ভারতকী প্রধানমন্ত্রী

হর-হর মহাদেব!!!

মহাশিবরাত্রি, মচু কয়ানা থল্লবা একাদশী অমসুং হোলীগীদমক ময়াম পুম্নমকপু নুংঙাইবা ফোংদোকচরি।

মফম অসিদা মশিং য়াম্না লেংবীরক্লিবা ঐহাক্কী ইচিল-ইনাও অমসুং ইচে-ইচলশিং!!

ইমা গঙ্গাগী তোর্বান্দা ঙসিদি অঙকপা মতাং চানরুবা অমা ওইররে। অবদুত বাবা ভগবান রামগী পোক্নফম নাকল অসোম্দা লৈরি অদুগা হৌজিক দীন দয়াল উপাধ্যায় জীগী নীংশিং খুভমসু গঙ্গাপার লমদমদা দিবেলপ তৌরি।

মরূপশিং,

ইমা গঙ্গানা কাশীদা হেক চংলকপগা মহাক্কী পাম্বোম অনি তিংথোরক্লি। পাম্বোম অমদা ধর্ম, দর্শন অমসুং স্পিরিচুয়েলিতীগী মপান নাইদ্রবা সংস্কৃতি দিবেলপ তৌরি অদুগা অতোপ্পা পাম্বোম অমদনা সেবা. কত্থোকপা অমসুং তপস্যাগী মশক ওইরি। তোর্বান অসিদা সিদ্ধয়োগী অবধুত বাবা ভগবান রামনা তপ অমসুং সাধনাগী ত্রেদিস্নেল ওইবা মওং মতৌ হোংদোক্তুনা সেবাগী অনৌবা তপোস্থল অমা শেমগৎখি। ঙসি লমদম অসিদা দীন দয়াল জীগী নিংশিং খুভম অমা হাপচিনবা, মশামক্কী মিংদা ‘পদাব’কী মগুন অদু মখা তানা চেৎশিলহল্লে। মসিনা সেবা, কত্থোকপা, ইনজস্তিস অমসুং পব্লিক ইন্তরেস্তকী অপুনবা ফম্বাক অমা দিবেলপ তৌরগনি।

মরূপশিং,

নিংশিং খুভম মফম অমসুং মফম অসিদা শেমগৎলিবা লৈকোল অসিগা লোয়ননা, অমদি মফম অসিদা খিল্লিবা অচৌবা মীতম অসিনা দীন দয়াল জীগী ইথিক্স অমসুং ৱাখল্লোনশিংবু জেনরেসনশিংনা মতুং ইনবদা পুক্নিং থৌগৎতুনা লৈরগনি।

ইচিল-ইনাও অমসুং ইচে-ইচলশিং,

ঙসি ঐহাক্না লমদম অসিবু খুরুমজরি অদুগুম্লবা পুন্যআত্মা অদুবু খুরুমজরি। অদুগা ঐহাক্না থাজবা থম্লি মদুদি দীন দয়াল জীগী আত্মানা মফম কদায়দবু লৈরবসু ঐখোয়বু লেপ্পা লৈতনা থৌজানবিরি, ঐখোয়বু লেপ্পা লৈতনা পুক্নিং থৌৎপীরি মরমদি ঐখোয়না সমাজকী অরোইবা শরুক্তা লৈরিবা মীওইগীদমক সমাজকী নৈহৎপীরবা মীওইগীদমক ঐখোয়না ঐখোয়গী পুন্সী কত্থোক্লি মখোয়গী সেবাগীদমক ঐখোয়না ফংলিবা থৌদাং অদু মপুং ফানা পাংথোক্লি।

