ରଣକୌଶଳ ଦୃଷ୍ଟିରୁ ଏହା ଏକ ଗୁରୁତ୍ୱପୂର୍ଣ୍ଣ ସ୍ଥାନ । ଏହି କ୍ଷୁଦ୍ର ନଗରଟି ଉତ୍ତର ପ୍ରଦେଶର ଉତ୍ତର-ପୂର୍ବ ଭାଗରେ ଗୋରଖପୁରଠାରୁ 50 କିମି ପୂର୍ବକୁ ଅବସ୍ଥିତ । ଏହା ଏକ ଗୁରୁତ୍ୱପୂର୍ଣ୍ଣ ବୌଦ୍ଧ ପର୍ଯ୍ୟଟନସ୍ଥଳୀ ।
**********
Great news for Uttar Pradesh, tourism and those inspired by the noble thoughts of Lord Buddha!
— Narendra Modi (@narendramodi) June 24, 2020
Kushinagar Airport will now be an international airport. Connectivity will improve significantly. More tourists and pilgrims will also mean better opportunities for local population.
