ভারতকী প্রধানমন্ত্রী

প্রধান মন্ত্রী নরেন্দ্র মোদীনা বে ওফ বেঙ্গলদা হুম্লক্লিবা সাইক্লোন ‘অম্ফান’দগী ঙাকথোক্নবা শেম–শারিবা পাম্বৈশিং য়েংশিন্নবা পাংথোকপা অৱাংবা থাক্কী মীফম অমগী ময়াই তাংবল লৌখ্রে।

প্রধান মন্ত্রীনা ফিভম অদু মপুং ফানা য়েংশিনখি অমসুং মদুগীদমক শেম–শারিবশিংগা লোইননা নেস্নেল দিজাস্তর রেস্পোন্স ফোর্স (এন.দি.আর.এফ.)না পুথোরকপা ইভাকুলেসন প্লান অদুসু য়েংশিনখি। রেস্পোন্স প্লান পুথোরকখিবা মনুংদা, দি.জি. এন.দি.আর.এফ.না খঙহনখ্রে মদুদি এন.দি.আর.এফ.কী তীম ২৫ মথৌ তৌনবা থমখ্রে অমসুং ১২ অমনা রিজর্বকীদমক শেম শাখ্রে। লৈবাক্কী তোঙান তোঙানবা মফমশিংদা অতোপ্পা এন.দি.আর.এফ.কী ২৪ অমসুং স্তেন্দবাই ওইনা লৈরে। 

মীফম অদুদা কেন্দ্রগী হোম মিনিস্তর শ্রী অমিৎ শাহ, প্রধান মন্ত্রীগী প্রিন্সিপল এদভাইজর শ্রী পি.কে. সিনহা, কেবিনেৎ সেক্রেতরী শ্রী রজীব গৌবাদা নত্তনা ভারত সরকারগী অতৈ সেনিয়র ওফিসরশিংসু শরুক য়াখি।

****