ভারতকী প্রধানমন্ত্রী

হর-হর মহাদেব!!

কাশীগী ইচিল-ইনাও অমসুং ইচল-ইচে পুম্নমকপু ঐহাক্না খুরুমজরি।

ঙসি কাবুলগী গুরুদ্বারদা চত্থখিবা হিংসাগী থৌদোক অদুনা ৱাখল য়াম্না নুঙাইহন্দ্রে। ঐহাক্না এতেক অসিদা লৈখিদ্রবা মীপুম খুদিংমক্কী ইমুং মনুংগী অৱাবদা শরুক য়াজরি।

মরূপশিং,

ঙসি অসি অনৌবা চহিগী অহানবা নুমীৎনি। চৈত্র নবরাত্রগী য়াফরবা কুমহৈগী অহানবা নুমীৎনি। ময়াম পুম্নমক পুজাগী থৌরমদা চিনবীরমগনি। মসিগী মরক্তা অদোম্না থৌরম অসিগীদমক মতম কায়থোকপীরিবা অসিগীদমক অদোম্বু তৌবিমল খংবা উৎচরি।

মরূপশিং,

অদোম্না খংবীরিবা অদুনি, নবরাত্রিগী অহানবা নুমীৎতা ইমা শৈলপুত্রীবু নিংজৈ। ইমা শৈলপুত্রী নোলুকপা, মীনুংশিং অমসুং মমা ওইবীগী মতৌনি। মহাকপু প্রকৃতিগী লাইরেম্বী হায়নসু খংনৈ।

ঙসি লৈবাক অসিনা ক্রাইসিস মায়োক্নরিবা মতম অসিদা ঐখোয় পুম্নমক্না ইমা শৈলসুতেগী থৌজাল য়াম্না দরকার ওইরি। ঐহাক্না ইমা শৈলপুত্রীগী মফমদা থৌনিজরি মদুদি কোরোনা লাইচৎকী মায়োক্তা লৈবাক অসিনা মায়োক্নরিবা লানফম অসিদা হিন্দুস্তান্না, লৈবাক অসিগী প্রজা কোতি চামগা কুন্থরানা মায় পাকপা ওইরসনু।

কাশীগী এম.পি. ওইবনা মরম ওইদুনা ঐহাক্না অসিগুম্লবা মতম অসিদা অদোমগী মরক্তা লৈফম থোকপনি। অদুবু অদোম্না মফম অসিদা দিল্লীদা ওইরিবা এক্তিবিতীশিং অদুসু খংবীরিব অদুনি। মফম অসিগী থবকশিংগী মথক্তা ঐহাক্না বরানাসিগী মতাংদা লেপ্পা লৈতনা ঐহাক্কী মরূপশিংদগী অপদেত লৌরি।

মরূপশিং,

নিংশিংবীয়ু, মহাভারতকী লান নুমীৎ ১৮দা মায় পাকপা ঙমখি। ঙসি কোরোনাগী মায়োক্তা লৈবাক পুম্বনা লান্থেংনরীবা অসি নুমীৎ ২১ চংগদৌরি। ঐখোয়না হোৎনরিবা অসি মসিবু নুমীৎ ২১দা মায় পাকপনি।

মহাভারতকী লানগী মতমদা ভগবান শ্রী কৃষ্ণ মহারথী ওইবীখি। ঙসি মহারথী কোতি ১৩০গী পাঙ্গল থৌনাদা ঐখোয়না কোরোনাগী মায়োক্তা চংশিল্লিূা লান অসি মায় পাক্কদৌরিবনি। মসিদা কাশী মীয়ামগীসু য়াম্না চাউরবা থৌদাং লৈরি।

কাশীগী মতাংদা হায়নরি-

মুক্তি জন্ম মহি জানি, গ্যান খানি অঘ হানি কর।

জহান বস সম্ভু ভবানি, সো কাশী সেইঅকস ন?

