ভারতকী প্রধানমন্ত্রী

ঐহাক্কী মরূপ অমদি অমেরিকাগী রাস্ত্রপতি দোনাল্দ ত্রম্প,

অমেরিকান দেলীগেসনগী ইকায় খুম্নজরিবা মীহুৎশিং,

ইচল-ইচে অমসুং ইচিল-ইনাওশিং,

খুরুমজরী।

রাস্ত্রপতি ত্রম্প অমসুং মহাক্কী দেলীগেসনবু ভারত্তা অমুক হন্না তরাম্না ওকচরি। ঐহাক অখন্ননা নুংঙাইবা ফাওই মদুদি খোংচৎ অসিদা মহাক্না মহাক্কী ইমুং-মনুংগা লোয়ননা লাকপীরি। হৌখিবা থা নিপালদা রাস্ত্রপতি ত্রম্প অমসুং ঐহাক্কী মরক্তা মসিনা মঙারক শুবা উনবনি।

ঙরাং মোতেরাদা রাস্ত্রপতি ত্রম্পকী মমাংদা অমুক্তা ওইখিদ্রিবা অমসুং পুৱারী ওইরবা তরাম্না ওকপগী থৌরম অদু মতম পুম্নমক্তা নীংশিংদুনা লৈরগনি। ঙরাং মসি অমুক হন্না ময়েক শেংলে মদুদি অমেরিকা অমসুং ভারতকী মরী অসি শুপ্নতগী সরকার অনিগী মরক্তা লৈরিবা মরী অদু নত্তে, মসিদি পিপল-দাইবন্নি, পিপল-সেন্ত্রিক্নি। মরী অসি ২১শুবা চহীচাগী খ্বাইদগী মরুওইবা পার্তনরশিপকী মনুং চল্লি। মরম অসিনা রাস্ত্রপতি ত্রম্প অমসুং ঐহাক্না ঐখোয়গী লৈনরিবা মরীবু কমপ্রেহেনসিব গ্লোবেল স্ত্রেতেজিক পার্তনরশিপকী থাক্তা পুখৎনবা ৱারেপ লৌরে। মরীশিং অসি ফিভম অসি য়ৌনা পুরকপদা রাস্ত্রপতি ত্রম্পকী মমল নায়দ্রবা থৌদাং য়াওরি।

মরূপশিং,

ঙসি ঐখোয়গী খন্ন-নৈনখিবদা ঐখোয়না পার্তনরশিপ অসিগী মরুওইবা খুদিংমক্তা পোজিতিব ওইবা মওংদা খন্ন-নৈনরে- মদুনা দিফেন্স অমসুং সেক্যুরিতী ওইগেরা, ইনর্জীদা স্ত্রেতেজিক পার্তনরশিপ ওইগেরা, তেক্নোলোজীদা কোওপরেসন ওইগেরা, গ্লোবেল কনেক্তিবিতী ওইগেরা, ত্রেদ রিলেসনশিং ওইগেরা নত্ত্রগা প্রজাশিংগী মরক্তা লৈনরিবা মরী ওইগেরা। ভারত অমসুং অমেরিকাগী মরক্তা হেঙ্গৎলক্লিবা দিফেন্স অমসুং সেক্যুরিতীগী কোওপরেসন অসি ঐখোয়গী স্ত্রেতেজিক পার্তনরশিপকী য়াম্না মরুওইবা শরুক অমনি। মোদর্ন দিফেন্স ইক্বিপমেন্ত অমদি প্লেতফোর্মশিংদা তেংবাং পীনবনা ভারতকী দিফেন্স কেপেবিলিতী হেঙ্গৎলে। ঐখোয়গী দিফেন্স মেন্যুফেকচররশিং অমনা অমগী সপ্লাই চেনগী শরুক ওইরক্লি। ভারতকী ফোর্সশিংনা ঙসি য়ু.এস.কী ফোর্সশিংগা লোয়ননা খ্বাইদগী য়াম্না ত্রেনিং অমসুং এক্সরসাইশিং তৌরি। হৌখিবা চহী খরদা ঐখোয়গী লান্মীশিংগী মরক্তা ইন্তেরোপেরাবিলিতীদা অমুক্তা ওইখিদ্রিবা মওংদা হেঙ্গৎলে।

