ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ২০২১-২০২২ ফাওবগী মতমগীদমক লুপা কোতি ৪৩৭১.৯০ অপুনবা মমলদা অনৌবা নেস্নেল ইন্সতিত্যুতস ওফ তেক্নোলোজী (এন.আই.তি.শিং)গী পর্মনেন্ত কেম্পসশিং শেমগৎনবগীদমক রিভাইস কোস্ত ইস্তিমেতস অয়াবা পীখ্রে।
এন.আই.তি.শিং অসি চহী ২০০৯দা লিংখৎখিবনি অমদি একাদেমিক চহী ২০১০-২০১১গী মখোয়গী মরী লৈনবা তেম্পোরেরী কেম্পসশিংদা অকক্নবা মফম অমসুং ইনফ্রাস্ত্রকচরগা লোয়ননা মথৌ তৌবা হৌখি। পর্মনেন্ত কেম্পসশিং শেমগৎপগী প্রোজেক্তশিং অসি শেমগৎ-শাগৎপগী দরকার ওইবা লম লেপথোকপদা থেংথখিবা অমসুং শেমগৎ-শাগৎপগী থবক্কীদমক অয়াবা পীখিবা শেনফম অদু দরকার ওইবা শেনফমদগী য়াম্না তাথবনা মরম ওইদুনা পায়খৎপা ঙমখিদে। রিভাইস কোস্ত ইস্তিমেত অয়াবা পীখিবগা লোয়ননা মসিগী এন.আই.তি.শিং অসি ২০২২গী মার্চ ৩১দগী মখোয়গী মরী লৈনবা পর্মনেন্ত কেম্পসশিংদগী মপুংফানা মথৌ তৌরগনি। কেম্পসশিং অসিদা অপুনবা মহৈরোইগী মশিং অসি ৬৩২০ ওইরগনি।
ইঞ্জিনীয়রিং অমসুং তেক্নোলোজীগী লমদা খ্বাইদগী ফজনা তাকপী তম্বিরিবা ইন্সতিত্যুসনশিংগী মরক্তা এন.আই.তি.শিং অসি লৈবাক্কী মরুওইবা ইন্সতিত্যুসনশিং ওইদুনা মখোয়গী অৱাংবা থাক্কী তেক্নিকেল এদজুকেসনগা লোয়ননা মশক তাক্লি।
ইন্সতিত্যুসনশিং অসিনা অৱাংবা থাক্কী তেক্নিকেল মেনপৱার পুথোকপা ঙমদুনা লৈবাক্কী মফম পুম্নমক্তা ইন্তরপ্রিনরশিপ থৌগৎলগনি অমসুং থবক ফংহন্নবগী খুদোংচাবা পীরগনি।