হায়বদি, মসি গ্যানগী খোংনি, পাপ অমসুং অৱাবা মাংহন তাকহনবীনি।

অৱাবগী পুংফম অসিদা, কাশী পুম্নমকপু লম্বী তাক্লি, পুম্নমক্কীদমক খুদম লান্থোকপা ঙম্মি।

কাশীগী এক্সপরিয়েন্স অসি ইতরনেলনি, মতম মতমগীনি।

মরম অদুনা ঙসি লোকদাউনগী ওইরক্লিবা ফিভমদা কাশীনা লৈবাক অসিদা তম্বীবা ঙমগনি- কন্ত্রোল, কোওর্দিনেসন অমসুং সেন্সিবিতী।

কাশীনা লৈবাক অসিদা তম্বীবা ঙমগনি- তেংবাং পীনবা, শান্তি, খংবা কনবা।

কাশীনা লৈবাক অসিদা তম্বীবা ঙমগনি- সাধনা, সেবা, সোলুসন।

মরূপশিং,

কাশীগী মশামক্কী অর্থদি শিবনি।

শিব হায়হদি ৱেলফেয়ার।

শিবগী নগরীদা, মহাকাল মহাদেবগী নগরীদা অৱাবা মায়োক্ননবা, পুম্নমকপু লম্বী তাক্নবা উপায় লৈত্রগদি কনাদা লৈগনি?

মরূপশিং,

মালেমগী লাইচৎ কোরোনাবু য়েংলদুনা লৈবাক পুম্বদা অচৌবা থৌরাং লৌখৎলি।

অদুবু ঐখোয়না মসি পুম্নমক্কীদমক ঐহাক্কীসু অমসুং অদোমগীদমক্তসু পুক্নিং চংগদবনি মদুদি সোসিয়েল দিস্তেন্সিং, য়ুম-য়ুমশিংদা লেংদনা লৈবা অসি মতম অসিগী অমত্তা ঙায়রবা খ্বাইদগী ফবা উপায়নি।

ঐঙোন্দা ফাওই মদুদি অদোম ময়ামগী ৱাহং কয়া অমা লৈরমগনি, চিন্তা খরসু লৈরমগনি অমদি ঐহাক্কীদমক সজেসন খরসু লৈরমগনি।

অদুনা লাকপীরে, ঐখোয় ৱারী শানবা হৌরসি। অদোম ইশাগী ওইবা ৱাহং হংবীরক্কনি ঐহাক শোইদনা পাউখুম পীনবা হোৎনজগে।

খুরুমজরী প্রধান মন্ত্রী জী

খুরুমজরী

ৱাহং – ঐহাক প্রোফেসর কৃষ্ণকান্ত বাজপাইনি। ঐহাক বরানাসিদা নেস্নেল ইন্সতিত্যুৎ ওফ দিজাইনিং তেক্নোলোজীগী দাইরেক্তরনি লোয়ননা ব্লোগরনি, রাইতরনি অমদি হৌজিক্কী ওইনা অদোম্না কোরোনাগী মায়োক্তা থেংনরিবা লান অদুগী লান্মী অমনি অদুগা লান্মী অমা ওইবনা ঐখোয় নুমীৎ খরনিদগী থবক তৌরি। এৱারনেসসু তৌরি। অমদি মদুদা খংবা ঙম্লে, মীওই কয়াগা ৱারী শানরুবা মতমদা মীওই কয়ানা অসুম্না হায়বীরকই মদুদি লাইনা অসি ঐখোয়দা চংবা ঙম্লোই, মরমদি ঐখোয়গী চাকচা-য়ুথক্কী মওং মতৌ, ঐখোয়গী এনবাইরনমেন্তকী মতৌ, ঐখোয়গী কস্তম অমসুং ত্রেদিসন অদুগা এতমোসফিয়ারসু মদুদি কালেন লাক্কদৌরে, য়াম্না শাগৎলক্লগনি, অদুনা ভাইরস অসি লোইখ্রগনি, ঐখোয়না লাইনা অসি নারোই অদুনা হিরম কয়াদা নিংহন্নবা পোকই মদুদা লমজিং লমতাকপীয়ু।

কৃষ্ণকান্ত জী ঐহাক্না য়াম্না চাউথোকচবা ফাওই মদুদি অদোমগুম্বা মতিক চারবা নাগরিকশিংনা ইশাগী ওইবা থবক্কা লোয়ননা মীয়াম্বু এৱারনেস পীবগী মরুওইবা থবক তৌবা উরুবা মতমদা।

অদোমগী অসিগুম্লবা সেবাগী ৱাখল্লোন অমদি সমাজকীদমক হোৎনরিবা অসিনা শোইদনমক্কী মহৈ পুরক্কনি, কোরোনাগী মায়োক্তা চংশিল্লিবা লান অসিদা শোইদনমক্কী মায় পাকহনগনি।

