ভারতকী প্রধানমন্ত্রী

মরূপশিং,

অহানবা মক্তদা ময়াম পুম্নমকপু ২০২০গী য়াইফ-পাউজেল পীজরি। চহী অসিনা নখোয়গী পুন্সিদা অমসুং নখোয়গী লেবোরেতরীশিংদা পোত্থোক পুথোকপদা চাউখৎপা ওইরসনু। অনৌবা চহী অমসুং অনৌবা চহী তরাগী খুজিং অমা হৌরকপা অসিদা ঐহাক্কী অহানবা প্রোগ্রামশিংগী মরক্তা অমা সাইন্স, তেক্নোলোজী অমসুং ইনোভেসনগা মরী লৈনবা অসিদা ঐহাক অখন্ননা নুংঙাইবা ফাওই। প্রোগ্রাম অসি সাইন্স, অমসুং ইনোভেসনগা মরী লৈনবা শহর অমা ওইরিবা বেঙ্গলুরুদা পাংথোক্লি। মমাংদা ঐহাক জাতি অসিনা চন্দ্রয়ান-২দা মীৎয়েং থম্বা মতম অদুদা বেঙ্গলুরুদা লাকখি। মতম অদুদা, ঐখোয়গী জাতি অসিনা সাইন্স, ঐখোয়গী স্পেস প্রোগ্রাম অমসুং ঐখোয়গী সাইন্তিস্তশিংগী থৌনাবু সেলেব্রেৎ তৌখিবগী মতৌ অদু ঐহাক্না মতম পুম্নমক্তা নিংশিংদুনা লৈরগনি।

মরূপশিং,

লৈকোলশিংগী শহর ওইরিবা বেঙ্গলুরু অসি হৌজিক স্তার্ত অপশিংগীদমক অঙকপা ফিল্দ অমা ওইরে। মালেম অসিনা মফম অসিদা ইনোভেত তৌনবা লাক্লি। রিসর্স অমসুং দিবেলপমেন্তকী অদুগুম্লবা ইকোসিস্তেম অমা শহর অসিনা দিবেলপ তৌরি। মদুগা শম্নবা অসি নহা ওইরিবা সাইন্তিস্ত পুম্নমক, ইনোভেতর পুম্নমক, ইঞ্জিনীয়র পুম্নমক্কী মংলান্নি।

মরূপশিং,

ভারত অসি হৌজিক পীর-রিভ্যুদ সাইন্স এন্দ ইঞ্জিনীয়রিং পব্লিকেসন্সকী মশিংদা মালেমগী ৩শুবা থাক্তা লৈরে। মসিনা মালেমগী চাংচৎ চাদা ৪গা য়েংনরুবদা চাদা ১০গী চাং অমদসু হেঙ্গৎলক্লি হায়না ইফমদা খঙহনবিরে। ইনোভেসন ইন্দেক্সতা ভারতকী রেঙ্কিং ৫২ লৈদুনা ফিভম ফগৎলক্লি হায়না তাবদসু ঐহাক নুংঙাইবা ফাওই। ঐখোয়গী প্রোগ্রামশিংনা হৌখিবা চহী মঙাদা অহেনবা ইনক্যুবেতরশিং শেমগৎখিবা অসি হৌখিবা চহী ৫০দা ওইখিদ্রি। মতোল লোম্বা অসিগীদমক ঐহাক্না ঐখোয়গী সাইন্তিস্তশিংবু নুংঙাইবা ফোংদোকচরি।