মরূপশিং,

দীন দয়াল উপাধ্যায় জীনা ঐখোয়দা অন্ত্যোদয়গী লম্বী উৎপীরম্মি, মদুদি সমাজ অসিদা খ্বাইদগী মনিংদা লৈরিবা মীওইবু হৌগৎহনবনি। ২১শুবা চহীচাগী ভারত, ৱাখল্লোন অসিদগী ইন্সপিরেসন লৌদুনা অন্ত্যোদয়গীদমক থবক তৌরি। দিবেলপমেন্তকী অরোইবা শরুক্তা লৈরিবা মীওইশিং অদুবু দিবেলপমেন্তকী অহানবা শরুক্তা পুরক্নবগীদমক থবক পায়খৎলি। পুর্বাঞ্চল ওইগেরা, নোংপোক ভারত ওইগেরা, লৈবাক অসিগী ১০০দগী হেনবা শোত্থরবা জিলা ওইগেরা, লমদম পুম্বদা মমাংদা অমুক্তা ওইখিদ্রিবা দিবেলপমেন্তকী থবক তৌরি। পরিং অসিদা ঙসি শেংলবা তঞ্জা অসিদা বনারস য়াওনা পুর্বঞ্চল পুম্বদা কানবা ফংহনগদবা চাউরাক্না লুপা কোতি ১২০০ হেনবগী প্রজেক্তশিং শঙ্গাখ্রে অমদি উরেপ উয়ুং তমখ্রে। মসিদা অচৌবা হোস্পিতালসু য়াওরি, স্কুল অমসুং একাদেমিক্কী মফমসু য়াওরি, লম্বী-থোংশিংসু য়াওরি, ফ্লাই ওভরসু য়াওরি, ঈশিংগী প্রোজেক্তশিংসু য়াওরি, পার্কসু য়াওরি, শহরবু হেন্না ফজহন্নবা প্রোজেক্তসু য়াওরি। মীচম প্রজাগীদমক হকশেল, এজুকেসন, কনভিনেন্স, থাজবা অমসুং এমপ্লোইমেন্তকা মরী লৈনরিবা প্রোজেক্তশিং অসিগীদমক ঐহাক্না ময়াম পুম্নমকপু, বনারস অমসুং পুর্বাঞ্চলগী মীয়াম্বু হন্না-হন্না নুংঙাইবা ফোংদোকচরি।

মরূপশিং,

প্রোজেক্তশিং অসি হৌখিবা চহী ৫দগী কাশী য়াওনা পুর্বাঞ্চল পুম্বদা চত্থরিবা রিজুবেনেসনগী সংকল্পকী তৎনবা য়াদ্রবা শরুক অমনি। চহীশিং অসিদা বনারাসি জিলাদা চাউরাক্না লুপা কোতি লিশিং ২৫গী দিবেলপমেন্ত ৱার্কশিং মপুং ফানা পায়খৎখ্রে নত্রগা খুমাং য়াংনা থবক তৌরি। দেবী অহিল্যাবাই হোল্করগী মতুংদা কাশী নাগরদা অসুক য়াম্না চাউনা দিবেলপমেন্তকী থবকশিং পায়খৎলিবা অসিগী তুংদা মহাদেবগী অপাম্বা, বাবা ভোলেগী থৌজাল য়াওরি। মসি ঐখোয় পুম্নমক্কী লাইবক ফবনি মদুদি বাবানা থবকশিং অসিগীদমক ঐখোয় পুম্নমক্তা থৌদাং শিন্নবিরি। থবকশিং অসিগী য়াম্না চাউনা কানবা ফংলিবা অসি বনারস য়াওনা পুর্বাঞ্চলনি। অখন্ননা ইনফ্রাস্ত্রকচরদা লম্বী-থোং, হায়ৱে, ৱাতরৱে, রেলৱেবু সরকারনা মকোকথোংবা প্রায়োরিতী পীরি। পুর্বাঞ্চল এক্সপ্রেস-ৱেদা য়োগী জীগী তিম্না খোংজেল য়াংনা থবক তৌরি। অথুবা মতমদা মসিগী কানবা অসি রিজন পুম্বনা ফংলগনি।