অদোম্না হায়রিবা ৱাফম অদু অচুম্বনি মদুদি মীওই কয়া অমনা হিরম অসিদা অরানবা ৱাখল্লোন লৈরি। ঐহাক্না অসিগুম্লবা মীওইশিংদা হায়জরি মদুদি য়ারিবা মখৈ অথুবা মতমদা ইশাগী অরানবা ৱাখল্লোন অদুদগী মপান থোকপীরকও, অচুম্বা অদু খংবীয়ু য়েংবীয়ু লাইনা অসিদা মাংদা লাক্লিবা ৱাফম অদুদা খ্বাইদগী চাউনা চুম্লিবদি মসিনি মদুদি লাইনা অসিনা কনাদসু খেৎনবা থমদে। মসিনা চাউখৎলবা লৈবাক্তসু চৈথেং পীরি অমদি লাইরবগী ইমুংদসু চৈথেং পীরি। মসিনা এক্সরসাইজ তৌরিবা মীওইশিং অমসুং মশাগী হকশেলদা পুক্নিং য়াম্না চংলিবা মীওইবুসু ভাইরস অসিনা নাহল্লি। মরম অদুনা কনা করি ওইরি, কদায়দা লৈরি, করি থবক তৌরি করি তৌদে, মসিগী কানবা অমত্তা লৈতে।

মসি পুম্নমক অসিদা ৱাখল থাথদুনা লৈবগী শরুক লাইনা অসি কয়া য়াম্না তমথিবগে কয়া য়াম্না শাথিবগে ৱাফম অসিদা পুক্নিং চংবীয়ু, মসি খংজিনবীয়ু। ঐখোয়না সোসিয়েল দিস্তেন্সিংদা পুক্নিং চংগদবনি। ঐখোয়না য়ুমদা লৈগদবনি অমদি অমনা অমগা লাপ্ননা লৈগদবনি। কোরোনাগুমবা লাইচৎতগী লাপথোক্না লৈনবা হৌজিক মসি অমত্তা ঙাইরবা উপায়নি। করিগুম্বা মীওই অদুনা চেকশিন্নবা লৈরবা অমদি পাউতাক ইন্দুনা চৎলগদি মহাক অদু ভাইরস অসিগী রেঞ্জতা লাকপগী ওইথোকপা হন্থহল্লি। অদোম্না মসিমসু খংজিনবীয়ু মদুদি কোরোনানা ইনফেক্ত ওইরবা, মসি য়াম্না মরুওইবা ৱাফম্নি মদুদি কোরোনানা ইনফেক্ত ওইরবা মালেমদা মীওই লাখ অমা হেন্না ফগৎপসু ফগৎলক্লে অমদি ভারত্তসু মীওই দর্জন কয়া কোরোনাগী অনাবদগী মপান থোরক্লে।

ঙরাংদি ইতালিদা চহি ৯০ হেল্লবী ইমা অমগী ফিভম ফগৎলকপসু পীউ অমদা উবা ফংখ্রে।

ঐহাক্না অদোমদা মসিমসু খংহনজরি মদুদি কোরোনাগা মরী লৈনবা অচুম্বা ইনফোর্মেশনগীদমক সরকারনা Whatsappকা খুৎশম্নদুনা হেল্প দেক্স অমসু শেম্লে করিগুম্বা অদোমগী নাক্তা Whatsappকী খুদোংচাবা লৈরগদি ঐহাক্না নম্বর অমা হায়জরক্কে ইশিনবীরো 9013 51 51 51দা Whatsapp তৌদুনা অদোম্না সর্বিস অসিগা শম্নবা য়ারগনি করিগুম্বা অদোম্না Whatsappতা নমস্তে ইবা তারবসু খুদক্তা অদোমদা মতিক চাবা পাউখুম ফংবা হৌরগনি।

খুরুমজরী প্রধান মন্ত্রী জী

খুরুমজরী

ৱাহং – ঐহাক্কী ইমিং মোহিনী ঝানৱার কৌই, ঐহাক সোসিয়েল ৱার্কর অমনি অমদি নুপীশিংগীদমক থবক তৌজরি। সর সোসিয়েল দিস্তেন্সিংগী ৱাফমদি পুম্নমক্না খংনরে অদুবু মসিদা চমম্নবা খরসু পোক্লি খুদম ওইনা মীদিয়াদগী খংবা ঙম্লে মদুদি লৈবাক্কী মফম খরদা দোক্তর অমদি হোস্পিতালদা থবক তৌরিবা কর্মচারী এয়রলাইন্দা থবক তৌরিবা কর্মচারী মখোয়বু কোরোনাগী চিংনবগা লোয়ননা ত্রিৎ তৌবীরি ৱাফম পুম্নমক অসি তাবদা ঐখোয়দা য়াম্না নুঙাইতবা ফাওই। ঐহাক্না খংজনিবদি সরকারনা মসিগীদমক করি খোংথাংলৌখৎলবগে।

