ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পি.এম.-কিসান স্কিমগী মখাদা অসম অমসুং মেঘলায়া রাজ্যশিং অমদি জম্মু অমসুং কাশ্মীর অমমদি লাদাখ য়ুনিয়ন তেরিতোরীশিংগী বেনেফিসরীশিংবু মখোয়দা কানবা ফংহন্নবগীদমক দেতাগী আধার সীদিংগী মেন্দেতরী দরকার ওইবশিং ২০২১গী মার্চ ৩১ ফাওবা কোমথোকপদা অয়াবা পীখ্রে।

প্রধান মন্ত্রী কিসান সম্মান নিধি (পি.এম.-কিসান) স্কিম অসি ইকায় খুম্নজরিবা প্রধান মন্ত্রীনা ২০১৯গী ফেব্রুৱারী ২৪দা হৌদোকখি। স্কিম অসিনা লৈবাক অসিদা লৈরিবা লৌ উনবা লম লৈবা লৌমী ইমুং পু্ম্নমক্তা শেলগী তেঙবাং ফংহন্নবা পান্দম থম্লি। স্কিম অসিগী মখাদা চহিগী ওইনা লুপা ৬০০০কী শেনফম অমা বেনেফিসরীশিংগী বেঙ্ক একাউন্তদা থা ৪ খুদিংগী লুপা ২০০০গী ইন্তোলমেন্ত অহুমলক থোক্না রিলিজ তৌরি। স্কিম অসি ২০১৮গী দিসেম্বর ১দগী ইফেক্তিব ওইখি। ২০১৯গী দিসেম্বর ১দগী অসম অমসুং মেঘলায়া রাজ্যশিং অমদি জম্মু অমসুং কাশ্মীর অমমদি লাদাখ য়ুনিয়ন তেরিতোরীশিং নত্তনা বেনেফিৎশিং পি.এম.-কিসান পোর্তেলদা রাজ্যশিং/য়ুনিয়ন তেরিতোরীশিংনা অপলোদ তৌরকপা বেনেফিসরীশিংগী আধার সীদেদ দেতাগী থোংদা রিলিজ তৌরি।

অসম অমসুং মেঘলায়া রাজ্যশিং অমদি জম্মু অমসুং কাশ্মীর অমমদি লাদাখ য়ুনিয়ন তেরিতোরীশিংগী বেনেফিসরীশিংগী দেতাগী আধার সীদিংগী থবক মপুং ফানা লোইশিনবদা অহেনবা মতম চংগনি হায়না লেপলি অমদি করিগুম্বা দেতাগী আধার সীদিংগী মেন্দতরী দরকারওইবা অদুদগী কোমথোক্ত্রবদি মসিগী রাজ্যশিং/য়ুনিয়ন তেরিতোরীশিং অসিগী বেনেফিসরীশিংনা ২০২০গী এপ্রিল ১গী মতুংদগী স্কিম অসিগী কানবা লৌবা ঙম্লরোই।

৮.৪.২০২০দা য়ামদ্রবদা ইন্তোলমেন্ত অমা পীখিবা রাজ্যশিং অমসুং য়ুনিয়ন তেরিতোরশিং অসিদা বেনেফিসরী লৌমীশিংগী অপুনবা মশিং অসি অসমদা বেনেফিসরী ২৭,০৯,৫৮৬, মেঘলায়াদা বেনেফিসরী ৯৮,৯১৫, লদাখ য়াওনা জম্মু অমসুং কাশ্মীরদা বেনেফিসরী ১০,০১,৬৬৮নি।