ঙসি মফম অসিদা চৌকাঘাৎ-লহরতারা মার্গতা শারিবা থোংসু শঙ্গাখ্রে। মমাংদা ওইরম্বা ফিভম অদু অদোম খংবা অদুনি। কৈত রেলৱে স্তেসন ওইগেরা, বেনারস হিন্দু য়ুনিবর্সিতী ওইগেরা, হায়ৱে তর্মিনস ওইগেরা, মফমশিং অসি ফাওবা লাকপদা সমস্যা কয়া অমা ওইরম্মি, জাম য়াম্না থোকলম্মি। হৌজিক্তি জাম অসিদগী নান্থোক্লগনি। লেন ৪গী থোং অসি শাবদগী হৌজিক লহরতারা-এলাহাবাদ অমসুং চৌকাঘাৎ-দীন দয়াল উপাধ্যায় নগরগী লম্বীসু শম্নরে। মসিগা লোয়ননা তোঙান-তোঙানবা খুঙ্গংশিংবু শম্নহল্লিবা লম্বী ১৬সু ঙসি শঙ্গাখ্রে। মসিনা প্রয়াগরাজ, মির্জাপুর, জোনপুর, গাজীপুর, আজমগর, গোরখপুর, বলিয়াদগী বিহার চত্থোক চৎশিন তৌরিবশিংদসু য়াম্না কানহল্লগনি। সারনাথ য়াওনা অতোপ্পা তুরিজম মফমশিংদা চৎকদবা মীওইশিং অদুসু লম্বীশিং অসিদগী কানবা ফংলগনি।

মরূপশিং,

কাশী য়াওনা রিজন পুম্বা অসিদা চত্থরিবা কনেক্তিবিতীগী থবক অসিনা অদোমগী খুদোংচাবগা লোয়ননা থবক ফংহন্নবসু অচৌবা তঞ্জা থৌরাং তৌরি। অখন্ননা তুরিজমদা য়ুমফম ওইবা এমপ্লোইমেন্ত, কাশী অমসুং মনাক নকপা লমদমশিংদা চাউনা ওইথোকপা লৈরিবা অদুদা কানবা ফংলগনি। তুরিজম অসি থাক খুদিংমক্কী, লুপ খুদিংমক্কী মীওইশিং ইনবেস্ত য়াম্না তৌদনা শেন য়াম্না তানবা য়াবা অদুগুম্লবা সেক্তর অমনি। মরম অসিমক্ননি ঙসি ভারততা দোলর ত্রিলিয়ন ৫গী ইকোনোমীগী ৱাফম হৌদোরকপা মতমদা তুরিজম্না মদুগী মরুওইবা শরুক ওইরিবা। ভারতকী নাক্তদি প্রকৃতিগা লোয়ননা হেরিতেজ তুরিজমগীসু য়াম্না চাউবা শক্তি লৈরি, মদুবু ২১শুবা চহীচাগী শক্তম পীরি। অখন্ননা কাশী য়াওনা ঐখোয়গী থাজবগা শম্নরিবা মফম কয়াবু অনৌবা দরকার ওইবশিংগী মতুং ইন্না, অনৌবা তেক্নোলোজী শিজিন্নদুনা দিবেলপ তৌবগী থবক চত্থরি। সারনাথকী ফজবা ওইগেরা, গঙ্গা জীগী তোর্বানশিংগী ফজবা ওইগেরা, ঙসি কাশীদা লাকপা মীপুম খুদিংমক্না, তুরিস্ত খুদিংমক্না নুংঙাইরবা এক্সপরিয়েন্স পুরদুনা মফম অসিদগী চৎখি। নুমীৎ খরনিগী মমাংদা শ্রীলঙ্কাগী রাস্ত্রপতিনা মফম অসিদা লাকখি অমসুং মহাক মফম অসিগী দিবাইন এতমোসফিয়ারদা শুমহৎখি।