মোহিনী জী অদোমগী অৱাবা অদু অচুম্বনি ঐহাক্কীসু অৱাবা অসি মসিনি, ঙরাং ঐহাক্না নর্সকা লোয়ননা দোক্তরগা লোয়ননা লোব তোক্নিসিয়ানগা লোয়ননা হিরম অসিদা পাক শন্না ৱারী শাখ্রে। ঐহাক্না মীচম প্রজাগী ৱাফম পল্লগদি অচুম্বা মতমদা অচুম্বা থবক তৌবা অমদি মরুওইবা খোংথাং লৌখৎপদা মীপুম খুদিংমক লৈবাক অসিগী মীপুম খুদিংমক য়াম্না থাজবা থম্মি, অদোম্না উবীরম্লগনি মদুদি মার্চ ২২দা মতৌ করম্না লৈবাক পুম্বনা জনতা কার্ফিযুদা মখোয়গী থৌদাং লৌখি অমদি মালেমবু অঙকপা ফাওহনখি অদুগা নুমিদাংৱাইরম পুং ৫ হেক তাবগা মিনিৎ মঙা ফাওবা মতৌ করম্না লৈবাক পুম্বগী মীয়াম্না তৌবিমল খংবা উৎনবগীদমক মাংদা থোরকখিবগে। মদু ইকায় খুম্নবগী মতৌ অমা ওইখি।

হোয় মফম খরদগী অসিগুম্লবা থৌদোকশিংগী ইনফোর্মেসনসু ফংলি মদুদা থম্মোই শোক্না নুঙাইতবা ফাওহল্লি। ঐহাক্না মীপুম খুদিংমক্তা আপীল তৌজরি মদুদি করিগুম্বা অসিগুম্বা থৌওং উবা ফংলগদি লাইচৎ অসিদগী কন্নবগীদমক মথৌ তৌরিবা দোক্তর লৈরি, নর্স লৈরি, মেদিকেলগী মীওইশিং লৈরি, শেংদোক-চামথোকপা মীওইশিং লৈরি, করিগুম্বা মখোয়গা লোয়ননা তাথি তাওইনা তৌবা থেংনরগদি অদোমসু করিগুম্বা মফম অদুগী মীওইশিং খংবা লৈরগদি মখোয়দা চেকশিন ৱা হায়বীয়ু মখোয়বু খংহনবীয়ু মদুদি অদোম্না তৌরিবা অদু অরানবনি অসুম্না তৌবা য়াদে অমদি সেবা তৌরিবশিং অদুবু ঐখোয়না মতেং পাংগদবনি।

মরম অদুনা ঐহাক্না খুদক্তা হোম দিপার্তমেন্তদা, রাজ্যগী দি.জি.পি পুম্নমকপু অকনবা থবক লৌখৎনবা হায়খ্রে মদুদি অদুগুম্লবা মীওই অমা হেক্তনা দোক্তরগা লোয়ননা, নর্সকা লোয়ননা, সেবা তৌরিবা পেরামেদিকেলগা লোয়ননা করিগুম্বা অসিগুম্বা মখলগী করিগুম্বা অমা হেক্তা তৌরগদি অফবা ওইরোই অমদি সরকরনা অকনবা খোংথাং লৌখৎকনি। অৱাবগী পুংফম অসিদা ঐহাক্না লৈবাক মীয়ামগী পুক্নিং চিংশিনজরী মদুদি করম্বা পুংফমদা হোস্পিতালশিংদা অঙৌবা ফিজোলদা উরিবা দোক্তর অমসুং নর্স অসি ইশ্বরগী মতৌনি। ঙসি মখোয়না ঐখোয়বু শিবদগী কল্লি, মশাগী পুন্সীবু খুদোংথিবদা খোং থাংজিন্দুনা মখোয়না ঐখোয়গী পুন্সী কল্লি।