মরূপশিং,

মতৌ অসুম্না ঐখোয়না ইশাগী হোমলেন্দশিংগী সেক্যুরিতী অমসুং ইন্তর্নেস্নেল ক্রাইম থেংননবগীদমকসু তেংবাং পীনবা হেঙ্গৎহল্লে। ঙসি হোমলেন্দ সেক্যুরিতীদা লৌখিবা ৱারেপনা তেংবাং পীনবা অসি হেন্না মপাঙ্গল কনখৎহল্লগনি। তেররবু তেংবাংলিবশিং লাকশিন্নবগীদমক ঙসি ঐখোয়না ঐখোয়গী হোৎনরিবশিং হেঙ্গৎহন্নবা ৱারেপ লৌরে। রাস্ত্রপতি ত্রম্পনা দ্রগস অমসুং ওপিয়োইদ ক্রাইসিস লান্থেংনববু প্রায়োরিতী পীরি। ঙসি ঐখোয়গী মরক্তা দ্রগ ত্রেফিক্কিং, নার্কো-তেরোরিজম অমসুং ওর্গনাইজ ক্রাইমগুম্বা অরুবা সমস্যাশিংগী মরমদা অনৌবা মেকানিজম অমদসু য়ানবা পুরকখ্রে।

মরূপশিং,

মতম খরগী মমাংদা লিংখৎখিবা ঐখোয়গী স্ত্রেতেজিক ইনর্জী পার্তনরশিপ মপাঙ্গল কনখৎলক্লি অমদি লম অসিদা নাকল অনিমক্কী ইনবেস্তমেন্ত হেঙ্গৎলে। থাউ অমসুং গ্যাসকীদমক অমেরিকা ভারতকী য়াম্না মরুওইবা সোর্স অমা ওইরে। হৌখিবা চহী মরিদা ঐখোয়গী অপুনবা ইনর্জী ত্রেদ চাউরাক্না বিলিয়ন দোলর ২০ ওইখি। রিন্যুয়েবল ওইগেরা নত্ত্রগা ন্যুক্লিয়র ইনর্জী ওইগেরা ঐখোয়গী কোওপরেসন্দা অনৌবা ইনর্জী ফংলি।

মরূপশিং,

মতৌ অসুম্না, ইন্দস্ত্রী ৪.০ অমদি ২১শুবা চহীচাগী অতোপ্পা মতোল লোমখৎলক্লিবা তেক্নোলোজীদসু ইন্দিয়া-য়ু.এস. পার্তনরশিপ, ইনোবেসন অমসুং ইন্তর্প্রাইজকী অনৌবা মফম অমা শেমগৎলি। ইন্দিয়ন প্রোফেস্নেলশিংগী তেলেন্তনা অমেরিকান কম্পেনীশিংগী তেক্নোলোজী লীদরশিপ্পু চেৎশিলহল্লি।

