ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও পাউজেল অমগী থোংদা ‘জাতির পিতা’ বঙ্গবন্ধু, শৈখ মুজিবুর রহমনগী চামাশুবা মপোক কুমওন থৌরমদা শরুক য়াখ্রে।

শ্রী মোদীনা শৈখ মুজিবুর রহমনবু হৌখিবা চহিচাগী খ্বাইদগী অথোইবা পর্সোনেলিতীশিংগী মরক্তা অমা শিংথাখি অমসুং হায়খি “মহাক্কী পুন্সী পুম্বা ঐখোয় পুম্নমক্কী য়াম্না চাউবা ইন্সপিরেসন্নি।”

বঙ্গবন্ধুবু থৌনা অমসুং অরানবা থবকপু প্রমান তৌবা মীওই অমা অমদি শান্তিগী ঝৃশি অমগুম শিংথারদুনা প্রধান মন্ত্রী শ্রী মোদীনা হায়খি মদুদি বঙ্গলাদেশকী জাতির পিতানা নহারোল লাখ কয়াবু লৈবাক্কী লিবরেসনগীদমক শিংনরকপা কয়া মায়োক্ননবা অনৌবা ইনর্জী অমা পীরম্মি।

প্রধান মন্ত্রীনা মতৌ করম্না মতম অদুদা মাংহন তাকহনখিবা, জেনোসাইদ তৌখিবা অদুদগী বঙ্গলাদেশপু মপান্দা পুথোরক্নবগীদমক পোজিতিব অমসুং প্রোগ্রেসিব সোসাইতী অমা লিংখৎনবগীদমক বঙ্গবন্ধুনা মহাক্কী মীৎকুপ খুদিংমক কত্থোকখিবগে হায়বদু ফোংদোকখি।

প্রধান মন্ত্রীনা হায়খি, “মহাক য়াম্না ময়েক শেংলম্মি মদুদি লৈবাক অমা হেক্তগী দিবেলপমেন্তকী য়ুমফম অসি কৈদৌনুংদা তুকৎচবা অমসুং নেগতিবিতীনা ওইবা য়ারোই। অদুম ওইনমক, মহাক্কী ৱাখল্লোনশিং অমসুং হোৎনরিবশিং অসি মীওই খরনা পামলমদে অমদি মহাকপু ঐখোয়দগী মুন্দুনা পুবীখি।”

শ্রী নরেন্দ্র মোদীনা হায়খি, “তেরর অমসুং হিংসাবু পোলিতিক্স অমসুং দিপ্লোমেসীগী খুৎলাই ওইহনবনা মতৌ করম্না সমাজ পুম্ববু মাংহন তাকহনবগে হায়বা ঐখোয় পুম্নমক্না উরে। তেরর অমসুং হিংসাগী সপোর্তর অদু ঙসি কদায়দা লৈরি, করম্বা ফিভমদা লৈরি অদুগা নাকল অমরোমদা ঐখোয়গী বঙ্গলাদেশ করম্বা অৱাংবা থাক্তা য়ৌরবগে হায়বসু মালেম অসিনা উবা ফংলি।”

বঙ্গবন্ধুদা ইন্সপায়র ওইদুনা, অমদি প্রধান মন্ত্রী শৈখ হসিনা জীগী লুচিং মখাদা বঙ্গলাদেশনা ঙসি ইনক্লুসিব অমসুং দিবেলপমেন্ত ওরিয়েন্তেদ পোলিসীগা লোয়ননা মাংলোমদা চংশিল্লিবা অসি প্রধান মন্ত্রীনা থাগৎপা ফোংদোকখি।

মহাক্না মখা তাখি মদুদি ইকোনোমী ওইগেরা, অতোপ্পা সোসিয়েল ইন্দিসেস নত্রগা স্পোর্তস ওইগেরা, ঙসি বঙ্গলাদেশনা অনৌবা বেঞ্চমার্ক থম্লি। স্কিল, এজুকেসন, হেল্থ, ৱুমেন এমপৱারমেন্ত, মাইক্রো ফাইনান্স, অসিগুম্লবা লম কয়াদা বঙ্গলাদেশনা মমাংদা অমুক্তা ওইখিদ্রিবা মওংদা প্রোগ্রেস তৌরে।

প্রধান মন্ত্রীনা হায়খি, “ঐহাক্না ৱাফম অসিগীসু নুঙাইবা ফাওই মদুদি হৌখিবা চহি ৫-৬তা ভারত অমসুং বঙ্গলাদেশনা নাকল অনিগী লৈনরিবা মরীশিংগী গোল্দন চেপতর অমা লেংলে অমদি ঐখোয়গী পার্তনরশিপতা অনৌবা মায়কৈ অমসুং দাইরেক্সন অমা পীরে।”

মহাক্না মসিমসু হায়খি মদুদি ঙসিদি বঙ্গলাদেশ সাউথ এসিয়াদা ভারতকী খ্বাইদগী চাউবা ত্রেদিং পার্তনরসুনি অমদি খ্বাইদগী চাউবা দিবেলপমেন্ত পার্তনরসুনি। ভারত্তা জেনরেৎ তৌবা ইলেক্ত্রিসিতীনা বঙ্গলাদেশকী য়ুম লাখ কয়া অমসু ফেক্তরীশিং ঙালহল্লি। ফ্রেন্দশিপ পাইপলাইনগী থোংদা অনৌবা দাইমেন্সন অমা ঐখোয়গী মরীদা হাপচিল্লে। লম্বী-থোং ওইগেরা, রেল ওইগেরা, ৱাতরৱে নত্রগা ইন্তরনেৎ ওইগেরা, অসিগুম্লবা সেক্তর কয়াদা ঐখোয়গী তেংবাং পীনবনা ঐখোয়গী লৈবাক অনিগী প্রজাশিংবু হান্নদী হেন্না শম্নহল্লে।

প্রধান মন্ত্রীনা ফোংদোকখি মদুদি ঐখোয়গী হেরিতেজ অসি তেগোর, কাজী নজরুল ইস্লাম, উস্তাদ অলাউদিন খান, লালোন শাহ, জিবানন্দ দাস অমসুং ইশ্বর চন্দ্র বিদ্যসাগরগুম্বা ইন্তেলেকচুয়েলশিংদগী লাক্লি।

মহাক্না হায়খি মদুদি ঐখোয়গী হেরিতেজ অসিবু বঙ্গবন্ধুগী লেগেসী অমসুং ইন্সপাইরেসন্না হেন্না খংনবগী শক্তি চেলহল্লি। মহাক্কী আইদিয়েলশিং অমসুং ভেল্যুশিংদা ভারতনা মতম পুম্নমক্তা শম্নরি।

প্রধান মন্ত্রী শ্রী মোদীনা লৈবাক অনিগী লাক্কদৌরিবা পুৱারী ওইরবা মতমগী ৱাফম ফোংদোকখি। মহাক্না হায়খি মদুদি মথংগী চহি অসি বঙ্গলাদেশকী লিবরেসনগী ৫০শুবা চহী ওইগনি অমদি চহি ২০২২ অসি ভারতকী নিং তম্বগী ৭৫শুবা চহী ওইরগনি। প্রধান মন্ত্রীনা থাজবা ফোংদোকখি মদুদি মসিগী মাইলস্তোন অনি অসিনা ভারত-বঙ্গলাদেশকী দিবেলপমেন্তবু অনৌবা অৱাংবা থাক অমদা য়ৌহনবগা লোয়ননা লৈবাক অনিগী মরক্তা লৈরিবা মরূপ ওইবগী মরীসু হেন্না চেৎশিলহল্লগনি।