ৱাহং – খুরুমজরী ঐহাক্কী ইমিং অখিলেশ প্রতাপ কৌই ঐহাক ফি ললোনবনি অমদি ঐহাক থবক অসিগা লোয়ননা সমাজ সেবাসু তৌজৈ। ঐহাক্কী পুক্নিংদা ৱাহং অসি লৈরি মদুদি ঙসিগী নুমীৎতা লোকদাউনগী তৌরি মসিনা মরম ওইরগা ঐহাক্কী মরূপ কয়া অমা য়ুমদা পন্দুনা লৈরে অমদি ঐখোয়গী লাইরবা মীওশিং নুমীৎ খুদিংগী থবক শুদুনা শেল তাল্লি, মীওইশিং অসিগী মাংদা সমস্যা লাক্লে, করিগুম্বা ঐখোয়গী বনারস য়াওনা লৈবাক পুম্বদা লৈরিবা লাইরবশিংদা অখন্নবা পুক্নিং চংবা মথৌ তাবনা ঐহাক্না অদোমগী মফমদা হায়জরি মদুদি ঐখোয়বু লমজিং লমতাকপীয়ু লৈবাক্কী নহাশিং অমসুং সমাজকী মীওইশিং অসিনা মতৌ করম্না মসিগী অৱাবা পুংফম অসিদা মীওইশিং অসিবু মতেং পাংবা ঙমগদগে।

কাশীদা ৱারী শানরগা ফিগী মীওইগা ৱারী শানদ্রগদি ৱারী শানবা অসি মপুং ফারম্লোই অদুগা অখিলেশ জী ঐহাক্না নুঙাইবা ফাওই মদুদি অদোম ললোনবনি অদুবু অদোম্না লাইরবশিংগী ৱাফম হৌদোক্লি। ঐহাক্না অদোমগী লমন তোনসিঞ্জরে। কোরোনাবি মায়থিবা পীনবগীদমক পোলিসী অমগী মখাদা আক্সপার্তশিংদগী ফংবা গাইদলাইনগী মতুং ইন্না মসি হায়রি মদুদি মীপুম খুদিংমক লাপ্না য়ামদ্রবদা মীতর অমা মখায় লাম্না লৈবীয়ু। মসি কোরোনাগী মায়োক্তা শোক্নরিবা লান্দা মিলিতরী পোলিসীনি। ঐহাক্তি মসি মিলিতরী পোলিসীনি হায়গনি।

হৌজিক নবরাত্র হৌরে, ঐখোয়না মথংগী নুমীৎ ২১ ফাওবা নুমীৎ খুদিংগী লাইরবা ইমুং ৯বু মতেং পাংনবা লৌরগদি, নুমীৎ ২১ ফাওবা ইমুং ৯বু অদোম্না হেন্দল তৌরগদি ঐহাক্না লৌই মদুদি করিগুম্বা মসি খক্তং ঐখোয়না তৌরগদি ইমাগী খ্বাইদগী চাউবা আরাধনা করি ওইবা য়াবগে। মসি অচুম্বা অমসুং অচেৎপা নবরাত্র ওইগনি মসিদা নত্তনা অদোমগী মনাক নকপদা লৈরিবা শা-শন অদুসুগী খনগদবনি, লোকদাউন্না মরম ওইদুনা শা-শনশিংগী মাংদসু চিঞ্জাক্কী অৱাবা লাক্লে, ঐহাক্না হায়জরি মদুদি অদোমগী মনাক নকপদা লৈরিবা শা-শনবুসু পুক্নিং চংবীয়ু।

মতম অসিদা কেন্দ্র লরকার ওইগেরা নত্রগা রাজ্য সরকার ওইগেরা, য়ারিবা মখৈ মসিগীদমক হোৎনরি, ঐহাক্না রাজ্য সরকারশিংদা মলুং ফানা থাজবা থম্লি মদুদি মখোয়না মশাগী রাজ্যশিংগী নাগরিক খুদিংমক্কী চিন্তাশিংবু খংনা মখোয়বু য়েংশিনগি অদুবু মরূপশিং ঐখোয়না মসিমসু খংলে মদুদি জেনরেল কন্দিসন্দসু করিগুম্বা মতমদা মৈ মুৎলি করিগুম্বা মতমদা ঈশিং লাকপা লেপ্পি করিগুম্বা মতমদা ঐখোয়গী তেংবাংগীদমক লাকপা কর্মচারী অদু খংহৌদনা অশাংবা ছুতী লৌখি, মখল কয়াগী খুদোংচাদবশিং হায়রমদনা মাংজৌননা খংহম্বা তৌদনা ঐখোয়গী পুন্সীদা লাক্তুনা লৈরি, মসি ঐখোয় হিন্দুস্তান্দা লৈরিবা পুম্নমক্কী এক্সপরিয়েন্সনি।