মরূপশিং,

কাশী বিশ্বনাথ ধামগা মরী লৈনবা প্রোজেক্ততা চত্থরিবা থবকসু ময়াম পুম্নমক্না খংবিরিবা অদুনি। ঙসিসু মফম অসিদা মন্দি কমপ্লেক্সতা শাবা লোইরবা অন্নক্ষেত্র ভবন শঙ্গাখ্রে। ভবন অসি শাবদগী মফম অসিদা প্রসাদ য়েন্থোকপা অমসুং ভক্তশিংবু চাকলেন পীজবদা লৈরম্বা খুদোংচাদবা অদু মতম পুম্নমক্কী ওইনা লাপথোকখ্রগনি। কাশী বিশ্বনাথ ধামদা অসিগুম্লবা থবক কয়া অমা খোংজেল য়াংনা পায়খৎলি। য়াম্না অথুবা মতমদা বাবাগী দিবাইন কোর্তয়ার্দ য়াম্না পুক্নিং শুমহৎপা অমসুং অচৌবা মতৌ অমদা ঐখোয় পুম্নমক্কী মাংদা লাক্লগনি। মতৌ অসুম্না অয়োধ্যাদা শ্রী রাম জন্মভুমিদসু অচৌবা মন্দির শানবগীদমক ত্রস্ত শেমখ্রে। ত্রস্ত অসিনা হৌজিক শ্রী রাম ধাম শাবদা খোংজেল য়াংনা থবক তৌবা হৌরগনি।

ইচিল-ইনাও অমসুং ইচে-ইচলশিং,

ঙসি শেংলবা থৌরম অসিদা বাবা বিশ্বনাথকী শহরবু ওমকারেশ্বর অমসুং মহাকালেশ্বরগা শম্নহল্লিবা কাশি-মহাকালি এক্সপ্রেসসু লমথাখ্রে। হৌজিক কাশীদা বাবাগী দর্শন তৌরবা মতুং উজ্জৈনদা মহাকালগী দর্শন তৌবা ফংলগনি অমদি ত্রেন অসিদা তোংদুনা মখা তানা ইন্দোরদা ওমকারেশ্বরদসু হৈ-লৈ কৎতুনা খুরুমজবা ফংলগনি। মসিদসু নত্তনা রেল সর্বিসনা প্রয়াগরাজ, লখনৌ, কানপুর, ঝানসী, বীনা, সন্ত হিরদারামগুম্বা ধর্মগী ওইবা অমসুং পুৱারী ওইরবা মফমশিংবুসু শম্নহল্লগনি। মসি মহাশিবরাত্রিগী তঞ্জাদা বাবাগী ভক্তশিংগী মফমদা অখন্নবা খুদোল অমগুম্বনি।

ইচিল-ইনাও অমসুং ইচে-ইচলশিং,

কাশী থাজবা অমসুং স্পিরিচুয়েলিতীগা লোয়ননা জ্ঞানগীসু মরুওইবা কেন্দ্র ওইরি। হৌখিবা চহী ৫দা বেনারস হিন্দু য়ুনিবর্সসিতীগুম্লবা জ্ঞান অমসিং বিজ্ঞানগী অচৌবা সেন্তরবু হেন্না পাকথোক চাউথোকহল্লে। ঙসিসু মফম অসিদা বৈদিক জ্ঞান অমসিং বিজ্ঞানদগী হৌরগা মোদর্ন মেদিনসিনগা মরী লৈনবা খুদোংচাবা কয়া অমা শঙ্গাখ্রে। ঙসি বনারস, পুর্বাঞ্চলগী য়াম্না চাউবা মেদিকেল হব ওইদুনা থিনগৎলক্লি। মফম অসিদা কেন্সরগুম্বা অরুবা লাইনাশিংগী অনৌবা থাক্তা লায়েংনবগীদমক হোস্পিতাল থৌরাং তৌরে। মমাংদা লায়েংনবগীদমক দিল্লী অমসুং মুম্বাইগুম্বা অচৌবা শহরশিংদা চৎপা তারম্বা লাইনাশিং অদু হৌজিক মফম অসিদা লায়েংবা য়ারে। মসিগী কানবা অসি উত্তর প্রদেশকা লোয়ননা নোংপোক ভারতকী মফম কয়ানা ফংবা ঙম্লে।

