ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অতল ভুজল য়োজনা (অতল জল) ইমপ্লিমেন্ত তৌবদা অয়াবা পীখ্রে। অপুনবা শেনফম লুপা কোতি ৬,০০০গা লোয়ননা সেন্ত্রেল সেক্তর স্কিম অসি চহী মঙা (২০২০-২১দগী ২০২৪-২৫ ফাওবা)গী পেরদ অমদা ইমপ্লিমেন্ত তৌগনি।

স্কিম অসিনা রাজ্য তরেৎ গুজরাত, হরিয়ানা, কর্নাতকা, মধ্য প্রদেশ, মহারাস্ত্র, রাজস্তান অমসুং উত্তর প্রদেশতা সস্তেনেবল গ্রাউন্দৱাতর রিসোর্স মেনেজমেন্তগীদমক কমুনিতীগী থাক্তা অহোংবা পুরক্নবা অমসুং গ্রাউন্দৱাতর রিসোর্স মেনেজমেন্তদা থৌদাং লৌনবগীদমক ইন্সতিত্যুস্নেল ফ্রেমৱার্ক চেৎশিলহন্নবগী পান্দমগা লোয়ননা দিজাইন তৌবনি। স্কিম অসি ইমপ্লিমেন্ত তৌবনা রাজ্যশিং অসিদা জিলা ৭৮দা লৈরিবা চাউরাক্না গ্রাম পঞ্চায়ৎ ৮৩৫০দা কান্নহল্লগনি। অতল জলনা পঞ্চায়ৎনা লুচিংবা গ্রাউন্দ ৱাতর মেনেজমেন্ত অমসুং দিমান্দ সাইদ মেনেজমেন্তদা মরুওইবা মীৎয়েং থম্বগা লোয়ননা অহোংবা পুরকপদা পুক্নিং থৌগৎলগনি।

অপুনবা শেমফম লুপা কোতি ৬,০০০কী চাদা ৫০দি ৱার্ল্দ বেঙ্কতগী লোন লৌগনি অমসুং কেন্দ্র সরকারনা অমুক শিংগনি। লেমহৌরিবা চাদা ৫০না রেগুলর বজেতরী সপোর্ততগী কেন্দ্রগী তেংবাংগী খুত্থাংদা ওইগনি।

অতল জলগী মরুওইবা মচাক অনি লৈরি:

ক. মোনিতর তৌবগী নেৎৱার্ক ফগৎহনবা, কেপাসিতী বিলদিং, ৱাতর য়ুজর এসোসিএসনশিং মপাঙ্গল কনখৎহনবা অসিনচিংবা য়াওনা রাজ্যশিংদা সস্তেনেবল গ্রাউন্দ ৱাতর মেনেজমেন্তকীদমক ইন্সতিত্যুস্নেল এরেঞ্জমেন্তশিং হেঙ্গৎহন্নবগীদমক ইন্সতিত্যুস্নেল স্ত্রেংথনিং অমসুং কেপাসিতী বিলদিংগী মচাক।

খ. দাতা শন্দোকপা, ৱাতর সেক্যুরিতী প্লানশিং শেম শাবা, মেনেজমেন্ত ইন্তরবেন্সনশিং ইমপ্লিমেন্ত তৌবগী থোংদা হৌজিক চত্তরিবা স্কিমশিংদা য়াওশিনবা, দিমান্দ সাইদ মেনেজমেন্ত প্রেক্তিসশিং এদোপ্ত তৌবা অসিনচিংবা হেন্না ফবা গ্রাউন্দৱাতর মেনেজমেন্ত প্রেক্তিসশিং ফংনবগীদমক রাজ্যশিংবু পুক্নিং থৌগৎনবগীদমক ইন্সেন্তিবকী মচাক।

অতল জলনা কান্নহনগদবা:

i. গ্রাউন্দ ৱাতর মোনিতরিং নেৎৱার্কশিং অমসুং তোঙান তোঙানবা থাক্তা স্তেকহোল্দরশিংগী কেপাসিতী বিলদিং ফগৎহন্নবগীদমক ইন্সতিত্যুসনশিং মপাঙ্গল কনখৎহনবা। মদুনা গ্রাউন্দ ৱাতর দাতা স্তোরেজ, একচেঞ্জ, এনালাইজ তৌবা অমসুং শন্দোকপা হেঙ্গৎহল্লগনি।

ii. পঞ্চায়ৎকী থাক্তা কমুনিতী-লেদ ৱাতর সেক্যুরিতী প্লানশিং শেম-শাবা অমসুং হেন্না ফবা দাতাবেজ অমদা য়ুমফম ওইরগা ৱাতর বজেত ফগৎহনবা

iii. সস্তেনেবল গ্রাউন্দ ৱাতর মেনেজমেন্তকীদমক ফন্দশিগী জুদিসিয়স অমসুং য়ুতিলাইজেসন লাইথোকহন্নবগীদম কেন্দ্র সরকার অমসুং রাজ্য সরকারশিংগী হৌজিক চত্থরিবা/অনৌবা স্কিমশিংগী থোংদা ৱাতর সেক্যুরিতী প্লান ইমপ্লিমেন্ত তৌবা।

iv. ফংলিবা গ্রাউন্দ ৱাতর রিসোর্সশিংবু দরকার ওইরিবা মফমশিংদা মাইক্রো-ইরিগেসন, ক্রোপ দাইবরসিফিকেসন, ইলেক্ত্রিসিতী ফিদর সেপরেসন অসিনচিংবদা মতিক চানা শিজিন্নবা।