অসিগুম্বা অসিদা লৈবাক্কী মাংদা অসুক য়াম্না চাউবা অৱাবা তারবা মতম অসিদা মালেং পুম্বদা অচৌবা শিংনবা লাকপা মতম অসিদা খুদোংচাদবা লাক্লোই পুম্নমক অফবা ওইগনি হায়বা ইশাদা ওইদবা ঙাংবা ওইগনি। অদুবু মীকুপ অমা খনবীয়ু মসিদগীসু হেন্না মরুওইবা ৱাহংদি কোরোনাগুম্বা ক্রাইসিসতা ঐখোয়না অৱাবশিং খাংদুনসু ঐখোয় মায় পাক্কদ্রা নত্রগা পাক্লোইদ্রা, ঐখোয়না অৱাবা খাংলিবা অসিগী মতম হৌজিক্কী ওইনা নুমীৎ ২১নি খক্তনি অদুবু কোরোনাগী ক্রাইসিস লৌইদ্রবদি মসি শন্দোকপা লেপত্রগদি ক্রাইসিস অসিনা কয়া য়াম্না মাংহন তাকহনবা য়াবগে হায়বা মদু ঐখোয়না খনবসু ঙম্লোই। অসিগুম্লবা অৱাবা মতম অসিদা এদমিনিস্ত্রেসন্না, সিতিজনশিংনা, সিভিল সোসাইতীশিংনা সোসিয়েল ওর্গনাইজেসন পোলিতিকেল ওর্গনাইজেসন পুম্নমক্না তৌরিবা থবক অসি য়ারিবা মখৈ পুক্নিং থৌগৎপা মথৌ তাই।

মরূপশিং,

নমো এপতা ময়াম পুম্নমক্কী সজেসন অমসুং ফীদবেকসু পারি। শ্রী ওম প্রকাশ থাকুর জী, মুকেশ দাস জী, প্রভানশু জী, অমিত পান্দে জী কবিতা জী লৈবাক্কী তোঙান-তোঙানবা মফমদা তোঙান-তোঙানবা মীয়াম্না মশা মশাগী ওইবা মওংদা তোঙান-তোঙানবা সজেসন পীবিরক্লি মদুদি লোকদাউনবু অকনবা মওংদা অশাংবা মতমগীদমক চৎনহনগদবনি, অদোম খক্তা নত্তে লৈবাক পুম্বদগী অদোমগুম্লবা মতিক চারবা নাগরিক কয়ানসু ফেসবুক, ত্বিতর, ইন্সতাগ্রাম অমসুং য়ু ত্যুবতা লাইচৎ অসিদগী লাকশিন্নবগীদমক ৱাফম অসি থম্বীরক্লি অপীল তৌবীরক্লি। ঐখোয়গী লৈবাক মীয়ামদা মশামক্তা সংকল্প অসিমক অমদি অন্দর্সতেন্দিং লৈগদবনি মদুদি শিংনরকপা অসিদগী মায়োক্ননবা অচেৎপা ৱিল-পাৱর লৈরগদি ঐহাক্না মপুং ফানা থাজৈ মদুদি লৈবাক অসিনা লাইচৎ অসিবু শোইদনমক্কী মায়থিবা পীগনি।

লোইশিল্লকপদা অমুক হন্না অদোমদা হায়জরি মদুদি ময়াম পুম্নমক, ঐহাক্কী কাশী মীয়ামশিং ঐহাক অদোমগী মরক্তা লাকপা ঙমখিদ্রে ঐহাকপু ঙাকপীগনি। অদুবু অদোম ইশাবু প্রোতেক্ত তৌবীয়ু, লৈবাকপুসু প্রোতেক্ত তৌবীয়ু অচৌবা লান অমনি মসিদা বনারসকী মীয়াম্বুসু মশাগী মপুংফাবা থৌদাং অদু পীবা তাবনি। লৈবাক পুম্ববু লম্বী তাক্কদবনি কাশী মীয়াম্বু ঙসি অমুক হন্না দিল্লীদগী খুরুমজরি অমদি ঐহাক্না থাজবা থম্লি মদুদি অদোম্না মতম পুম্নমক্তা কাশীবু ঙাক্তুনা থম্লি তুংদসু অদোম কাশীবু ঙাক্তুনা থমখিগনি মসি ঐহাক্কী মপুং ফাবা থাজবনি। ময়াম পুম্নমকপু হন্না-হন্না থাগৎচরি।