ভারতকী প্রধানমন্ত্রী

ভারত সরকারগী মিনিস্ত্রি ওফ ইলেকত্রোনিক্স এন্দ ইনফোরমেসন তেক্নোলোজি(মৈতি)গী মখাদা লৈরিবা ভাসকারাচারয়া নেসনেল ইন্সতিতুৎ ওফ স্পেস এপ্লিকেসন এন্দ জিওইনফোরমেতিক্স(বিসাগ), গুজরাত অসি ভাসকারাচারয়া নেসনেল ইন্সতিতুৎ ওফ স্পেস এপ্লিকেসন এন্দ জিওইনফোরমেতিক্স(বিসাগ(এন)) হায়না পুখৎপদা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে ।

কান্নবশিং

1.
a. থবক হেন্না ফগৎনবা অমসুং অনৌবা থবকশিং পাংথোক্নবা বিসাগতা হৌজিক থবক তৌরিবা মীওইশিং অসি নেসনেল লেবেলগী ইন্সতিতুৎ অমদা চংবা য়ারগনি

b. পাংথোক্কদবা থবকশিং পাকথোক-চাউথোকহনবদা মতেং পাংগনি

c. পাংথোক্কদবা থবকশিং পাকথোক-চাউথোকহনবা অমসুং জি আই এস প্রোজেকশিং পায়খৎপদা খুদোংচাবা হেনগনি

d. পাংথোক্কদবা থবকশিং পাকথোক-চাউথোকহনবা, রিছাস অমসুং দিবলপমেন্ত অমসুং তেক্নোলোজিগী থবকশিংদা মতেং পাংগনি
e. থৌরাং অমসুং অফবা লৈঙাক লৈহনদুনা ৱারেপ লৌবগী থবকশিংদা খুদোংচাবা হেনগৎহনগনি

নুঙগীৱারোল

বিসাগ অসি হৌজিক গুজরাতকী গান্ধীনগরদা লৈবা গুজরাত সরকারগী সাইন্স অমসুং তেক্নোলোজি দিপার্তমেন্তগী স্তেদ এজেন্সি অমনি । মসি সোসাইতি অমসুং ত্রস্ত অমা ওইনা অহমেদবাদকী চেরিতি কম্মিসন্নরদা রেজিস্তার তৌরি । গুজরাত সরকারগী চীফ সেক্রেতরিনা মসিগী গভর্নিং বোদিগী চেয়র ওইরি । এজেন্সি অসিনা হিরম কয়াদা মীয়াম শরুক য়ানবা অমসুং থোংমান্না চাউখৎনবা থবক পায়খৎলি । স্পেসতা য়ুমফম ওইবা রিমোত সেন্সিং তেক্নোলোজি য়াওনা স্পেস তেক্নোলোজিশিং, সেতিলাইত কম্মুনিকেস অমসুং জিওইনফোরমেতিক্সনা খুন্নাইগী শেন-থুমগী ফিবম ফগৎহনবদা শিংথাবা য়ানা মতেং পাংলি ।

মসি অনৌবা ওর্গনাইজেসন অমা নত্তে, অদুবু হৌজিক লৈরিবা বোদি অসি রাজ্য সরকারগী ওইবগী মহুত্তা ভারত সরকারগী মখাদা মনিংতম্বা সাইন্সকী লমদা থিজিনবা বোদি অমা ওইহনবনি , মসিগী থবক অসিগীদমক মিনিস্ত্রিনা মখাগী মরুওইবা থবকশিং অসি পায়খৎলে : –

1. মৈতিগী সেক্রেতরিনা চেয়রমেন ওইরগা মাইন্স মিনিস্ত্রি, সাইন্স অমসুং তেক্নোলোজি মিনিস্ত্রিগী মীহুৎশিং অমসুং আর্থ সাইন্সেস মিনিস্ত্রিগী হান্নগী সেক্রেতরি য়াওবা এক্সপার্ত কম্মিতি অমা শেম্লে । ২০১৯গী জনুৱারি ২৮দা পাংথোকখিবা মীফমদা ৱাফম অসি এক্সপার্ত কম্মিতিনা পুখৎলকখি ।

2. ৱাফম অসি খন্ননবা কম্মিতি ওন ইস্তব্লিসমেন্ত এক্সপেন্দিজর(সি ই ই)দা থমখি । ফাইনান্স মিনিস্ত্রিগী এক্সপেন্দিজর দিপার্তমেন্তগী সেক্রেতরিনা চেয়রমেন ওইদুনা সি ই ইগী মীফম ২০১৯গী অগস্ত ৬তা পাংথোকখি । মীফম অদুদা নিতি অয়োগ, ফাইনান্স মিনিস্ত্রি অমসুং সাইন্স অমসুং তেক্নোলোজি মিনিস্ত্রিগী মীহুৎশিং শরুক য়াখি । সি ই ইনা ৱাফম অদু পুখৎলকখি ।