ভারতকী প্রধানমন্ত্রী

লৈবাক অসিগী নুপীশিং য়াইফনবা পুৱারি ওইবা বিল অমা- এসিস্তেদ রিপ্রদকতিপ তেক্নোলোজি রিগুলেসন বিল ২০২০ প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে । মসিগী মখা তারকপদা সংসদতা সোরোগেসি রিগুলেসন বিল ২০২০ পুথোক্লে অমসুং মেদিকেল তরমিনেসন ওফ প্রিগনান্সি এমেন্দমেন্ত বিল ২০২০ অয়াবা পীরে । হায়রিবা আইনশিং অসিনা নুপীশিংগী অঙাং পোকপগী হকশিং ঙাক্নবা অনৌবা থৌরাংশিং পায়খৎলগনি । 

সংসদতা বিল অসি চৎনবা হেক হৌবগা, এক্ত অসি চৎনা হৌবগী নুমিৎ কেন্দ্র সরকারনা নোতিস থোক্কগনি । মখা তারকপদা নেসনেল বোর্দ শেমগনি ।

তঙাই ফদনা লৈগদবা মচাক-মথুমশিং, লেবোরেতোরি অমসুং দাইগনোস্তিক খুৎলায়শিং অমসুং ক্লিনিকশিং অমসুং বেঙ্কশিংদা থবক তৌগদবা অখঙ-অহৈশিংগী মতাংদা নেসনেল বোর্দনা ক্লিনিকশিংদা থবক তৌরিবশিংগী চৎন-কাংলোনশিং শেমগনি ।

কেন্দ্র সরকারনা নোতিস থোকপা থা অহুমগী মনুংদা রাজ্যশিং অমসুং য়ুনিয়ন তেরিতোরিশিংনা স্তেদ বোর্দশিং অমসুং স্তেদ ওথোরিতিশিং শেমগনি ।

নেসনেল বোর্দনা শেম্বা ইনগদবা থৌশিল-থৌরাংশিং রাজ্যশিংগী ক্লিনিকশিং অমসুং বেঙ্কশিংনা ইনবগী দাইত্বা স্তেদ বোর্দনা লৌগনি ।   সেন্ত্রেল দেতাবেজ অমা শেম্বা অমসুং মসিনা নেসনেল বোর্দ মতেং পংনবা নেসনেল রেজিস্ত্রি এন্দ রেজিস্ত্রেসন ওথোরিতি অমা শেম্নবা বিল অসিনা খুদোংচাবা পীরি । নুপা-নুপী খনবশিং, মীওইবগী ইমব্রাইয়ো নৎত্রগা গেমেতশিং য়োনবা, অসিগুম্বা আইন্না য়াদবা থবকশিং পাংথোকপা এজেন্সিশিং অকনবা চৈরাক্না পীনবা ৱাফম বিল অসিদা য়াওরি।  

কান্নবশিং

এক্ত অসিগী অচৌবা কান্নবা অমনা মসিনা লৈবাক অসিদা লৈরিবা এসিস্তেদ রিপ্রদকতিপ তেক্নোলোজিগী থবকশিংগী কাংলোন শেম্লগন । মখা তারকপদা, অঙাং পোকপা য়াদ্রবা মতৈ-মনাওশিংনা চিংনবা লৈতনা নিয়ম চুম্না এসিস্তেদ রিপ্রদকতিপ তেক্নোলোজি পাংথোকপা য়াহল্লগনি ।

নুঙগীৱারোল :

এসিস্তেদ রিপ্রদকতিপ তেক্নোলোজি বিল ২০২০ অস নুপীশিংগী অঙাং পোকপগী হকশিং কন্নবা কেন্দ্রগী মন্ত্রীমন্দলনা অয়াবা পীখিবা লোশিং মরক্ত খ্বাইদগী নৌবনি । বিল অসিনা লৈবাক অসিদা অশোই-অঙাম য়াওহন্দনা অমসুং নিয়ম চুম্না এসিস্তেদ রিপ্রদকতিপ তেক্নোলোজিগী থবকশিং পাংথোকপা য়াহল্লগনি । বিল অসিগী মখাদা, নেসনেল বোর্দ, স্তেদ বোর্দশিং, নেসনেল রেজিস্ত্রি অমসুং স্তেদ রেজিস্ত্রেসন ওথোরিতিশিংনা এসিস্তেদ রিপ্রদকতিপ তেক্নোলোজি ক্লিনিকশিং অমসুং এসিস্তেদ রিপ্রদকতিপ তেক্নোলোজি বেঙ্কশিংগী কাংলোনশিং শেমগনি অমসুং থবকশিং য়েংশিনগনি ।

হৌখিবা চহি খরদা ভারত্তা এসিস্তেদ রিপ্রদকতিপ তেক্নোলোজি(এ আর তি) খুমাং চাউশিল্লে । ভারত অসি এ আর তি সেন্তরশিং মশিং য়াম্না হেনগৎপা লৈবাকশিংগী মনুংদা অমনি অমসুং চহি অমদা পাংথোকপা এ আর তি  মশিং হেনগৎলে । ইন-ভিত্রো ফরতিলাইজেসন য়াওনা এসিস্তেদ রিপ্রদকতিপ তেক্নোলোজি অসি অঙাং য়াওবা য়াদ্রবা  মীওই কয়াদা থাজবা পীরি অদুবু মসিনা আইন, নিয়ম অমসুং খুন্নাইগী ওইবা ৱাথোক কয়া লাকহনখি । মসিগী মালেমগী ওইনা অঙাং পোকপগী ইন্দিস্ত্রি অসি ভারত মরুওইবা মফম অমা ওইরক্লে অমসুং অঙাং পোক্নবগী মেদিকেল তুরিজম অসি কান্নবা থবক অমা ওইরক্লে । ভারত্ত লৈবা ক্লিনিকশিংনা এসিস্তেদ রিপ্রদকতিপ তেক্নোলোজিগী থবকশিং হায়বদি গেমেত কৎপা, ইনত্রায়ুতেরিন ইন্সিমিনেসন(আই য়ু আই), আই ভি এফ, আই সি এস আই, পি জি দি অমসুং জেস্তেসনেল সোরোগেসিগী খুদোংচাবশিং পীরি । অদুবু ভারত্তা অসুক য়াম্বা থবকশিং পাংথোক্লবসু, হৌজিক ফাওবা চপ চাবা কাংলোনশিং শেমদ্রি অমসুং পাউ তম্বগী থবক মতিক চাদ্রি ।

