ପିଏମଇଣ୍ଡିଆ

ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିକଟକୁ ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନଙ୍କ ଏକ ଫୋନ କଲ ଆସିଥିଲା ।

ଉଭୟ ନେତା ଭାରତ-ଯୁକ୍ତରାଜ୍ୟ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଆଗାମୀ ଦଶକରେ କିପରି ଅଧିକ ମଜବୁତ ହେବ ତା ଉପରେ ଆଲୋଚନା କରିଥିଲେ । ଏହି ଲକ୍ଷ୍ୟ ହାସଲ ପାଇଁ ଏକ ବିସ୍ତୃତ ଯୋଜନା ବିଶେଷ ଫଳପ୍ରଦ ହେବ ବୋଲି ଉଭୟ ନେତା ସହମତି ପ୍ରକାଶ କରିଥିଲେ ।
ଜଳବାୟୁ ପରିବର୍ତ୍ତନ ଓ ବିଶେଷ କରି ବିପର୍ଯ୍ୟୟ ପାଇଁ ଆବଶ୍ୟକ ଭିତ୍ତିଭୂମିର ବିକାଶ ନେଇ ଭାରତ ଓ ଯୁକ୍ତରାଜ୍ୟ ମଧ୍ୟରେ ଥିବା ସହଯୋଗ ଉପରେ ଉଭୟ ନେତା ସନ୍ତୋଷ ବ୍ୟକ୍ତ କରିଥିଲେ । ଚଳିତ ବର୍ଷ ଗ୍ଲାସଗୋଠାରେ ହେବାକୁ ଥିବା ସିଓପି-26 ବୈଠକ ପାଇଁ ନିମନ୍ତ୍ରଣ କରିଥିବାରୁ ପ୍ରଧାନମନ୍ତ୍ରୀ ମୋଦୀ ବ୍ରିଟେନ ପ୍ରଧାନମନ୍ତ୍ରୀ ଜନସନଙ୍କୁ ଧନ୍ୟବାଦ ଜଣାଇଥିଲେ ।

ଦୁଇ ପ୍ରଧାନମନ୍ତ୍ରୀ କୋଭିଡ-19 ମହାମାରୀ ଉପରେ ମଧ୍ୟ ନିଜସ୍ୱ ମତ ବିନିମୟ କରିଥିଲେ । କରୋନା ଭାଇରସ ଦ୍ୱାରା ଆକ୍ରାନ୍ତ ବ୍ରିଟେନର ସ୍ୱାସ୍ଥ୍ୟମନ୍ତ୍ରୀ ଶ୍ରୀମତୀ ନାଡିନ ଡୋରିସଙ୍କ ପାଇଁ ଶ୍ରୀ ମୋଦୀ ଉଦବେଗ ପ୍ରକାଶ କରିବା ସହ ତାଙ୍କର ଦ୍ରୁତ ଆରୋଗ୍ୟ କାମନା କରିଥିଲେ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ସମୟ ସୁବିଧା ଦେଖି ଭାରତ ଆସିବା ପାଇଁ ଶ୍ରୀ ଜନସନଙ୍କୁ ସେ ଦେଇଥିବା ନିମନ୍ତ୍ରଣ ସମ୍ପର୍କରେ ସ୍ମରଣ ମଧ୍ୟ କରାଇଥିଲେ ।

*************