ভারতকী প্রধানমন্ত্রী

অসমগী তিনসুকিয়া জিলাদা ওইল ইন্দিয়া লিমিতেৎকী থাওগী গুহা কামথোরকপা অমসুং থাওগী গুহা নম্বর বাঘজান-৫ মৈ চাকপদা ওইরক্লিবা ফিবম ঙসি প্রধান মন্ত্রী নরেন্দ্র মোদীনা অমুক হন্না য়েংশিনখ্রে।

অমুক হন্না য়েংশিনবগী মীফম অদুদা শরুক য়াখিবশিংগী মনুংদা হোম মিনিস্তর অমিৎ শাহ, পেত্রোলিয়ম অমসুং নেচরেল গ্যাস মিনিস্তর ধর্মেন্দ্র প্রধান, অসমগী চীফ মিনিস্তর সর্বানন্দা সোনোৱাল, অতোপ্পা য়ুনিয়ন মিনিস্তরশিং অমসুং ভারত সরকারগী সেনিয়র ওফিসরশিং শরুক য়াখি।

২০২০গী মে ২৭দগী গুহা অসিদগী কনবা ঙমদনা গ্যাস য়ুরকখি। মতুং তারকপদা গ্যাস অসি থিংজিন্নবা থৌরাং তৌরিঙৈদা ২০২০গী জুন ৯দা গুহা মৈ চাক্লকখি। মফম অদুগী অকোয়দা লৈবা ইমুংশিং হোংদোকখ্রে অমসুং ওইল ইন্দিয়া লিমিতেৎ অমসুং রাজ্য সরকারনা হাংদোকপা রিলিফ কেম্পশিংদা লৈরে। হায়রিবা রিলিফ কেম্পশিং অসিদা চাউরাক্না মীওই ৯,০০০ রোম লৈরি। দিস্ত্রিক এদমিনিস্ত্রেসন্না মশক খঙদোক্লবা ইমুং ১৬১০দা খুদক্কী তেংবাং ওইনা ইমুং অমমমদা লুপা ৩০,০০০ পীখ্রে।

শোকহল্লবা ইমুংশিংদা ভারত সরকারনা পীবা য়াবা মতেং পীগনি হায়না অসমগী চীফ মিনিস্তরগী খুৎথাংদা প্রধান মন্ত্রীনা অসমগী মীয়ামদা থাজবা পীখি অমসুং লাইবক থিবা থৌদোক অসিদগী অৱাবা নংলবা রাজ্য সরকারগীদমক লেপ্লি হায়রি। থৌদোক অসি থিজিন্নবা অমসুং মদুদগী খঙহৌবশিং অদু তুংগী ওইহৌনবা দোকুমেন্ত তৌহৌনবা প্রধান মন্ত্রীনা পেত্রোলিয়ম অমসুং নেচরেল গ্যাস মিনিস্ত্রিদা খঙহনখি। তুংদা অসিগুম্বা অশোইবশিং অসি থোক্তনবা অমসুং থোরকপা মতমদা থেংননবা ঐখোয়গী লুপশিংগী মরক্তা মখা তানা ত্রেনিং পীনবা মহাক্না খঙহনখি।

গুহাদগী গ্যাস কামথোরকপা থিংনবা অমসুং মদু মখুম খুমজিন্নবা ভারত অমসুং মপান লৈবাকশিংগী অখঙ-অহৈশিংগী মতেংগা লোয়ননা অকুপ্পা থৌরাং অমা শেম্লে হায়না মীফম অদুদা থমখি। থৌরাং অদু মাংজৌননা থাখিবা মতমগী মতুংইন্না থবক ওইনা পাংথোকখ্রে অমসুং দরকার ওইবা চেকশিন-থৌরাংশিং লৌখৎলবা মতুংদা ২০২০গী জুলাই ৭তা গুহা মখুম কুপশিন্নবা থৌরাং তৌরি।