এসিস্তেদ রিপ্রদকতিপ তেক্নোলোজিগী থবকশিং কাংলোন শেম্বা অসিনা মরুওইনা নুপীশিং অমসুং অঙাংশিং লান্না শীজিন্নবা ঙাকথোকপা ঙমগনি । ওসাইদ পীরিবা মীওই অদু ইন্সুরেন্স অমনা ঙাকশেনগদবনি , ইমব্রাইয়ো কয়ারক ইমপ্লান্ত তৌবদগী ঙাকথোক্কদবনি অমসুং এসিস্তেদ রিপ্রদকতিপ তেক্নোলোজিগী মতেংনা পোকপা অঙাংশিং তশেংনবা পোকপা অঙাংশিংগা চপমান্নবা হকশিং ফংহনগদবনি । এ আর তি বেঙ্কশিংনা স্প্রম, ওসাইদ অমসুং ইমব্রাইয়ো লিদুনা থম্নবা নিয়মশিং শেম্বা তঙাইফদে অমসুং এসিস্তেদ রিপ্রদকতিপ তেক্নোলোজিগী মখাদা পোকপা অঙাংশিং কান্নবা ফংনবা তঙাইফদনা প্রি-জেনেতিক ইমপ্লান্তেসন তেস্ত তৌনবা বিল অসিনা পান্দম থম্লি ।

সোরোগেসি রিগুলেসন বিল ২০২০

সোরোগেসি (রিগুলেসন) বিল, ২০২০না কেন্দ্রগী থাক্ত নেসনেল বোর্দ লিংখৎতুনা অমসুং রাজ্যশিং অমসুং য়ুনিয়ন তেরিতোরিশিংদা চুনবা স্তেদ বোর্দশিং লিংখৎতুনা ভারত্তা সোরোগেসিগী থবক কাংলোন চুম্না পাংথোক্নবা পান্দম থম্লি । অখন্নবা কম্মিতি অমনা বিল অসি য়েংশিল্লে অমসুং ২০২০ ফেবুৱারি ৫দা রাজ্য সভাদা রিপোর্ত অদু পুখৎখ্রে ।

এক্ত অসিগী মরুওইবা কান্নবদি মসিনা লৈবাক অসিদা সোরোগেসিগী থবক কাংলোন চুম্না পাংথোকহনগনি । মীওইবগী ইমব্রাইয়ো অমসুং গেমেতশিং লৈবা অমসুং য়োনবা থিংবা য়াওনা শেন তান্নবা সোরোগেসি পাংথোকপা থিংগনি অমসুং অকক্নবা ফিবমশিংদা য়ুম পাল্লবা ভারতকী মতৈ-মনাওশিং, ভারত্তগী হৌখিবা লুহোংলবা মতৈ-মনাও অমসুং লু্খ্রা নৎত্রগা খাইনরবগী ভারতকী নুপীশিং  সোরোগেসি পাংথোক্নবগী অয়াবা পীগনি । মসিনা আইন্না য়াদনা সোরোগেসি পাংথোকপা, শেন তান্নবা সোরোগেসি পাংথোকপা লাকশিনগনি অমসুং সোরোগেদ মমাশিং অমসুং সোরোগেসি তৌরবা পোকপা অঙাংশিং ওৎপী-নৈবীবা থিংগনি ।

মেদিকেল তরমিনেসন প্রিগনান্সি এমেন্দমেন্ত বিল ২০২০

মেদিকেল তরমিনেসন ওফ প্রিগনান্সি এক্ত, ১৯৭১(১৯৭১গী ৩৪) অসি রেজিস্তার তৌরবা দোক্তরশিংনা অকক্নবা মীরোনবা খরা য়ৈথনবা অমসুং মসিগী মরি লৈনবা থবকশিং পাংথোক্নবা চৎনখিবনি । মসিগী এক্ত অসিনা অঙাং য়ৈথগদৌরিবা নুপী অদু অশোই-অঙাম থোকহন্দনবা, ইরাই লাইনা য়ৈথবগী থবক মমল হোংনবা ফংহন্নবা খুদোংচাবা পীরি । পুকনুংদা লৈরিবা অঙাংশিং ফিবম চাদবা নৎত্রগা নুপীশিংদা মীওৎ-মীনৈ চৎথখিবদগী মীরোনখিবনা মরম ওইদুনা হৌজিক চৎনরিবা অঙাং য়ৈথবা য়াবগী মতম অসিদা খরা হেন্না শাংদোক্নবা অয়াবা পীনবা সুপ্রিম কোর্ত অমসুং হায় কোর্তশিং পেতিসন কয়া ফাইল তৌরকখি ।

ময়াম অসি পুন্না য়েংলগা, নুপীশিং অশোই-অঙাম থোকহন্দনা অঙাং পোকপা য়ানবা ফিবম অমা শেম্নবা, খুন্নাইগী অমসুং তেক্নোলোজিশিংগী অহোংবা লাক্লিবশিং অসি য়েংলগা আইন অহুম অসি শেমখিবনি ।