বেনারস হিন্দু য়ুনিবর্সসিতীদা ঙসি শঙ্গাখিবা সুপর স্পেসিয়েলিতী হোস্পিতাল অসি ২০১৬কী লোইশিল্লকপদা ঐহাক্না উরেপ উয়ুং তমখিবনি। শুপ্নতংগী থা ২১দা ফমুং ৪৩০ লৈবা হোস্পিতাল অসি শাবা লোইদুনা কাশী অমসুং পুর্বাঞ্চলগী মীয়ামগী সেবাগীদমক থৌরাং তৌরে। কবীরচৌরাদা দিস্ত্রিক্ত ৱুমেন হোস্পিতালদা ফমুং ১০০গী মেতরনিতী ৱিংদগী শরনগী নুপীশিংদা মতেং য়াম্না ফংলগনি। ঐহাক্না য়োগী জী অমসুং মহাক্কী তিম্বু নুংঙাইবা ফোংদোকচরি মদুদি উত্তর প্রদেশ পুম্বদা মেদিকেল কোলেজ অমদি আয়ুশ্মান য়োজনাগী মখাদা হেল্থ অমসুং ৱেলনেস সেন্তরশিং শাবদা মীৎয়েং থম্লি। মসিগা লোয়ননা মফম অসিদা হৌখিবা চহী ২-৩ অসিদা অফবা থক্নবা ঈশিং অমসুং লু-নানবগীদমক হোৎনরিবশিংনসু এন্সেফেলাইতিসগুম্বা লাইনাশিং থেংনবদা অচৌবা মতেং ওইরি।

মরূপশিং,

হৌখিবা চহী ৫-৫ মখায়দা ঐখোয়না ফংখিবশিং অসি হৌজিক মসিবু খোংজেল হেন্না য়াংনা মাংলোমদা পুখৎপা মথৌ তাই। লু-নানবদা চত্থরিবা কেম্পেন অসি ঐখোয়না মখা চত্থগদবনি। জল জীবন মিসনগী মখাদা লাক্কদৌরিবা চহী ৫দা য়ুমথোং খুদিংদা ঈশিং ফংহন্নবসু ঐখোয়না শক্তি পুম্নমক্কা লোয়ননা থবক তৌগদবনি। ঐহাক্না ময়ামদা থাজবা পীজরি মদুদি থবক অসিগীদমক বজেততা ককথবা লৈরোই অমদি সরকারগী ইন্তেন্সনসু হন্থরোই। বনারসকী কায়াকল্পকী মহাদেবকী অপাম্ববু ঐখোয় পুম্নমক পুন্দুনা মপুং ফাহনগনি।

ইচিল-ইনাও অমসুং ইচে-ইচলশিং,

অহোংবা লাক্লিবা ভারত্তা লৈবাক্কী দিবেলপমেন্তকী ৱারীদা অনৌবা পন্দুপ হাপচিনবগী থবক চাউরা-চাউরবা মেত্রো সিতীশিংদগী হেন্না বনারসগুম্লবা তায়র-২, তায়র-৩ সিতীশিংনা তৌগনি। দীন দয়াল জীনা অনত্যোদয়গী ৱাফম হায়বিরম্বা অদুগুম্না লৈবাক্কী অপিক-অপিকপা শহরশিং থোরকপনা লৈবাক্কী দিবেলপমেন্তপু অনৌবা অৱাংবা থাক্তা পুখৎলগনি। অসিগুম্লবা অপিকপা শহরশিং অমসুং মসিদা লৈরিবা মীওইশিংনা কেন্দ্র সরকারগী স্কিমশিংগী চাউনা কানবা ফংলি। হন্দক্তা পুথোকখিবা বজেততা ইনফ্রাস্ত্রকচরদা লুপা কোতি লাখ ১০০ হেন্না চাদিং তৌরগনি হায়না সরকারনা লাউথোকখ্রে। মসিগী য়াম্না চাউবা শরুক লৈবাক্কী অপিক-অপিকপা শহরশিংদী একাউন্তদা লাক্কনি।