মরূপশিং,

ভারত অমসুং অমেরিকানা ইকোনোমিক সেক্তরদা ওপন্নেস অমসুং ফেয়ার অমসুং বেলেন্স ত্রেদকীদমক ৱারেপ লৌরি। হৌখিবা চহী অহুমদা ঐখোয়গী লৈবাক অনিগী ওইবা ললোন-ইতিক্তা দিজিৎ অনি হেঙ্গৎলে। করিগুম্বা ইনর্জী, সিভিল এয়ারক্রাফ, দিফেন্স, অমসুং হায়র এজুকেসন লৌরগদি হৌখিবা চহী মরি-মঙাদা শুপ্নতংগী সেক্তর মরি অসি খক্তনা ভারত-অমেরিকাগী ইকোনোমিক রিলেসনশিংদা চাউরাক্না বিলিয়ন দোলর ৭০গী থৌদাং লৌখি। মসিগী মনুংদা কয়া অমদি রাস্ত্রপতি ত্রম্পকী নীতিশিং অমসুং ৱারেপশিংনা মরম ওইদুনা ওইথোক্লিবনি। ঐহাক্না মপুংফানা থাজবা থম্লি মদুদি লাক্কদৌরিবা মতমশিংদা ফিগর অসি য়াম্না হেঙ্গৎলগনি। নাকল অনিগী ওইবা ললোন-ইতিক্কী মতাংদা ঐখোয়গী কম্মর্স মন্ত্রীশিংগী মরক্তা কাননিঙাই ওইবা মওংদা ৱারী শানখ্রে। ঐখোয়না অচৌবা ত্রেদ দিল অমগীদমক য়ানবা পুরকপা হৌবদসু অয়াবা পীখ্রে। ঐখোয়না আশা তৌরি মদুদি ম্যুচুএল ইন্তরেস্ততা মসিগী অফবা মহয় ফংলগনি।

মরূপশিং,

মালেমগী থাক্তা ভারত অমসুং অমেরিকাগী তেংবাং অসি ঐখোয়গী কমন দেমোক্রেতিক ভেল্যুশিং অমসুং ওবজেক্তিবশিংদা য়ুম্ফম ওইরি। মরুওইনা ইন্দো-পেসিফিক অমসুং গ্লোবেল কমন্সতা রুল বেজ ইন্তর্নেস্নেল ওর্দরগীদমক তেংবাং অসি অখন্ননা মরু ওইরি। ঐখোয়গী লৈবাক অনি অসিনা মালেমদা কনেক্তিবিতী ইনফ্রাস্ত্রকচরগী দিবেলপমেন্তদা সস্তেনেবল অমসুং ত্রান্সপরেন্ত ফাইনান্সিংগী মরুওইবা য়ানবা পুরক্লে। ঐখোয়না য়ানবা পুরক্লিবা অসি অমনা অমগী কান্নবা খক্তা নত্তে মসি মালেমগী কান্নবনি।

মরূপশিং,

ভারত অমসুং অমেরিকাগী অসিগুম্লবা থোইদোক হেন্দোকপা মরূপ ওইবগী মরীগী খ্বাইদগী মরুওইবা য়ুমফমদি ঐখোয়গী প্রজাশিংগী মরক্তা লৈনরিবা মরীশিংনি। মদুনা প্রোফেস্নেলশিং ওইগেরা নত্ত্রগা মহৈরোইশিং ওইগেরা, অমেরিকাদা ইন্দিয়ান দাইস্পোরাগী মসিদা খ্বাইদগী চাউবা থৌদাং য়াওরি। ভারতকী এম্বাসেদরশিং অসিনা মখোয়গী তেলেন্ত অমসুং হোৎনবনা অমেরিকাগী ইকোনোমীদা থৌদাং য়াবতা নত্তনা মখোয়গী দেমোক্রেতিক ভেল্যুশিং অমসুং চাউখৎলবা কলচরনা অমেরিকাগী সমাজপুসু ইনাক খুলহল্লি।

মরূপশিং,

মায়কৈ পুম্নমক অসিদা ঐখোয়গী মরীশিংবু হেন্না চেৎশিলহনবদা রাস্ত্রপতি ত্রম্পকী খোংচৎনা পুৱারী ওইরবা থৌদাং লৌরি। অমুক হন্না ঐহাক্না রাস্ত্রপতি ত্রম্পপু ভারত্তা লেংবীরকপগীদমক, অমসুং ভারত-অমেরিকা মরীশিংবু অনৌবা অৱাংবা থাক্তা য়ৌহনবীবগীদমক থমোয়দগী থাগৎপা ফোংদোকচরি।

অদোম্বু থাগৎচরি।