মরূপশিং,

ভারতকী চাউখৎপগী ৱারী অসি সাইন্স অমসুং তেক্নোলোজী সেক্তরদা মসিগী এচিবমেন্তশিংগী মখা পোল্লি। ভারতকী সাইন্স, তেক্নোলোজী অমসুং ইনোভেসনগী লেন্দস্কেপ অসি অওনবা পুরকপা মথৌ তাই। লৈবাক অসিদা ময়োল চোংখৎলক্লিবা নহা ওইরিবা সাইন্তিস্তশিংগীদমক ঐহাক্কী মোতোদি- ইনোভেত, পেতেন্ত, প্রদুস অমসুং প্রোসপর”নি। তাঙ্কক মরি অসিনা ভারতপু খোংজেল য়াংনা চাউখৎপা অমগী মায়কৈদা পুরগনি হায়না মহাক্না হায়খি। মহাক্না মখা তাখি, “মীয়ামগীদমক অমসুং মীয়াম্না ইনোভেসন তৌবা অসি ঐখোয়গী অনৌবা ভারতকী মায়কৈনি।

মরূপশিং,

অনৌবা ভারতনা তেক্নোলোজী অমসুং লোজিকেল তেম্পরামেন্ত অমসু দরকার ওই, মদুনা মরম ওইরগা ঐখোয়না ঐখোয়গী সমাজ অমসুং ইকোনোমিক সেক্তরদা অনৌবা মায়কৈ অমা পীবা ঙমগনি। সাইন্স অমসুং তেক্নোলোজীনা থাক অমা পীদুনা মীপুম খুদিংমক্কীদমক খুদোংচাবী পীরি অমসুং মসিনা সমাজপু পুনশিলহন্নবা থৌদাং অমসু লৌরি। হৌজিক ইনফোর্মেশন অমসুং কমুনিকেসন তেক্নোলোজীদা দিবেলপ তৌরকপনা অহোংবা মমলদা স্মার্ত ফোনশিং অমসুং দাতা পীবা ঙমহল্লে মদুনা লৈবাক অসিদা লৈরিবা মীপুম খুদিংমক্তা মদু শিজিন্নবা ঙমহল্লে, চহী খরগী মমাদদি মসি অখন্নবা মীওই খরা খক্তনা শিজিন্নরম্মি। মীচম প্রজানা হৌজিক্তি মসি থাজবা থম্বা হৌরক্লে মদুদি মখোয় সরকারদগী তোঙান্না তাদে। হৌজিক্তি মহাক্না সরকারগা লোয়ননা অপনবা য়াওদনা কনেক্ত তৌবা ঙম্লে অমসুং মহাক্কী খোংজেল অদু সরকার ফাওবা য়ৌহনবা ঙম্লে।

মরূপশিং,

হন্দক্তি অদোম্না রুরেল দিবেলপমেন্তদা সাইন্স অমসুং তেক্নোলোজীগী থৌদাংদা খন্ন-নৈননবা থম্লি, মরম অদুনা লম অসিদা ঐহাক্না ৱাফম খরা হেন্না থমজগে। হৌখিবা চহী মঙাদা রুরেল দিবেলপমেন্তকী মায়কৈদা মীচম মীয়াম্না ফাওরে, এক্সপরিয়েন্স লৈরে। স্বচ্ছ ভারত অভিয়ানদগী হৌরগা অয়ুশ্মান য়োজনা ফাওবা, মালেমগী খ্বাইদগী চাউবা য়োজনাশিং, মদু ঙসিদি ইফেক্তিব দেলিবরীগীদমক থৱাই য়াওনা থাগৎলি, মদুগী তুংদা লৈরিবা শক্তি অদুদি তেক্নোলোজী অমসুং অফবা এফেক্তিব ওইবা গোবর্নান্সকীদমক ঐখোয়গী ৱাশক অদুনি।

মরূপশিং,

ঙসি লৈবাক অসিদা অফবা গবর্নান্সকী পান্দম অদু ফংনবগীদমক্তা য়াম্না চাউনা তেক্নোলোজী শজিন্নরি, মদুমক মমাংদা অমুক্তা ওইখিদ্রি। ঙরাং ঐখোয়গী সরকারনা পি.এম. কিসান প্রোগ্রামগী মখাদা বেনেফিসরী কোতি ৬তা ইন্সতোলমেন্ত রিলিজ তৌদুনা রেকোর্দ অমা থমখ্রে। মসি পুম্নমক অসি করম্না ওইথোকখিবনো? আধার ইনেবল তেক্নোলোজীগী মতেংনা।