মরূপশিং,

দীন দয়াল জীনা হায়বীরম্মি মদুদি সেল্ফ রেলিয়েন্স অমসুং সেল্ফ হেল্প অসি থৌরাং পুম্নমক্কী কেন্দ্র ওইহনগদবনি। মহাক্কী অসিগুম্লবা ৱাখল্লোন অসিবু সরকারগী থৌরাংশিং অমসুং ৱার্ক কলচরদা লেপ্পা লৈতনা পুরক্নবা হোৎনরি। অদোম্না য়েংবিয়ু, মেক ইন ইন্দিয়াগী কেন্দ্রদা সেল্ফ রেলিয়েন্স য়াওরি। ঙসি রেলৱেগী দবাশিংদগী হৌরগা মোবাইল ফোন অমসুং লান্মীগীদমক অনৌবা থাক্কী খুৎশু খুৎলায় ফাওবা ভারত্তা শাবা হৌরে। পুর্বাঞ্চল য়াওনা উত্তর প্রদেশ পুম্বদসু হৌখিবা চহী ৫দা অনৌবা ফেক্তরীশিং লিংখৎলে।

মতৌ অসুম্না স্তার্ত অপ ইন্দিয়াগী কেন্দ্রদসু সেল্ফ রেলিয়েন্স য়াওরি। হৌখিবা চহী ৫দা চাউরাক্না অনৌবা স্তার্ত অপ লিশিং ২৬ রেজিস্তার তৌরে, মদুদা ভারতকী নহাশিংমক্না ভারতকী নহালাখ কয়াবু থবক পীবগী থবক চত্থরি। মুদ্রা য়োজনাগী কেন্দ্রদসু সেল্ফ রেলিয়েন্স অমসুং সেল্ফ হেল্প য়াউরি। য়োজনা অসিনা লৈবাক পুম্বদা চাউরাক্না অনৌবা ইন্তরপ্রিনর কোতি ৫ মখায় থৌরাং তৌরে। চাউরাক্না লুপা কোতি লিশিং ৩গী মুদ্রা লোন বনারসমক্কী চাউরাক্না মরূপ লাখ ৬ মখায়না ফংখি। প্রধান মন্ত্রী কিসান সম্মান নিধিগী হৌরকফমদসু সেল্ফ হেল্প য়াওরি। মসিগী মখাদা উত্তর প্রদেশকী লৌমী চাউরাক্না কোতি ২গী একাউন্তদা চাউরাক্না লুপা কোতি লিশিং ১২ ত্রান্সফর তৌখ্রে।

ইচিল-ইনাও অমসুং ইচে-ইচলশিং,

ঐখোয়গী সরকারনা সমাজকী অরোইবা পরিংদা লেপ্লিবা মীওই ফাওবা য়ৌনবগীদমক, মহাক ফাওবা দিবেলপমেন্তকী কানবা য়ৌহন্নবগীদমক লেপ্পা লৈতনা থবক তৌরি। অদোম্না হায়বিয়ু, ঙসি আয়ুশ্মান ভারত য়োজনাগী মখাদা লুপা লাখ ৫ ফাওবা লেম্না লায়েংবা ওইথোকপা লৈরিবা কোতি ৫০ হেনবা লৈবাক মচাশিং অদু কনানো? মখোয় চহী ৭০ অসিদা দিবেলপমেন্তকী অরোইবা মফমদা লৈরক্লি। ঙসি লৈবাক অসিদা চাউরাক্না লাইরবা অনৌবা লাখ ৯০না লেম্না লায়েংবা ফংখ্রে, মদুগী মনুংদা উত্তর প্রদেশকী মরূপ লাখ অহুম অমদি বনারসকী চাউরাক্না লিশিং ১৬ য়াওরি। মখোয়গী ময়ুমদা অহানবা ওইনা তোইলেৎ য়ৌরকখিবা লৈবাক অসিগী মরূপ কোতি ১১ অদুসু অরোইবা মফমদা লৈবশিংনি। অহানবা ওইনা উজ্জ্বলাগী গ্যাস কনেক্সন ফংখিবা লৈবাক অসিগী ইমুং কোতি ৮ হেনবা অদুসু অরোইবা মফমদা লৈবশিংনি। মসিদসু উত্তর প্রদেশকী ইমুং চাউরাক্না কোতি অমা মখায় অমদি বরানসীকী চাউরাক্না লাখ অমগা লিশিং হুম্ফুতরা মঙানা কানবা ফংখি। মসিদসু উজ্জ্বলাগী গ্যাস কনেক্সন ফংখিবা চাউরাক্না ইমুং লাখ ৫০দি ঐহাক্কী দলিত ইচিল-ইনাও অমসুং ইচে-ইচলশিংগীনি।

