ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা নেস্নেল আয়ুশ মিশন্দা আয়ুশ্মান ভারতকী শরুক অমা ওইনা আয়ুশ হেল্থ অমসুং ৱেলনেস সেন্তরশিং য়াওহনবদা অয়াবা পীখ্রে।

প্রপোজেল অসিনা আয়ুশ হেল্থ অমসুং ৱেলনেস সেন্তরশিংগী ওপরেস্নেলাইজেসনগীদমক চহি মঙাগী মতমগী ওইনা শেনবা চহী ২০১৯-২০দগী ২০২৩-২৪ ফাওবগী মনুংদা লুপা কোতি ৩৩৯৯.৩৫ (কেন্দ্রগী শেয়র ওইনা লুপা কোতি ২২০৯.৫৮ অমসুং রাজ্যগী শেয়র ওইনা লুপা কোতি ১১৮৯.৭৭) চাদিং তৌগদৌরি।

নেস্নেল আয়ুশ মিশনগী মখাদা আয়ুশ হেল্থ অমসুং ৱেলনেস সেন্তরশিংগী ওপরেস্নেলাইজেসন্না মখাগী পান্দমশিং অসি ফংবা ঙমগনি:

a. হৌজিক লৈরিবা পব্লিক হেল্থ কেয়র সিস্তেমগা লোয়ননা পুন্সিন্দুনা প্রিভেন্তিব, ক্যুরেতিব, রিহেবিলিতেতিব অমসুং পেলিয়েতিব হেল্থকেয়রদা মীৎয়েং থমদুনা আয়ুশ প্রিন্সিপলস অমসুং প্রেক্তিসশিংদা য়ুম্ফম ওইবা হোলিস্তিক ৱেলনেস মোদেল অমা লিংখৎপা।

b. আয়ুশ সর্বিসশিং ফংহন্দুনা দরকার ওইবা মীওইশিংবু ইনফোর্ম চোইস ফংহনবা।

c. আয়ুশ সর্বিসশিংদা লাইফস্তাইল, য়োগ, মেদিসিনেল প্লান্তকী মতাংদা কম্ম্যুনিতী এৱ্যার্নেস মনুং চলহনবা অমসুং আয়ুশ সিস্তেমগী পাঙ্গল শক্তিগী মতুং ইন্না খনগৎলবা কন্দিসনগীদমক হিদাক-লাংথকশিং ফংহনবা।

আয়ুশ মন্ত্রালয়না রাজ্যশিং অমসুং য়ুনিয়ন তেরিতোরীশিং, হকশেল অমদি য়াইফ-য়ুম্বাল মন্ত্রালয় অমসুং অতোপ্পা মরী লৈনবা মন্ত্রালয়শিংগা লোয়ননা লৈবাক্কী তোঙান-তোঙানবা মফমশিংদা লৈরিবা আয়ুশ হেল্থ অমসুং ৱেলনেস সেন্তর ১২,৫০০গী ওপরেস্নেলাইজেসনগীদমক মখাগী মোদেল অসি অসি প্রপোজ তৌরি:

i. হৌজিক লৈরিবা আয়ুশ দিস্পেন্সরীশিং অপগ্রেদ তৌবা (চাউরাক্না ১০,০০০)

ii. হৌজিক লৈরিবা সব হেল্থ সেন্তরশিং অপগ্রেদ তৌবা (চাউরাক্না ২,৫০০)

কান্নবশিং:

• অহোংবা ত্রিৎমেন্তকীদমক য়ুনিবর্সেল হেল্থ কোবরেজ ফংনবা এক্সেসিবিলিতী হেঙ্গৎপা

• সেকেন্দরী অমসুং তর্সরী হেল্থ কেয়র ফেসিলিতীশিংদা পোৎলুম হন্থবা

• “সেল্ফ-কেয়র” মোদেলনা মরম ওইদুনা অহেনবা চাদিং হন্থবা

• নীতি আয়োগকী য়াথং মতুং ইন্না এস.দি.জি. ৩ ইম্প্লিমেন্ত তৌবদা আয়ুশ পুন্সিনবা

• পান্দম থম্লিবা মফমশিংদা হোলিস্তিক ৱেলনেস মোদেল চৎনবা য়াহনবা

য়ুম্ফম:

নেস্নেল হেল্থ পোলিসী ২০১৭দা আয়ুশ সিস্তেমশিং (আয়ুর্বেদ, যোগ অমসুং নচরপেথী, য়ুনানি, সিদ্ধা, সো-রিগপা অমসুং হোমিওপেথী)গী ওইথোকপা য়াবশিংবু মপুং ফানা য়েংশিংনবগী প্লুরেলিস্তিক সিস্তেমগী মরুওইবা ইচেলদা পুরক্নবা ৱাফম য়াওরি।

ভারত সরকারনা ২০১৮গী ফেব্রুৱারীদা কমপ্রিহেন্সিব প্রাইমরী হেল্থ কেয়র ফংহন্নবা হৌজিক লৈরিবা সব হেল্থ সেন্তর অমসুং প্রাইমরী হেল্থ সেন্তরশিং ত্রান্সফোর্ম তৌদুনা হেল্থ অমসুং ৱেলনেস সেন্তর লাখ ১.৫ শেমগৎনবা ৱারেপ লৌখি।

মসিগী মতুংদা মসিমসু ৱারেপ লৌখি মদুদি আয়ুশ মন্ত্রালয়না অপুনবা সব-হেল্থ সেন্তরগী চাদা ১০বু আয়ুশ্মান ভারতকী মখাদা হেল্থ অমসুং ৱেলনেস সেন্তরগী মওংদা ওপরেস্নেলাইজ তৌগনি মদুগী মশিংনা ১২,৫০০ ওইগনি।