মরূপশিং,

লৈবাক অসিগী খুঙ্গং খুদিংমক্তা, লাইরবা ইমুং ফাওবা তোইলেৎ য়ৌরিবা, ইলেক্ত্রিসিতী য়ৌরিবা অসি তেক্নোলোজীনা মরম ওইদুনা ওইথোকপা ঙম্লিবনি। তেক্নোলোজীনা মরম ওইদুনা সরকারনা অদুগুম্লবা শিংগী মৈখু মরক্তা ৱানা পুন্সি খাংলম্বা লাইরবা ইচল-ইচে কোতি ৮বু মশক খঙদোকপা ঙমখি। তেক্নোলোজীগী শিজিন্নদুনা বেনেফিসরীশিং মশক খঙদোক্লে, লোয়ননা অনৌবা দিস্ত্রিব্যুসন সেন্তর কদায়দা অমসুং কয়া য়াম্না শাগদবনো হায়বা অদুসু অতেনবা মতমদা লেপথোকপা ঙমখি। ঙসি খুঙ্গংদা লম্বী-থোংশিং মতম চানা লোইশিল্লে, লাইরবশিংগীদমক্তা য়ুম কোতি ২ হেন্না মতম চানা থৌরাং তৌবা ঙমখিবা অসিগী তুংদা তেক্নোলোজী য়াওরি। জিও তেগ্গিং অমসুং দাতা সাইন্স শিজিন্নবনা হৌজিক্তি প্রোজেক্তকী খোংজেল হেন্না য়াংশিলহল্লে। রিএল তাইম মোনিতরিংগী সিস্তেম্না স্কিম অমসুং বেনেফিসরীগী মরক্তা লৈরম্বা অহোবা অদু মেন্সিল্লে। মতম চানা থবক লোইশিনবনা কোস্ত ওভররন অমসুং লোইশিন্দবা প্রোজেক্তশিংবু পাস তৌবগী ৱাকৎ লাকলম্বা অদুসু লোইশিনখ্রে।

মরূপশিং,

ঐখোয়না ‘ইজ ওফ দুইং সাইন্স’ শোইদনা ফংহন্নবা লেপ্পা লৈতনা হোৎনরি অমসুং রেদ তেপ হন্থহন্নবা ইনফোর্মেশন তেক্নোলোজী এফেক্তিব ওইনা শিজিন্নরি। ঙসিদি লৌমীশিংনা মখোয়গী পোত্থোকশিং অদু মিদলমেনগী থৌজাল য়াওদনা কৈথেলদা য়োনবা ঙম্লে। দিজিতেলাইজেসন, ই কমর্স, ইন্তরনেত বেঙ্কিং অমসুং মোবাইল বেঙ্কিং সর্বিসশিংনা খুঙ্গংগী মীওইশিংবু ইফেক্তিব ওইনা মতেং পাংলি। ঙসিদি লৌমীশিংনা ই-গবর্নান্স ইনিসিয়েতিব কয়াগী থোংদা মখোয়গী খুদোম্বী মতোন্দা ৱেদর অমসুং ফোর্কাস্তকী দরকার ওইবা ইনফোর্মেশনশিং ফংবা ঙমলে।