পক্কাগী লৈনবা য়ুম ফংলিবা লৈবাক অসিগী মরূপ চাউরাক্না কোতি ২ অদুসু অরোইবা মফমদা লেপ্লিবা মীওইশিংনি। ঙসি লুপা লাখ ৪ ফাওবগী এক্সিদেন্ত অমসুং লাইফ ইন্সুরেন্স ফংলিবা লৈবাক মচা কোতি ২৪ অদুসু অরোইবা মফমদা লৈরম্বশিংনি। চহী ৬০গী মতুংদা লুপা লিশিং ৩গী থাগী পেন্সনগী কানবা ফংলিবা লোমী. শিন্মী, অপিকপা ললোনবশিং অদুসু দিবেলপমেন্তকী অরোইবা মফমদা লৈরক্লি।

মরূপশিং,

নীং তম্লবা মতুং অসুক শাংলবা মতম অসি অরোইবা মফম অদু শেম্দুনা থম্লকখি, মরমদি মখোয়গী সমস্যাবু ৱারোইশিন পুরকপদা নত্তে ৱারোইশিন পুরক্তনা থম্বাদা রাজনিতীগী কানবা ফংলম্মি। অদুবু হৌজিক ফিভমশিং অহোংবা লাক্লে, লৈবাক অসি অহোংবা লাক্লে। অরোইবা মফমদা লৈরিবশিং অদুদা হৌজিক অহানবা প্রায়োরিতী পীরি। মহাদেবগী থৌজালদগী, লৈবাক অসিনা ঙসি মতম পুম্নমক্তা হুন্দোক্তুনা থম্বীরম্লবা অদুগুম্লবা ৱারেপ অদুসু লৌরে। জম্মু কাশ্মিরদগী আর্তিকল ৩৭০ লৌথোকপগী ৱারেপ ওইগেরা নত্রগা সিতিজনশিপ এমেন্দমেন্ত এক্ত, চহী কয়াদগী লৈবাক অসিনা ৱারেপশিং অসি ঙায়দুনা লৈরকখি। লৈবাক্কী য়াইফনবা ৱারেপ লৌবা দরকার ওইখি অদুগা মালেম পুম্বগী প্রেসর কয়া লৈরবা ফাওবা ৱারেপশিং অসিদা ঐখোয় চপ য়ুংনা লেপখি অমসুং চপ য়ুংনা লেপখিগনি। ঙসি বাবা ভোলেনাথকী নগরীদা অবদুত বাবা ভগবান রামগী নাক্তা, দীন দয়ালগী মেমোরিয়েলদা, ঐহাক্না কাশীগী মীয়াম্বু, লৈবাক মীয়াম্বু থাজবা পীজরি মদুদি লৈবাক্কীদমক থবক অসি লেপ্পা লৈতনা চত্থখিগনি।

ঐহাক্না অমুক হন্না ময়াম পুম্নমকপু মশিং অসুক য়াম্না মফম অসিদা লেংবীরকপগীদমক, ঐহাকপু থৌজাল পীনবীবগীদমক, হন্না-হন্না থাগৎচরি!!!

ভারত ইমানা য়াইফরে!!!

ভারত ইমানা য়াইফরে!!!

ভারত ইমানা য়াইফরে!!!