মরূপশিং,

ভারতকী দিবেলপমেন্তদা, অখন্ননা রুরেল দিবেলপমেন্তদা তেক্নোলোজী শিজিন্নবা অসি ঐখোয়না হেন্না পাকথোক চাউথোকহনগদবনি। লাক্কদৌরিবা চহী তরাগী খুজিং অসি ভারত্তা সাইন্স অমসুং তেক্নোলোজীদা য়ুম্ফম ওইবা গবর্নান্সকীদমক মতিক চাবা মতম অমা ওইরগনি। অখন্ননা কোস্ত এফেক্তিব এগ্রিকলচর অমসুং ফার্মদগী কঞ্জুমরগী মরক্তা সপ্লাই চেন নেতৱার্ক্কী ওইবা মমাংদা অমুক্তা ওইখিদ্রিবা তেক্নোলোজী পুরক্লগনি। মসিগী কানবা অসি খুঙ্গংশিংনা ফংলগনি, রুরেল ইকোনোমীনা ফংলগনি। ময়াম পু্ম্নমক্না মসিমসু খঙবিরিবা অদুনি মদুদি ভারতকী খুঙ্গং লমদমশিংদা য়ুমথোং খুদিংদা ঈশিং য়ৌহন্নবগীদমক, য়াম্না চাউবা কেম্পেন অমা ওইরিবা জল জীবন মিসন হৌদোকখ্রে। কেম্পেন অসিগী শক্তিসু তেক্নোলোজীনি। ঈশিংগী রিসাইক্লিং অমসুং রিয়ুজকীদমক এফেক্তিব ওইবা অমসুং মমল হোংবা তেক্নোলোজী করম্না দিবেলপ তৌগদগে হায়বদু হৌজিক্তি অদোমগী তৌফম থৌকপা ইথৌদাংনি। মখল অমরোমদা ৱাতর গবর্নান্স অসি অদোমগীদমক অনৌবা ফ্রন্তিয়র অমনি। ইমুংদগী থাদোরকপা ঈশিংবু লৌবুক্তা ইথৈ লৌখোংগীদমক্তা শিজিন্নবা ঙমহনবা, মসিগীদমক মমল হোংবা অমসুং এফেক্তিব ওইবা সোলুসন অদোম্না থৌরাং তৌগদবনি।

মরূপশিং,

খুঙ্গংশিংদা গ্রীন, সর্কুলর অমসুং সস্তেনেবল ইকোনোমীগীদমক, রুরেল ইকোনোমীগীদমক কত্থোক্লবা স্তার্ত অপকীদমক পাক চাউনা ওইথোকপা য়াবশিং লৈরি। মহৈমরোংশিংগী লেমহৌবা মচাকশিং অমসুং য়ুমশিংদগী থোরকপা ফৎতা হাউদিসু পোলুসন অমসুং অমোৎপা পুরদুনা শিংনরকপা য়াই। মসিগী ৱেস্ত অসিসু ঐখোয়না ৱেল্থতা ওন্থোক্নবগীদমক খোংজেল য়াংনা থবক তৌবা তাই। ঐখোয়না হোৎনরিবা অসিদি চহী ২০২২ ফাওবদা ক্রুদ ওইলগী ইমপোর্ত য়ামদ্রবদা চাদা ১০ হন্থহনবনি। মরম অদুনা বাইওফুয়েল, ইথেনোল পুথোকপগী লমদা স্তার্ত অপকীদমক ওইথোকপা য়াম্না লৈরি।

অসিগুম্বা মতম অসিদা ইন্দস্ত্রীদা য়ুম্ফম ওইবা রিসর্সপু ঐখোয়না অহেনবা পুক্নিং থৌগৎপা তাই, স্তেক হোল্দর পুম্নমক্কী মরক্তা তাথোক-তাশিংন তৌবা অমা ঐখোয়না দিবেলপ তৌবা তাই। খঙজিনবিয়ু, অদোমগী থৌদাং অসিমক্না ভারতপু দোলর ত্রিলিয়ন মঙাগী ইকোনোমী ওইহনবদা য়াম্না চাউবা থৌদাং লৌরগনি।

মরূপশিং,

এগ্রিকলচরেল প্রেক্তিসশিংগা মরী লৈনবা তেক্নোলোজীশিংদা রিভোলুসন পুরকপা অমা মথৌ তাই। খুদম ওইনা চরুখোক মৈ থাবগী প্রোব্লেমদা ঐখোয়না ফার্মর-সেন্ত্রিক সোলুসন পুথোকপা ঙমব্রা? মৈখু হন্থহবা অমসুং অহেনবা ইনর্জী ইফিসেন্সীগীদমক ঐখোয়গী চেক্কোনশিসু অমুক হন্না দিজাইন তৌবা ঙমব্রা? লৈবাক পুম্বদা ক্লিন দ্রিঙ্কিং ৱাতর সপ্লাইগী প্রোব্লেমদা হেন্না ফবা অমসুং খোংজেল য়াংবা সোলুসনশিং পুথোকপা ঐখোয় দরকার ওই।

মরূপশিং,

অতোপ্পা মরুওইবা পোইন্ত অমা ঐহাক্না থমজনীংবদি ঐখোয়গী প্রজাদা দাইগ্নোস্তিক্তা এদভান্সকী মহৈশিং পুরক্নবা দেমিকেল দিভাইসশিংদা মেক ইন ইন্দিয়াগী সিগ্নিফিকেন্সনি।

মহাত্ম গান্ধীনা হায়বীরম্মি, “অশেংবা লন-থুমদি হকচাং ফবনি, সনা অমসুং লুপাগী মচেৎশিং নত্তে।” নুংঙাই য়াইফবা প্রমোৎ তৌনবগীদমক তেস্ত তৌরবা ত্রেদিস্নেল ৱিসদম খক্তমক ঐখোয়না প্রেক্তিস তৌরোইদবনি, অদুবু মসিগী স্কোপ অসি অনৌবা থাক্কী খুৎশু-খুৎলাই অমসুং কন্তেমপোরেরী বাইওমেদিকেল রিসর্সকী কন্সেপ্ত হাপচিন্দুনা মখা তানা হেন্না পাকথোক চাউথোকহনগদবনি।

মরূপশিং,

ভারতনা সস্তেনেবল অমসুং এনভাইরনমেন্ত ফ্রেন্দলী ত্রান্সপোর্তেসন অমসুং ইনর্জী স্তোরেজ ওপ্সনশিংগীদমক লোং তর্ম রোদমেপ অমসুং দিবেলপ তৌগদবনি। চপ চাবা ৱেদর অমসুং ক্লাইমেৎ ফোরকাস্তিংগী ইকোনোমিক অমসুং সোসিএল বেনেফিৎশিং অসি পাক চাউই। ৱেদর ফোরকাস্ত অমসুং ৱার্নিং সর্বসশিংদা খন্ননিঙাই ওইবা মওংদা ফিভম ফগৎলে অখন্ননা ত্রোপিকেল সাইক্লোন্দা। মসিনা অশোক অপনগী চাং হন্থহল্লে। স্পেস এক্সপ্লোরেসন্দা ঐখোয়গী মায় পাকপনা দীপ সীগী অনৌবা ফ্রন্তিয়রদা হৌজিক্তি মমি তারগনি।

মরূপশিং,

তেক্নোলোজী অসি সরকার অমসুং মীচম মীয়ামগী মরক্কী থোংনি। তেক্নোলোজীনা খোংজেল য়াংনা দিবেলপ তৌবা অমসুং অচুম্বা দিবেলপমেন্তদা খল মানহনবগী থবক তৌই। তেক্নোলোজী অসি মশাগী ওইবা নাথৈবা, মশাগী ওইবা পার্তী লৈজদে। মরম অসিমক্ননি হ্যুমেন সেন্সিবিতী অমসুং মোদর্ন তেক্নোলোজীগী কোওর্দিনেসন হেঙ্গৎলকপা মতমদা মমাংদা ওইখিদ্রিবা মওংদা রিজল্ত ফংলিবা। ঐহাক্না মপুং ফানা থাজবা থম্লি মদুদি অনৌবা চহী অসিদা, অনৌবা চহী তরাগী খুজিং অসিদা, অনৌবা ভারতকী অনৌবা এতিচুদ, অনৌবা এপ্রোচপু ঐখোয় অমত্তা ওইনা পুল্লগা পাঙ্গল লৈনা তৌবা ঙমগনি। অমুক হন্না ময়াম পুম্নমকপু, সাইন্তিফিক কমুনিতী পুম্নমকপু অমসুং অদোমগী ইমুং-মনুংবু অনৌবা চহীগী য়াইফ-পাউজেল পীজরি। হন্না-হন্না থাগৎচরি।